MATHE 5:17 - Lacid Common Language Bible

¹⁷ «Moshe toung: to" da" tarha" yo' Lapi: yi da" dang: ri ngoo phyo' pyam wa yhangti" amyid wim goo"- phyo' pyam wa shid re" anghoid hau: ziri joeb pyeing wa ein: ngoo dare.

MATHE 5:17 ပူးပေါင်းရင်းမြစ်များ

ESAIA 42:21

Aseing gi khyoid yu wa gau yi da" Mangsoo nghoid. Houg: yoomo nya: tarha" joem yo' jhau" shid khyoo: joem ri nyang: ngi: shab wigi hau: joem ri nya: byumyu" yi wigi ngi: shab byid: nhang: nau da:.

MATHE 3:15

Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.

MATHE 7:12

«Subi" nanu" ri pang" thoug byid: wa nanu" vho: nyid ziyo' dakhyoo" ti"- subi" ri we' nanu" cang pang" thoug ge'. Hau: da" zigi toung: to" da" tarha" yo"- lapi: yi da" dang: gung nyang: nghoid bye.

LUKA 16:17

Nghoid loug we' hau: tarha" mo nge thang da" tarha" dakhoin" byo, loo" wa tho' moo Mougkhung: yo" myidjang: byo, loo" wa zigi je lei nyid.

YOHAN 8:5

Moshe tarha" moo sang: to" zigi hid: yhangti" myiyi: rigi-luggo, wigi du" said pyam ca"- ga: ngoonu" ri tarha" byid: to. Yesu ri nang khasu" tid noug: la"» ga: myid: boem.

ACTS 18:13

Nyang: nu" tid zigi he: yug gi tarha" yo' azhung" go" khyo" Mangsoo ri noku wa khyoo: mung" byu yi ri shu" pue: nyid su: nghoid- ga: zheung: tid boem.

ACTS 21:28

Nyang: nu" tid zigi Israela byumyu" yi we" - pang" ge' byu he: yug gi khyi, khang" moo" moo cang so" yen" lho: yug khang" moo" ri we' Israela byumyu" yi ri we' - Moshe da" tarha" ri we' hid: noku yhoem: moo" ri we' gyi, koid lho: khoug" byid: yen" su: nghoid da. Hau: lho: akhid" we' noku yhoem: moo" khyoo: tungbau byumyu" dayham" ri shu" vang re" wigi hid: yhi gyeungshang: da" joyoo ri ayung" alhoo koid pyam' abye:- ga: neig yoid lho: nyho: nyid ago".

ACTS 6:13

Hau: thang: ri nyangnu" gi Stephain da" Khyoo: ri mhau' da" sagsi: kham, wa da" byu dayham" ri we' khe: to" ago". Hau: sagsi: kham, wa mo, gi Byu he: yug gi hau: noku yhoem: moo" ri we' Moshe da" tarha" ri khanham we' juang" yi gei sang: nyid.

Roma 10:4

Houg: yoomo - Khristu gi tarha" pyaid ri thang loo" nhang: bye nghoid yoomo Aseing: ri loem" jeung" mo dangain" ri - nya: da" shid' khoin" moo deingbyeing" mo bue" loo wa da" akhang" ri Mangsoo: byid: bye.

Roma 3:31

Hougsu" nghoid ri ngoo nu" gi loem" jeung" khyoo: khyo" tarha" ri she: lhei" pyam boem wa la". Ashe: lhei" tarha" ri je geing: teing nhang: wa khyoo: nghoid.

Roma 8:4

Hid: su" Mangsoo: yoovoin yu lho: bo voin vu da" deingmain khyoo: gi ngoonu" gi xangsu: gungshoo" nheigloem: khyo" anghoid loo: za: venyi da" myid vho: khyoo: khyo" - kangso' dei da" ngoonu" gi Moshe da" tarha" ri yo" cang pyeing wa shid' re" nheig shid: jang: nghoid.