MATHE 5:14 - Lacid Common Language Bible

¹⁴ «Nanu" gi mougmyid bidbang yo' du ago"- boem tho' moo tam: to" da" voogung ri ce: zewe' ayo" go too.

MATHE 5:14 ပူးပေါင်းရင်းမြစ်များ

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

EZEKIEL 5:5

Yoem: moo" bo Aseing tid zigi «Yerusalem ri yu" yu" we'. Ngoo gi hau: ziri mougmyid agung moo gootu: mungdain: joem dangain" wigi to" jang" moo to" too" bye:.

YOHAN 12:36

Houg: su" nghoid yoomo bidbang jo, shi" da" uri hau: bidbang ri loem" jeing" ge'. Houg: su" nghoid ri za: nanu" gi bidbang da" byu yi bui" wa nghoid ga: tid. Hid: su" ga: bain tid thang: ri Yesu gi nyangnu" jang" mo phang: gau" loo bye.

YOHAN 5:35

Yohan gi myiyham: dab lho: bang nyid da" myibung: yhangti" nghoid nyid yoomo nanu" gi nya: da" bidbang khoug: moo daso' za: te: pyoo: nau boem.

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

YOHAN 9:5

Ngoo gi he: mougmyid moo nyid shi" uri mougmyid shid' mo bidbang nghoid ga: tid.

2~KORINTHU 6:14

Aloem" ajeung" mo, yo" dage" shoin" lho: moo" acoem' zei: goo. Khasu" wim gari dage" shoin" lho: moo" coem voin, wa zi age bui". jo ziyo: shoid' da" zi gi dage" se' zoem" khoug: wa, la". Bid bang yo' moug: coid gi khasu" koid dage" se' jo, wa lha".

PHILIPI 2:15

Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

1THESALONI 5:5

Khasu" wim gari nanu" dangain" bang: gi bidbang mo nya: zoo: yi nghoid nyid boem bye: yoomo nyid" khyoug mo nya: myid: nya: zoo: yi we' nghoid boem bye- ngoonu" gi myen" mo nya: zoo: nya: myid: yi we' anghoid moug: coid' mo nya: zoo: nya: myid: yi we' anghoid loo.

Pang Shug 1:20

Hid: nang myang da" nga" lo, yo lo, moo kyi: nyhed cab, yo' zhoung: to" da" sheing: myibung: nyhed loem: da" zau" to" dangkang: gi hid: su" nghoid. Hau: sheing: myibung: nyhed loem: we' phung nyhed loem nghoid.

Pang Shug 2:5

Nang khayhi' byed gyoo" loo" bye: ziri se' we' re" da" yooboo mo nheigloem: thed' lo lho: xang: shed" ri cang loo bye: yhang: ti" bdem cang we'. houg: su" nheigloem: athed, loo lo: nghoid rigi re" jhang khyoo: ngoo re" wigi re" da" myibung: ri hau: joyoo mo ngoo yu pyam' byid: wa.