MATHE 4:7 - Lacid Common Language Bible

⁷ Yesu gi «‹hug: re" da" Mangsoo ri nang yo" ca: yu" zi anghoid› ga: jhoem: mougsoug" moo lhid" to"» ga: doem phoug tu".

MATHE 4:7 ပူးပေါင်းရင်းမြစ်များ

COUNG" NGHEI 106:14

Siyoo khoug: moo nyangnu" vho: ngei nyid khyoo: gi byeung" jo, bye: ziyo' Mangsoo ri ca: yu" boem abye: go.

COUNG" NGHEI 78:18

Nyangnu" gi nyangnu" zoo: nau da" zoo: noem ri mho' khyo" wigi Mangsoo ri pa: yhi: yhi: jham" yu" nyid boem ago".

COUNG" NGHEI 78:41

Nyangnu" gi Mangsoo ri dalheing: bain dalheing: ca: jham" yu" wigi Israela da" gyeung" shang: Mangsoo ri nheigloem: noo nhang: nyid boem ago".

COUNG" NGHEI 78:56

Nghoid loug we' nyangnu" gi myhang: thang da" Mangsoo ri ngeug se: tu: lhoin" nyid lho: nyang: ri ca: jham" yu" nyid boem. Nya: Dang: theing khoin" joem ri we' atam" gyo: boem nghoid ago".

COUNG" NGHEI 95:9

Nyangnu" gi nyangnu" da" shid re" ngoo zei: shoug da" moo" zoo" ri shau" myang boem abye: go:. Nghoid loug we' ngoo ri hau: joyoo moo jham" ca: yu abye: go.

THU' LO" MOUGSOUG" 17:2

Nyangnu" Moshe ri myeing" myo: wigi «Ngoonu" ri shug gyid byid: we'» ga: tid ago". Moshe gi «Ciwim yoomo myeing" myo: nyid go". Ciwim yoomo nanu" Aseing ri jham" ca: yu" nyid ago" la"» ga: tid.

THU' LO" MOUGSOUG" 17:7

He: joyoo gi Israela byumyu" yi «Aseing ngoonu" yo' nyid la' anyid la'» ga myeing" myo: go" wigi Aseing ri jham" ca: yu" da" joyoo nghoid yoomo Masa yo' Meriba ga: myheing to" ago".

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

MALAKHI 3:15

Ngoonu" myang ziyo' dakhyoo" ti" nghoid boin: mo, gi nyangnu" ngei pyo: nyid gyeing" nyang: akhyeing" ashoeb da" moo" zei: nyid mo, gi oung: doid lo" ago". Nyangnu" gi Mangsoo ri thougtheung lho: ca: yu" nyid boem nghoid loug we' yoo" zoo: yoo" shug ziyo' loid byoin lo" boem ago".

GYUNG: SOO" 14:22

he: byumyu" yi mo dayug we' hau: mung" khyoo: yo" vang yhi: goo" wa zi anghoid ein: ngoo dangsoo" tid wa. Nyangnu" gi nga" bidbang yo' Egutu yo' dain" pyoid yoo moo: koid shug da" mau" pho" moo" joem ri myang boem bye:. Nghoid loug we' nyangnu" gi nga" nheigloem: sheing: zeing: kham ziri lid: pyam pyam koid wigi ngoo tid dang: ri atam" gyoo: goo" nghoid da:.

MATHE 21:16

«He: zooshang: yi khasu" ga: nyho: nyid zi nang shau" gyoo: la"» ga: Yesu ri zheung: myid: boem. Yesu gi «ngoo shau" gyoo: bye:» Aseing gi «zooshang: yi nhoid' yo' nya: myhi noug" shug zoonu" gi ‹Nang ri coung" byid: nhang: wa shid re" jhoug" byid: bye: ga: da" Jhoem: dang: ri nanu" gi shedphyang" we ashau" nghab' yu" goo" la"»› ga: myid.

MATHE 21:42

Yesu gi «lug yhoem: zhug mo she: lhei" to" da" lugloem: gi yhouggyeing: thang da" yhoem: jhoin mo lugloem: bue" loo bye. He: da" moo" gi Mangsoo koid: da" moo" nghoid. ngoonu" da" shed khoin" moo mau" pho" moo" bue" loo bye: nhung:- ga: lhid" to" jhoem: dang yi ri nanu" anghab' yu" goo" la".

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

MATHE 4:4

Yesu gi «Byu gi zooyho' yo' za: kangso' dei nyid zi anghoid. Mangso mungdang: bain sho' yo' kangso' dayo" dei nyid» ga: tid.

LUKA 4:12

Aseing Yesu gi «Re" da" Mangsoo ri nang yo" ca: yu" wa zi anghoid ga: jhoem: mungdang: moo bo» ga: doem phoid: kyo.

ACTS 15:10

Houg: su" danghoid rigi ngoonu" da" phoug" phyid" yi we' -ngoonu" nyang: we' ayo" voin, da" yoovoin, ri loem" jeing" bang: da" atho' moo foin: byid: bye- akhid" ciwim wigi ngoonu" Mangsoo ri leig yu jham" ca: yu" noug go" la".

ACTS 5:9

Houg: yoomo Petru gi-re" yhoem: seing: phoo yo' re" eig yug gi Mangso Venyi ri ca: yu" wa shid re" ciyoomo wigi nheigloem: sham: shoin" lho: myed phyed' go" lha". Re" yhoem: seing: phoo ri yhe: dang nynhoeb, pyam' bang: gi akhid" khoem" duang: nam, moo ju" lo abye: go- nyangnu" gi nang ri we' tung: gung khyoo: shau" dang thu' lo" boem wa nghoid.

1Korinthians 10:9

Nyangnu" dayham" gi hau: Aseing ri jham" ca: yu" boem yoomo- lhang: myu, thei" said' pyam zi shau" boem yhang: ti" ngoonu" gi hau: Aseing ri ge' jham" ca: yu boem wa zi anghoid.

TARHA" TID POIN" 6:16

Nanu" Masa joyoo moo koid bye: ziyo' dakhyo" nanu" Aseing Mangsoo ri ajham" yu" goo".

HEBRE 3:9

Mangsoo gi nanu" nya: phoug" nya: pho, - zain nyid myid: xi: zain goin"- dain" phoid yoo moo ngoo koid shug da" moozoo" ri myang boem nghoid loug we' ngoori thoutheung jham" ca: yu" nyid ago".