MATHE 5:15 - Lacid Common Language Bible

¹⁵ Myibung: ri tab' lho: lain" wigi hang" azhung" lhung to" yu"- myibung: ki" jang: moo ke" to" rigi dayhoem: goin" mo, myo, yo" myang.

MATHE 5:15 ပူးပေါင်းရင်းမြစ်များ

THU' LO" MOUGSOUG" 25:37

Myikug tang shid re" myikug nyhed loem: ri koid wigi shidkhoin" moo bang wa shid re" hau: adang moo tug too" wa zi nghoid.

ZEKHARIA 4:2

Hau: lho: nyang: gi «Nang cenoem myang» ga: myid: «Sheing: yo' koid da" myikug ki" jang: daloem: myang» ein: ngoo tid. «Hau: da" aphyoo" moo xu: kaid wa khu soo" dakhyab jo,- hau: aphyoo" moo myicoo: nyhed khaid khaid bo da" myibung: nyhed loem: zhung: to".

GYUNG: SOO" 8:2

Myikug ki" zeing moo myikug nyhed loem: ri to" uri shidkhoin" khyoo: myi: bang wa shid re" nyheing too" ca" da ein: Arun ri tid we' ga: tid.

MARKU 4:21

Yesu doem xo' tid zigi myikug ri nya: ke" jang: mo: da ke" to" anghoid goola? lain" khyoug: moo zhong" lhoung too" wa hougsu" anghoid lang" gi yhoeb cuang gyid" moo kaid to" zigi khayug lhoug koid yu" la".

LUKA 11:33

Byu yi gi myibung: ri tab lho: alhoung nghoeb to" yu Lain" wigi we' azhoung" lhoung: to" yu. Yhoem: khoug: moo vang loo mo myo, myang wa shid' re" myibung: ki" jang: moo dalhoung: ke" to.

LUKA 11:36

Re" gung goin" gi coid jo, zi dajhi' we' aboo loo- bang jo, nghoid rigi myibung: gi doug bang da" bidbang yo"- Re" tho' moo thoin" pang byid: yhangti" Nanu" da" dagung goin" gi doug bang jo, wa zi nghoid ga: tid.

LUKA 8:16

Myikug ri tab lho: wigi Lain" ceing: zhoung" lhoung:- anghoid lang" yhoeb, cuang gyid" moo kaid to" zigi hang" we' akoid: yu. Yab moo vang loo mo, myo, myang wa shid' re" myikug ke" jang: moo za: dete: lhoung ke" to" boem.

PHILIPI 2:15

Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

HEBRE 9:2

Khasu" wim gari gyeungshang: da" joyoo ga: da" xang: shed" pyaid moo noku zoem" daloem: koid to" boem. Houg: mo xang: shed" yab, moo myibung: ki" jang: yo' Mangsoo ri xoin" to' byid: zooyho' ke" da" zoobui" jo, jo.

Pang Shug 2:5

Nang khayhi' byed gyoo" loo" bye: ziri se' we' re" da" yooboo mo nheigloem: thed' lo lho: xang: shed" ri cang loo bye: yhang: ti" bdem cang we'. houg: su" nheigloem: athed, loo lo: nghoid rigi re" jhang khyoo: ngoo re" wigi re" da" myibung: ri hau: joyoo mo ngoo yu pyam' byid: wa.