MATHE 5:11 - Lacid Common Language Bible

¹¹ «Nga" da" khyoo: yoomo subi" nanu" ri juang" yi lho: yooboo aja: ja: foin: to" uri nanu" gi ngilho' bye. Nanu" da" shid mo Lapi: yi ri we' nyangnu" houg: su" shen" yhen boem ziyo' mhau' fain" khyo" cang lho: xang: shid" mo lapi: yi ri we' houg: yo" dakhyoo" ti" pyi: sho: boem bye.

MATHE 5:11 ပူးပေါင်းရင်းမြစ်များ

COUNG" NGHEI 35:11

Akhyeung" da" byu yigi ngoo ri thougtheung lho: ngoo nyang: lang" ase' da" youg: moo" moo ngoo ri zoug: zhoug.

COUNG" NGHEI 44:22

Nghoid loug we' nang yoomo ngoonu" gi ayo, khang" moo said pyam zi shoug" nyid boem ziyo' zain: said pyam zi shoug" wa yang joem yhang: ti" ngoonu" we' shoug" nyid boem.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

ESAIA 51:7

Jo ziri se' da" bang: nga" jhau" shid khyoo: ri nanu" nheigloem: khoug: moo kaid too" bye: bang: nanu" we"- nga" dang: ri tam" gyoo: ge'. Byu yi nanu" ri juang" lho: rue" boem uri agyug goo".

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

YEREMIA 37:14

Ngoo gi «Hougsu" anghoid- ngoo phang: zi anghoid» ein: phug tid bye:. Nghoid loug we' Iriya gi nga" dang: ri atam" gyoo: byid: nghoid da:. Hau: gungthid nyang: gi ngoo ri myheig yu wigi moo" voin zoug: yi jhang khyoo: shu" yhe: da:.

MATHE 10:18

Nyangnu" da" shid moo we' tarha" nghi: zain byu yi da" shid moo we' sagsi: bui" wa shid re" nanu" gi ngoo yoomo zoug: khokham" yi da" shid khoin" moo she: vang lo" zi shau" goo" wa.

MATHE 10:22

Byu myoo" sho' mo, we' nga" myeing yoomo nanu" ri ngheing" lo boem goo" wa. Hang" nghoid loug lo" thang bidnyid ju" sho' yoem: kaid geing: teing nyid nghoid rigi hau: yug gi Mangso wigi khyoid yu zi shau" wa nghoid.

MATHE 10:25

Cangzoo: gi sara: yhangti"- deizoo:, phoo gi nya: yhoem: seing: yhangti"- nghoid nyid rigi myid je pyoo: wa. Nyangnu" nyang: gi Bezebula ga: nghoid rigi nya: yhoem: byu yi ri hau: tho' re" je tid go" wa anghoid goo la" ga: tid.

MATHE 10:39

Nya: kangso' ri yoo" su: gi kangso' soem" wa. Ngoo yoomo nyang: nya: da" kangso' soem" loo" su: gi kangso' ri yo" yu wa zi nghoid.

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

MATHE 24:9

«Hau: thang: rigi nanu" ri myheig: lho: yooboo foin: dam kaid wigi said pyam wa shid re" byu yi da" lo, moo ab pyam boem wa. Nga" myeing yoomo byu dangain" mo, gi nanu" ri ngheing" loo goo" wa.

MATHE 27:39

loo" loo" koid nyid da" mung" byu yi gi vhu" pi: pi: zoore" yhoem: moo" ri phyo' pyam lho: Yesu nam moo nyho: juang"

MARKU 13:13

Hougsu" nga" myeing yoomo byu dangain mo, gi nanu" ri anoug angei bue" lo" wa nghoid loug we' lo" thang sho' zeung: kham, su: gi khyoid yu zi shau" wa nghoid.

MARKU 13:9

Nanu" koem gi nyang: tu: nyang: lhid' lho: nyid ge' nyangnu" gi nanu" ri mheug yu lho: tarha" yung" khyoo: ab pyam boem wa tarha" jung moo nanu" ri baid boem wa zoug: yi yo' kho: kham" yi ri-ngeibu: ludang: tid kyoo" wa shid mo ngoo yoomo nanu" gi nyangnu" da" shid khoin" moo shau" yab jo, boem wa.

MARKU 4:17

Nghoid loug we hau: mungdang: gi nyangnu" da" nheugloem: khoug: moo agyi: no, sho' ayo" cen, yoomo myang" sho' ayo" kham' nghoid ago". Hougsu" hau: mungdang: yoo mo yau: khe" zi anghoid lang" shen" yhen zi:- thoung" shau" loo lang" myad myad doem phoug lo" boem bye.

MARKU 8:35

Khasu" wim ga: ri nyang: nya: da" kangso' ri khyoid yu noug su: hang" nghoid lug we' kangso' soem" loo" wa nghoid loug nga" mahtang: mo yo' ngeibu: ludang" yoomo kangso' soem" loo" su: gi nya: kangso' yo" yu wa.

LUKA 21:12

Nghoidloug we' he: da" moo" abue" loo shi" da" uri byu yi gi nanu" ri myheig yu, lho: shen" yhen lo boem wa. Nanu" ri tarha" yung" moo zheing: ab pyam wigi Tarha" dang: kho" lho: thung: khyo, pyam zi shau" boem wa. Nanu" gi nga" myeing yoomo kho: kham" yi yo"- amyeing" ci: mo, da" shid' khoin" moo ju" lo" boem wam bye.

LUKA 21:17

Nga" myeing yoomo byu yug khang" moo" gi nanu" ri ngheing" lo boem wa.

LUKA 6:22

Byu nya: zoo: yoomo nanu" ri ngheing" lo boem da" uri we' she: lhei" pyam zi shau" boem uri we' nanu" da" myonhoo: ri gyoeb nhang: da" uri nghoid loug- nanu" gi ngi lho bye.

LUKA 9:24

Khasu" wim ga: ri nyang: nya: da" kangso' ri khyoid yu noug su: gi hang" nghoid loug we' kang: so' soem" loo" wa nghoid loug we' ngoo yoomo kangso' soem" loo" su: koem' gi khyoid yu zi shau" wa nghoid.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

YOHAN 9:28

Houg: bang: gi nang za: nya: cangzoo: danghoid. Ngoonu" gi Moshe da" cangzoo: yi nghoid ga: nyang: ri juang" ago".

ACTS 9:16

Nga" myeing yoomo nyang: dayam, dayoo: kham, zoo: ca" gu: ri dangain" ngoo, Nyang: ri toin" shid' wa nghoid- ga: tid.

Roma 8:36

Aseing da" shid' re" - ngoonu" gi nyid" khang" nyid" shid: gyoin noo gyoin yo" dathoung" shau" nyid. Said' wa ga: tei" to" da" yang joem yhang: ti" ngoonu" ri subi" houg: su" soin: too" bye.- ga: da" jhoem: mungdang: yo" dakhyoo" ti" nghoid nyid.

1Korinthians 4:10

Khasu" wim ga: ri ngoonu" gi Khirstu yoomo- koo" pyoid joem bue" byug bye Nanu" koem gi Khristu yo' daloem: za: nghoid nyid jang" moo- Phajhi" boo mo, nghoid nyid abye: go. Ngoonu" gi ce"- yoem: we' aboo- nanu" koem gi yoem: gye" boo mo, nghoid- ngoonu" gi juang" yi zi shoug" mo, nghoid. Nanu" koem: gi coung" nghei ngi: shab, zi shoug" mo, nghoid ago".

2~KORINTHU 4:11

yesu da" kangso' dei nyid khyoo: gi ngoonu" da" shid: se' gungdu: moo bang thu' loo baja"- Ngoonu" nya: kangso' dei nyid bidnyid gu: moo ayo, khang" moo" Yesu shid re" shid: kham: wa khyoo: moo so" lo" nyid boem zi nghoid.

PHILIPI 1:29

Khasu" wim ga: ri nanu" gi Khristu ri loem" jeung" khyo" za: we' anghoid shi"- nya: shid' re" shen" yhen jam jau kham khyo" we' Aseing: da" moo" ri voin vu, akhang" jeju" gam, byid: zi shau" abye: go.

1PETERU 2:23

Nyang: ri subi" juang" yi nyid uri-ce" dang: dakhoin" we' aphoug tu"- nyang: ri dam kaid' shen" yhen lo da" uri kyoug nhain' wa da" dang: atid- deingmain" tarha" dang: phyed' wa da" Mangsoo moo nheig byu loem" jeung" nyid.

1PETERU 4:14

Nanu" gi Khristu da" thang: cang mo, bui' yoomo gei sang: shang pyang: zi shau" da" uri ngi lho, boem bye. Khasu" wim ga: ri houg: yhang: ti" thoung" shau" nyid da" uri Mangso venyi ein: da" myonhoo: phung" yoeb, yo' joeb byeung" da" venyi gi nanu' da" atho' moo ju" nyid bye: yoomo nghoid.

Pang Shug 2:3

Nang gi kham, zeung: lho xang: shed" re sho" jhen: kyi khyeug khyoo: ri gye" kham, bye- nghoid loug we' ce" yoem: ashoin:.