MATHE 5:18 - Lacid Common Language Bible

¹⁸ Nanu" ri ngoo deung" deung tid ba- Mougkhung: yo' myidjang: abyo, loo" shi" ri hau: zi abui" bui" gi hau: toung: to" da" Tarha" mo dang: myhi' dakhoin" yo' dang: khyoo: dakhoin" we' yo" led loo" wa zi anghoid.

MATHE 5:18 ပူးပေါင်းရင်းမြစ်များ

COUNG" NGHEI 102:26

Houg: bang: gi byoug shang loo" Nghoid loug we' nang gi dageung: jo Houg: bang: dangain" gi byimi joid yhang: ti" axoug" bue" lo" wigi byimi ri yhang: ti" nang hau: ziri thid pyam lho: bei: shoem: lo" byoug boem wa zi za: nghoid.

COUNG" NGHEI 111:8

Hau: da" dangsoo" khoin" joem gi byunyid xiyam: moo: dageung jo- hau: dangsoo' khoin" joem gi jo ziyo' deungbyeung" khyo" cang loo" ca" zi nghoid.

COUNG" NGHEI 119:152

Goonham mo wigi re" da" khyoo: shed dang: khoin" joem akhyoo" ri ngoo jhau" kham: yu loo bye:- nang gi hau: ziri pyaid moo: too: moo geung: teung jo, nhang: bye:.

ESAIA 40:8

Nghoid bye:. Myo, gam gi yhau" lo lho: bain joem gi shoem lo" byug da:. Nghoid loug we' ngoonu" da" Mangso dang: gi apyaid atoo: moo geing teing nyid, da» ga: tid da:.

ESAIA 44:26

Nghoid loug we' nga" dei zoo: Lapi: pe: lang" nga" da" myid soin: khyoo: joem ri toin" shid wa shid re" nga" lagyoo: ri nhang: kaid lang" ngoo gi hau: myid soin: khyoo: joem ri koid byid: wigi lapi: dang: ri joeb byeung" loo nhang: wa. Voo byu yi doem nyid loo goo" wa ein: Yerusalem ri ngoo tid. Nyangnu" doem de: nyid loo wa ein: Yuda voomoo" joem ri ngoo tid. Hau: voomoo" joem gi byo, yoin" jo, jang" mo doem to' loo goo" wa.

ESAIA 51:6

Mougkhung: khyoo: nghang yu" kaid ge'. Mougmyid khyoo: goeb yu" kaid ge'. Mougkhung: gi myikhoug" yhang: ti" bei: byug wa. Mougmyid gi byimi xoug" yhang: ti" yoem: lo" byug wa. Nya: byu dangain" gi yangkhung" joem yo' dakhyoo" ti" shid: lo" byug wa. Nghoid loug we' ngoo ci: lo da" khyoid yu zigi apyaid atoo: moo deing jo, wa. Nga" oungdoid zigi lo" thang moo nghoid wa.

MATHE 10:15

Ngoo jhug" jhug tid ba- Tarha" dang: kho' da" bidnyid ri Sodom yo" Gomora voogoung tho' moo je kham: zoo: youg goo" wa.

MATHE 10:23

Davoo moo nanu" ri pyi: sho: loo lang" gi goo" voo khyoo phang: loo" ge'. Israela amyu" yi da" voogung joem moo nanu" moo" abain zei: shi" ri hau: byu da" nya: zoo: gi ju" gyoo" loo wam: bye.

MATHE 10:42

Hang" nghoid loug- lagyoo: pho, da" myonhoo: ri tu: lho: he: da" nga" cangzoo: nge thang su: mo dayug yug ri gyid jham" dagoem shoin: jhoug nghoid ri hau: yug gi nya: aphoug" ayo" yu loo: nyid wa zi anghoid. Ein: wigi ngoo jhug" jhug tid» ga: tid.

MATHE 11:11

Ngoo jhug" jhug tid da" zigi Xangsu: mhoo: myid: moo Baptisma sara: Yohan tho' je gyi: da" zigi dayug we' abo yu" shi" nghoid loug mougkhoung: mungdain: moo nge thang yug gi Yohan tho' je gyi: su: nghoid.

MATHE 13:17

Nanu" ri ngoo gyeing" nyang: tid ba:- nanu" yo" myang da" zi joem ri Lapi: yi yo" deung: byeung" da" byu yi myoo" sho' myang noug goo" nghoid loug ashau" myang boem. Nanu" shau" gyo: da" khyoo: ri we' nyangnu" gi ashau" gyoo: nghoid ago".

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 17:20

Aseing Yesu gi «Nanu" moo loem" jeung" nheigloem: ngi, yoomo nghoid. Ngoo deung" deung nanu" ri tid zigi nanu" moo loem" jeung" nheigloem: nghang" shi" cab yhi' koo: bo nghoid rigi He: da" boem ri he: joyoo mo zi fo: joyoo khyoo yu: loo" we' ga: tid nghoid ri yu: loo" khari" wa loem" jeung" nheigloem: bo rigi nanu" ayo" koid: wa zi ci" we ajo.

MATHE 18:18

«Nanu" dangain" mo ri ngoo gyeing" gyeing" tid da" zigi Mougmyid tho' moo nanu" toung: too" ma too" gi Mougkhung: tho' moo we' toung: too" lang" wa. Myidjang: tho' moo nanu" akhang" byid: moo byid: gi Mougkhoug: tho' moo we' akhang" byid: lang" wa zi nghoid.

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

MATHE 19:23

Aseing Yesu gi «Ngoo nanu" ri gyeing" gyeing" tid ba:- yoo" zoo: yoo" shoug su: gi Mangso Mungdain: moo yo" vang loo" wa shid re" gye yau: nyid.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

MATHE 21:21

Yesu gi «gyeing" gyeing" nanu" ri ngoo tid ba. Nanu" we' loem" shoid zi aboo loo: loem" jeung" nheigloem: bo nghoid rigi he: lafoem gam ri ngoo koid: ti" yo" koid: boem wa. Houg: za: anghoid ‹he: boem ri Panglai gyid mung" khyoo: thoid loo" we'› ga: tid ri lang" houg: su" yo" bue" loo" goo" wa zi nghoid.

MATHE 21:31

Nghoidloug we' ayhi: loo: za: nyid nyid zooshang: eig yug mo khayug gi nya: phoo vho: da" khyoo: ri koid: lha"» ga: myid: yu" nyangnu" gi «Mang: mo" yug nghoid» ga: phoid: boem. Yesu gi «nanu" ri ngoo tid ba"- kheing" khyu: zoo: mo, yo" shava myiyi: yi gi nanu" da" shid moo Mangso mungdain: khyoo vang lo" nyid boem bye.

MATHE 23:36

Hid: yhangti" suid" shoin: pyam mo, dangain" mo, shid re" he: da" pyaid mo byu yi da" tho' moo yooboo dam shau" kham: zoo: wa ein:- nanu" ri ngoo deung" deung tid bye.

MATHE 24:2

Nyang: tid «nghoid bye: zigi He: yhoem: dangain" ziri nanu" myang wa nanu" ri ngoo tid ba"- he: lug yhoem: zeing gi lug daloem: tho' moo daloem: ake" too" loo sho'- phyo' sain" khyo pyam zi shug wa nghoid.»

MATHE 24:47

Nanu" ri ngoo deung" deing tid da" zigi yhoem: seing: gi hau: da" deizoo: ri nya: zi jo, moo jo, ri yu" goin coung: vhoeb' khang" nyid wa shid re" hau: da" deizoo: ri nyheing too" zi nghoid.

MATHE 25:12

Nghoidloug we phoo seig gi «ngoo nanu" ri asi» ga: phoug tid.

MATHE 25:40

Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.

MATHE 25:45

Khokham" gi ngoo nanu" ri deung" deing tid ba"- nge thang da" hid bang: mo dayug yug ri ‹nanu" agoin acoung: da" zigi ngoori agoin acoung: zi nghoid› ga: tid wa.

MATHE 5:26

Nanu" ri ngoo deung" deung tid da" zigi Ngei jhen: bain sho' nang axab' xab' gi houg: mo nang yo" loid lo" wa zi anghoid.

MATHE 6:16

«Nanu" zoo: noem zeung: nyid nghoid rigi ayid void ci: da" byu yi yhangti"- nanu" myonhoo: ashoo: goo" sube" shid khoin" moo nyangnu" zoo: noem yo" zeung: zi myang baja" ga: nyangnu" gi nyang nya: da" myonhoo: ri mhau: shoem nhang: ago". Houg: yoomo yoo" eung: da" akyu" ri nyangnu" yo" yu boem bye.

MATHE 6:2

«Nang alu: kaid nghoid rigi Subi" coung" byid: zi yo" yu baja" ein:- tarha" jung joem mo:- khyoo: kang" nooyoo moo we' ayid void da" byu yi yhangti"- re" shid khoin" moo laboo" amoid nhang. Nanu" ri ngoo jhug jhug tid zi gi houg: su" koid: mo, gi nyang: nya: aphoug" ri yo" yu boem bye.

MATHE 8:10

Hau: dang: ri Yesu shau" gyoo: lang" gi nyang: gyo: mau" lho: nya: thang: cang mo, ri «nanu" ri ngoo jhug jhug tid ba- Israela amyu" moo lang" houg: yhi' loem" jeung" da" byu gi ngoo amyang yu" shi.

MARKU 10:15

Ngoo nanu" ri deung" deung tid zigi Mangsoo mungdain ri zooshang: dayug yhang ti" alhoem: yu su: gi hau: mungdain: khyoo: khanham we' ayo" vang yhi: wa ga: tid.

MARKU 10:29

Yesu gi nyangnu" ri ngoo nanu" ri deung" deung tid ba- ngoo yo' ngei bu: ludang: yoomo yhoem: yoo- mangnhung"- nham" moo"-myhi, phoo- zoo: du joem daja: ja: ri to" pyam khyoo: su: hang" nghoid loug we'

MARKU 11:23

Ngoo nanu" ri deung" deung tid zigi nyang: nya: nheigloem: khoug: moo ug vho" zi aboo loo: za: tid zigi bui" wa, ga: loem" jeung" mo, hang" nghoid loug we' he: da" boem ri boem nang yu: loo" we' hau: lho: panglai khyoo: gyo" vang loo" we' ga: tid nghoid rigi hau: zigi nyang: tid ziyo' dakhyoo: bue" loo wa nghoid.

MARKU 12:43

Nyang: gi nya: cangzoo: yi ri khe: yu lho: nyangnu" ri ngoo nanu" ri deing" deing tid ba:-he: da" asho" ajhen: myoung sho" da" coung" moo" myhi, gi alu boin" moo re" kaid mo, dangain" tho' moo je kaid abye:.

MARKU 13:30

Akhid" nyid nyid da" byu he: yam: dangain"- ashid: shi" ri" hau: khyoo: dangain" bue" loo wa zi ri myid boin: ge'.

MARKU 14:18

Nyangnu" -voem zoo: zoobui" moo zheung: zo: nyid uri-Yesu gi ngoo nanu" ri tid ba:-ngoo yo' voem: shoin" zo: nyid su: dayug gi ngoori gyivoo yi da" lo, moo ab, pyam ' byid wa nghoid-ga: tid kyo".

MARKU 14:25

Ngoo nanu" ri tid ba:- Mangso mungdain moo zabyid seig ri ngoo shau" shug da" bidnyid ju" sho' ngoo gi he: zabyid ri khanham we' shug loo wa zi anghoid ga: tid.

MARKU 14:30

Yesu gi nyang: ri- ngoo nang ri deung" deing tid ba:-akhid" myen nyang: gyo, eig khoin" atoin" shi" ri-nang gi ngoori asi ga: soem" lheung: ngeug pyam wam bye: ga: Petru ri tid.

MARKU 14:9

Akhid" ngoo nanu" ri deing" deing tid zigi ngeibu: ludang: ri kho" kyo" lo" da" moug: gyab goin" jang" moo he: myiyi: ri myid boin" wa shid mo nya: moozoo" ri tid kyo" lo" boem wa"- ga: tid.

MARKU 3:28

Ngoo nanu ri deing" deing tid zigi Xang: su byu yi gi nyang: nu shoid da" yooboo dangain" yo' akhyeung" da" dang: aja: ja: tid da yooboo ri yo" khyoid pyam byid:.

MARKU 6:11

Davoo mo mo, gi nanu' ri beung" alhoem: tau: yu loo:- nanu" kho" kyo" da" dang ri alheom: tam" gyo; boem nghoid rigi hau: joyoo mo thu' loo" ge' houg: mo thu' lo" da" uri nyangnu" shoid mo sadi byid: zi bui" wa shid re" nanu" khoo: ovoo mo phei" lhoug: ri ko: khyo, too" kho' ge' ga: tid.

MARKU 8:12

Yesu gi so' moo" she: lho: khid" nyid" mo byu yi gi ciwim wigi alhoo: again mho' go" lha". ngoo nanu" ri tid ba:- hid: bang: ri houg: yhang: te"- alhoo: again koid shug zi anghoid ga: tid.

MARKU 9:1

Houg: lang" nyang gi nyangnu" ri ngoo nanu" ri gyeung" nyang: tid zigi Mangso mungdan gi yoem: so' yo' ju" re" ziri ashau" myang myang gi hid: Moo nyid mo, mo dayham" gi ashid: shi" goo" wa, ga: xo' tid.

MARKU 9:41

Ngoo nanu" ri deung" deung tid zigi nga" byu yi nghoid ago" ga: khyo" wigi nanu" ri gyid dagoem shoin: jhug su: hang" nghoid lug we' gyeung" nyang: jhung: shug shau" kham: yu wa nghoid.

LUKA 12:37

Dei zoo: yi zung" nyid da" khyoo: ri Aseing: doem ju" lo da" uri gyeing: boin: lhed nyid zi lo myang nghoid ri houg: bang: khayhi' ngi lho: boem wa lha". Nanu" ri ngoo deung" deing tid zigi Aseing: gi hau: da" dei zoo: yi ri being" voo agyeing" khyo" zoobui" moo zhung: nhang: lho: Aseing: nyang: atho' byi: khyoid ci: lho: dei zhoo" dei jhug wa zi nghoid.

LUKA 13:35

Houg: su" nghoid yoomo re" da" noku yhoem: moo" ri Mangsoo she: pyam wam bye. Nangnu" ri ngoo tid zigi Mangso da" myeing yo" gyoo" loo su: gi ngi lhoo su: nghoid ga: nang tid da" bidnyid aju" shi" ri nang gi ngoori myang loo: wa zi anghoid ga: tid.

LUKA 16:17

Nghoid loug we' hau: tarha" mo nge thang da" tarha" dakhoin" byo, loo" wa tho' moo Mougkhung: yo" myidjang: byo, loo" wa zigi je lei nyid.

LUKA 18:17

He: ziri xoem" too" ge' hang" nghoid loug we' zooshang: dayug yhangti"- Mangso da" mungdain: ri akham: yu su: gi hau: mungdain: moo yo" vang loo" wa zi anghoid.

LUKA 18:29

Yesu gi deung" deung nanu" ri ngoo tid zigi nghoid bye: Mangso da" mungdain: shid' re" nyang: nya: yhoem: nghoid loug- yhoem: seing: myhi' nghoid loug- nya: mang: nya: nhung" ri nghoid loug we' nya: myhi' nya: phoo ri nghoid loug we' nya: zoo: nya: myid ri nghoid loug we' yo" too" khoo su: gi

LUKA 23:43

Yesu nyang: ri tid zigi akhid" nyid"- nang yo" ngoo dage" pharadisu moo nyid wam: bye" ga: ngoo nang ri dang: soo" byid.

LUKA 4:24

Deung" deung ngoo nanu" ri tid zigi kha: Lapi: nghoid loug we' nyang: nya: moug: moo myonhoo: abo.

YOHAN 1:51

Ngoo deing" deing nanu" ri tid ba- mougkhung: khoem" phang lho: Byu da" nya: zoo: tho' moo moug: lagyoo: yi gyoo" loo do, loo" koid' nyid da" ziri nanu" shau" myang wa ga: wigi nyangnu" ri Yesu tid.

YOHAN 10:1

Aseing Yesu gi Deing" deing nanu" ri ngoo tid ba- yang khyam: khoug: khyoo: khoem" duang: khyo" avang loo loo: za: goo" khyo" do, rhoid vang loo su: gi khoug" su: yo" khyangtoug: danghoid.

YOHAN 10:7

Houg: lang" Yesu doem tid zigi nanu" ri ngoo tid ba:- ngoo gi yang joem vang loo wa da" khoem" duang: nghoid.

YOHAN 12:24

Deing" deing nanu" ri ngoo tid ba- gug cab' gi myidjang: moo agyo"- aboeb ayoin" nghoid rigi dacab tho' moo myo: loo zi anghoid. Boeb' yoin" lo" nghoid ri koem gi ashi" myoo" sho' ri yo" bue" loo nhang: zi nghoid.

YOHAN 13:16

Deing" deing nanu" ri ngoo tid nau da" zigi join, gi yhoem: seing: tho' moo je gyi su: anghoid. Lagyoo: we' nhang: kaid su: da" tho' moo je gyi: zi anghoid.

YOHAN 13:38

Yesu tid zigi nang gi nga" shid' re" kangso' yo" ab wa jen" bye: la". Deing" deing nang ri ngoo tid da" zigi gyo, atoin: shi" ri nang gi ngoori asi ga: soem" lheing: ju" sho' ngeig pyam wa su: nghoid ga: tid kyo" to.

YOHAN 14:12

Deing" deing nanu" ri ngoo tid da" zigi ngoori loem" jeing" su: gi ngoo zei: da" moo" ri yo" zei: wa. Hau: tho' re je gyi: da" moo" ri we' yo" zei: wa nghoid. Khasu" wim gari ngoo gi phoo jhang khyoo: loo" wa yoomo nghoid.

YOHAN 16:20

Deing" deing nanu" ri ngoo tid da" zigi nanu" gi ngougmyeing" shoo" thui: to" nyid goo" wa. Nghoid loug mougmyid byu yi koem gi gau yi nyid boem wa. Nanu" sho" jhen: shau" nyid boem nghoid loug nanu" da" sho" jhen: khyoo: gi gau yi myen jhoem" khyoo: bue" loo wa.

YOHAN 16:23

Hau: da" bidnyid ju" lang" nanu" gi ngoori ce: ja: we' mho' aca" loo. Deing" deing nanu" ri ngoo tid da" zigi nanu" mho' da" khyoo: dangain" ri nga" myeing yoo mo phoo Mangsoo gi nanu" ri byid: wam bye.

YOHAN 21:18

Deing" deing nang ri ngoo tid zigi nang gi ngi shi" da" uri ri ri soin' ci: lho: loo" nau jang" moo loo" se' nyid. Mang loo" lang" gi nang gi eig lo, goin" tu: lho: subi" gi nang ri tei" wigi nang anau lo" da" joyoo khyoo: shu" lo" boem wa ga: tid.

YOHAN 3:11

Nang ri ngoo deing" deing tid kyo"- Ngoonu" gi nyang: nyang: se' da" khyoo: yo" myang da khyoo: ri tid kyoo". Nghoidloug we' ngoonu" tid kyo" da" dang: ri nanu" hang we' anau lhoem: yu nghoid ago".

YOHAN 3:3

Yesu gi ‹‹Ngoo nang ri deing" deing tid ba- eig lheing: khu: ziri akham: yu su: hang" we' Mangso Mungdain: shau" myang wa zi anghoid » ga: tid.

YOHAN 3:5

Yesu phougtu" zigi ‹‹ngoo nang ri deing" deing tid kyoo" ba- gyid yo" Venyi: khyo" akhu: loo su: hang" nghoid loug we' Mangso da" Mungdain: moo ayo" vang.

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

YOHAN 6:26

Aseing Yesu gi deing" deing ngoo nanu" ri tid ba- Nanu" ngoori cang sho: da" khyoo: gi Ngoo koid; shug da" mau" pho" moozoo" ri se' gyoo: yoomo anghoid. Voem: ri gyi" sho' shug zoo: yoomo danghoid ago".

YOHAN 6:32

Yesu gi deing" deing nanu" ri ngoo tid ba-Moshe gi nanu" ri mougkhung: mo zooyho' ri byid: zi anghoid. Nga" phoo gi nanu" ri mougkhung: mo zooyho' amain" agyeing" ri byid.

YOHAN 6:47

Deing" deing nanu" ri ngoo tid zigi ngoori loem: jeing" su: gi apyaid' ato: kangso' yo.

YOHAN 6:53

Aseing Yesu gi deing" deing ngoo nanu" ri tid zigi Byu nya: zoo: da" shoo" ri nanu" azoo:- nya: da" suid" ri we' ashug nghoid rigi nanu" gi kangso' yoo" wa zi anghoid.

YOHAN 8:34

Aseing Yesu nyangnu" ri tid zigi Deing" deing nanu" ri ngoo tid ba- Yooboo shoid vhang: mo, dangain" gi yooboo da" join, nghoid.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

YOHAN 8:58

Yesu doem phougtu" zigi Deing" deing nanu" ri ngoo tid ba- Abraham akhu: ri" shi" mo ngoo nyid nyid bye: ga: tid.

1PETERU 1:25

Nghoid loug we' Mangso da" mungdang: koem gi apyaid' atoo: moo geung: teung jo, - ga: wigi jhoem: mungdang: moo tid to"- hau" mungdang: gi nanu" kho" kyoo" bye: da" ngei bu: lu dang: gi, nghoid bye.

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.