MATHE 4:3 - Lacid Common Language Bible

³ Hau: uri jhu' phyo' su: yu satan: ju" re" wigi «Nang Mangso da" nya: zoo: nghoid deung rigi he: lugzeing ri zooyho' bue" loo we' ein: tid we'» ga: tid.

MATHE 4:3 ပူးပေါင်းရင်းမြစ်များ

THU' LO" MOUGSOUG" 16:3

«Aseing ngoonu" ri Egutu moo said pyam wa ziri ngoonu" je" vho:. Hougmoo: neing: thang gi ngoonu" zhung: jo, wigi shoo" yo' gootu: zoo: shug ri ngoonu" vho: da" nhoo' shoug" zo: zi nghoid. Nghoid loug we' he: dain" pyoid yoo moo zooyoid wigi ngoonu" dangain" shid: wa shid re" re" tang: ngoonu" ri shu" thu lo abye:» ga: tid ago".

MATHE 14:33

Houg: lang" lhid' khoug: moo nyid da" cangzoo: yigi «Nang gi Mangso da" nya: zoo: gyeung" nyang nghoid bye:» ga: Nyang: ri noku boem ago".

MATHE 16:16

Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.

MATHE 26:63

Nghoidloug we' Aseing Yesu gi sam" zoo: tam" to" khainjung agyi moo" gi da" dei nyid da" Mangso myeing yo" nang ri myid: yu" ba"- nang Mangso nya: zoo: Meshia nghoid. la". Ngoonu" ri tid kyoo" we' ga: myid: yu.

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

MARKU 1:1

He: zigi Mangso nya: zoo; Yesu Khrsitu da khyoo:- ngeibu: ludang: nghoid bye.

MARKU 3:11

Yu vang ci: mo, we' nyang: ri myang lang" nyangnu" gi nya: shid khoin" moo leung goeb lo lho: nang gi Mangso nya: zoo: nghoid da" ga: zeug yoid ago".

MARKU 5:7

Houg: su" wigi nyang: thui: zeing yo' nyho: tid zigi myhang: thang da" Mangso: nya: zoo: Yesu we"- nang yo" ngoo cisen: go" lha". ngoori ashen" baja"- Mangsoo myeung lang: lho: ngoo mho' da:- ga: tid.

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

LUKA 22:70

Houg: bang: gi houg: su" nghoid lang" nang gi Mangso da" nya: zoo: nghoid la"» ga: myid. Nyang: nyangnu" ri doem phoug tid zigi nanu" tid ziyo' da khyoo" ngoo nghoid.

LUKA 4:3

Houg: lang" yu satan gi Yesu ri Nang Mangso da" nya: zoo: nghoid rigi he: luggo, ri zooyho' bui" we' ein: tid we' ga: tid.

LUKA 4:41

Yu joem gi Yesu ri ‹‹Mangso nya: zoo: nghoid›› ga: nyho: lho: nyangnu" nyang: vang jo, mo, jang" mo phang: thu' lo" boem. Yesu gi yu joem houg: su" nyho: yoid da" ziri toem pyam lho: nyangnu" ri dang: tid wa akhang" byid. Khasu" wim gari Yesu gi Meshia nghoid ziri si' yoomo nghoid.

LUKA 4:9

Yu satan gi Yesu ri Yerusalem voo khyoo khe: shu" lo" lho: No' ku" yhoem: moo" tho' mo akhyoug moo nyid nhang: wigi nang Mangso da" nya: zoo: nghoid rigi hid: mo mhoo: khyoo: byam gyoo" lo" yu" we'.

YOHAN 1:34

Houg: su" tid to" ziyo' dakhyoo" ti"- ngoo shau" yang bye. Houg: yoomo ngoo nanu" ri tid ba- nyang: gi Mangso da" nya: zoo: nghoid.

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

YOHAN 20:31

Nghoidsho' loug we' Yesu gi Mangso da" nya: zoo: Meshia nghoid da" khyoo: ri nanu" loem" jeing" loo wa ziyo' nanu" nyang ri loem" jeing" lho: kang so' yoo" wa shid re" he khyoo: joem ri lhid" to" zi nghoid.

YOHAN 9:35

Hid: su" khaid thu' kaid zi: Yesu shaug" gyoo: lang" hau: yug yo" shau" go" lho: nang gi byu da" nya: zoo: ri loem" jeing" la"» ga: myid: yu.

ACTS 9:20

Nyang: gi Yuda tarha" jung joem khyoo: dain: yhe: lo" lho: Yesu gi Mangso nya: zoo: nghoid- ga: khyoo: ri kho" kyoo" byid: bye.

2~KORINTHU 1:19

Khasu" wim gari nanu" ri ngoo yo' Sila eig yug Timothi kho" kyo" da" Mangso nya: zoo: Yesu Khristu gi nghoid ziyo' anghoid ziri lhu: lheug da" alhu: alheug su: anghoid. Gyeung" nyang: ga: ri nyang: gi Mangsoo da" myid vho" khyoo: ri" nghoid ga: tid byid: da' Aseing: nghoid nyid.

GALATI 2:20

Houg: yoomo ngoo nya: gung nyang: dei nyid lo: zi anghoid- Khristu gi ngoo moo kangso dei nyid akhid" ngoo hid: dei nyid da" kangso gi ngoori jheddab yoomo nga" shid re" nya: kangso xoin" to' pyam da" Mangso nya: zoo: ri loem" jeung" da" khoug: moo dei nyid da"Kangso danghoid.

1THESALONI 3:5

Ngoo gi xo' lho: atho' lang" nyid loo: yoomo nanu" da" loem" jeung" khyoo: khasu" bue" nyid da" khyoo: ri se' yu wa shid re" Timothi ri ngoo nhang: kaid' bye- gyeing" nyang: nanu" gi yu zhadain gung" lau" jang" moo bo cang lo" byug boem wigi ngoonu" da" yoem: kaid' loo bye: khyoo: joem gi akoem: be: be: abue" loo" nhang: noug.

HEBRE 12:16

Aved age ziyo' Venyi laloem lakhoug: abo mo, voem: damyo: da" shid mo nya: mang: mo" aya: ri ung" zo: pyam da" Eso" yhang: ti"- nanu" hang" moo we' abui" baja" zed" nyid ge'.

HEBRE 4:14

Hougsu" nghoid nyid yoomo ngoonu" yhen: yu lho: loem" jeing" bye: da" loem khau: khyoo: moo nheigloem: zug jo, shang- Khasu" wim gari Mangso da" shid khoin" moo khyang: vang loo" bye: Mangsoo da" nya: zoo:- Yesu ga: da" Khainjung zeing dayug- ngoonu" yoo" nyid bye.

HEBRE 7:3

Melkhizedeg da" nya: myhi' nya: phoo- byu kung: byuko' byu jhung" ri we' Nyang: khu: lo ziyo' shid: lo" da" mhoo: myid: ri we' agyo: yu" amyang yu" yoomo nyang: giMangso da" nya: zoo: yo' du, nyid wigi pyaid moo too: moo danyid nyid da" khainjung phoo nghoid.

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.