MATHE 4:23 - Lacid Common Language Bible

²³ Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MATHE 4:23 ပူးပေါင်းရင်းမြစ်များ

COUNG" NGHEI 103:3

Nyang: gi nga" yooboo dangain" khyoid pyam byid: bye:- Nga" noophyoo" dangain" ri we' noo ge loo nhang: bye:.

COUNG" NGHEI 74:8

Nyangnu" gi ngoonu" dangain" mo, ri jhoid" jhoid mhoin' pyam nau nyid ago". Nyangnu" gi hau: moug: mo gyeung" shang: da" joyoo dangain" ri myi: wigi nghe' jhoem" too" khare" boem bye:.

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 12:9

Yesu hau: joyoo mo thu' lo" lho: Tarha" jung moo vang lo" ri

MATHE 13:19

Khyoo: gung moo gyo" da" myoug: shi" da" khyoo: gi Mungdain: da" tarha" mungdang: ri shau" gyoo: nghoid loug we' ase' gyoo: su: yo" du. Akhyeing" su: ju" re" lho: nheigloem: khoug: moo sain" kaid to" da" myoug: shi" ri yu pyam byid: ga: tid.

MATHE 13:54

Hau: thang: ri nya: voogung moo doem ju" lo" ri tarha" jung moo tid kyeing" tid poin" nyid da" uri voogung bang: gi nya: dang: ri shau" gyoo: mo, gye gyo: mau" boem yoomo «he: yug gi hid yhangte" da" phajhi" byen ya gi khayo yo" yu lha"» ga: myid boem.

MATHE 14:14

Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.

MATHE 24:14

He: mungdain: da" ngei bu: lu dang: ri byu bain sho' shid moo sagsi: bui" wa shid re" Mougmyid gyab' goin" kho" kyo" loo" wa zi nghoid. Hau: thang: ri mougmyid thang da" ayo, ju" loo wa zi nghoid.

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

MATHE 9:35

Hau: thang: ri Yesu gi voogung khang" moo" moo cang koem" yen" wigi nyangnu" nya: da" tarha" jung joem moo cang jhoug" byid: zoore"- ana: yoga: aja: ja: yo"- noophyoo" aja: ja: ri cang ze: gi byid.

MARKU 1:14

Yohan ri thung: myeug lhoung pyam thang: ri Yesu gi Mangso jang" mo ngei bu: ludang: khyo" wa Galile moug: khyoo: yhi bye.-

MARKU 1:21

Nyangnu" gi Kaperna-um voo khyoo vang yhe: lo" ago"- Dougno: Bidnyid ri Yesu gi Tarha" jung moo vang yhe: lho: jhoug" byid: nyid.

MARKU 1:39

Hougsu" wim nyang: gi Galile meing: goem: sho' moo so" yen" wigi tarha" jung khang" moo" moo cang kho" kyo" ziyo' yu joem ri khaid thu' pyam da.

MARKU 3:10

Khasu" wim ga: ri byu myoo" sho' ri ge loo" nhang: yoomo nyang: ri shau" tain" sho' ga: nyang: jang" moo noo mo, dangain" jhen" go" nyid.

MARKU 6:2

Dougno: Bidnyid ju" lang" nyang gi tarha" jung moo byu myoo" sho' mo, ri jhoug" byid: nyid. nya: jhoug" myeung" ri shaug" gyoo: mo, danggain gi gyo: mau" ago". Houg: lang" nyangnu" gi He: yug gi kha: khyi, mo, hid: te" da" phajhi" ri se' la, lha".- nyang: se' yu da" phajhi" gi ce: ja" phajhi" nghoid lha". mau" pho" moo" joem ri nyang khasu" se' zei: lha".

MARKU 6:6

Nyang: gi mung" byu yi loem" jeung" myid - azheung: bo boem yoomo gye" mau" nyid. Houg: lang" Yesu gi hau: ayam aqei: mo voogung joem dangain" jang" khyoo: yhe: lho: meng: byu yi ri jhoug" byid.

LUKA 10:9

Hau: voo moo noo phyoo" shau" nyid mo, ri ze: gi byid: ge'. Hau: thang: ri nyangnu" jang" moo Mangso da" mungdain: ju wa zi jhang bye: da" khyoo: ri tid kyoo" ge'.

LUKA 13:10

Dougno: Bidnyid danyid" moo Yesu gi tarha" jung moo jhoug" byid: nyid da" tarha" jung moo yu vang ci: lho: daxe: shed zain no nyid da" myiyi: dayug re" ju" nyid. Nyang: gi dang gau" lho: nya: phyid" doem dajhi' we' ayo" dain: lo: su: nghoid.

LUKA 16:16

Babtisma sara: Yohan anyid shi" mo Moshe tarha" yo"- Lapi: yi gi amyeing" zeing khyo" jo: jo, bye. Yohan nyid lo jang" mo wigi Mangso: da" Mungdain: da" khyoo:- Ngeibu: lu: dang: gi ri tid loo bye. Byu yug khang" moo" we' hau: khyoo: moo shi, goo" shi, yang- vang lo" boem bye.

LUKA 20:1

Danyid" ri Yesu gi No' ku" yhoem: moo" moo byu yi ri jhoug" byid: lho: Lu dang: gi ri kho" kyo" nyid uri khainjung agyi moo" yi tarha" sara: yi yo" phoung: vhu" jhung: yi gi Yzheing: re" lo boem.

LUKA 4:14

Yesu gi gyeungshang: da Venyi: yoem: vhoo" yo" byeung" lho: Galile mung" moo doem ju" lo. Yesu da" lu dang: gi hau: mung" goin" jang" moo fu" lo" boem bye.

LUKA 5:17

Nyid" da" nyid" moo Yesu tarha" kho" nyid uri Galile mung" yo" Yuda mung" voo khang" moo" mo mo, we' Yerusalem voo mo we' zheung: jure" boem. Pharishe" yi yo" tarha" sara: yi gi jhang jang" moo zheing: zhoung: jo, ago". Noophyoo" aja: ja: ri ge loo" nhang: wa da" yoem: so' gi Yesu moo bo jo.

LUKA 6:17

Aseing Yesu gi lagyoo: yi yo" dage" boem tho' mo gyoo" lo lho: janggyoin: moo ju" lo. Hau: joyoo moo cangzoo: yi phung: moo" daphoung: tho' moo gootu: Yuda mung" yo" Yerusalem voo mo we' Panglai gyid mung" yam moo jo, da" Turu yo" Sidon voo mo mo, we' ju" ri" mo, myoo" sho' nyid lang" boem.

LUKA 6:6

Dougno: Bidnyid goo" nyid" moo Yesu gi tarha" jung daloem: moo vang lo" lho: tarha" kho" nyid. Hau: tarha" jung moo lo, yo lo, shid su: dayug we' nyid.

LUKA 7:21

Hau: uri Aseing Yesu gi Byu yi da" noophyoo" joem ri ge loo" nhang. Yu join: joem ri khaid thu' pyam byid. Myo, amyang mo, ri myang loo: nhang.

LUKA 7:22

Nyang: tid zigi Nanu" myang yu" khyoo:- shau" gyo: da" khyoo: dangain" Yohan ri lo" tid kyoo" ge'. Myo, amyang mo, gi myo, doem myang lo. Khyid: gyoug: mo, gi khyoo: doem yo" so" lo. Manggam: dab mo, gyeungshang: lo. Nujed mo, nukhyab doem shau" gyo:- shid bye mo, doem dei lo. Sho" jhen: mo, lu dang: gi shau" gyo: lo.

LUKA 8:1

Ayo, dajhi' myang" lo" da" uri Yesu gi voo gung myoo" sho' lid lo" zoore"- Mangsoo mungdain' lu dang: gi ri kho" kyo" lho.

LUKA 9:11

Byu phung joem hau: khyoo: ri zheung: shau" gyo: lang" Nyang: nu" gi Yesu da" thang: zheung: cang yhe: lo" ago". Nyang: gi nyangnu" ri lheom: tau: yu lho: Mangso mungdain khyoo: tid kyo" ziyo' noo phyoo" bo mo, ri ge, loo" nhang.

LUKA 9:60

Yesu gi «byushid: yi gi nyangnu" da" byushid: nyang: cang" myhoeb, shung: goo" baja"- nang gi MangSo mungdain khyoo: riyhe: kho" kyoo" byid: we'» ga: tid.

YOHAN 18:20

Yesu phougtu" da" zigi Ngoo gi byu myoo" sho' mo da" shid' khoin" moo khanham we bang bang kho" kyo" jhoug" byid: loo bye. Khanham we' azoug" afu' ngoo akho" yu.

YOHAN 6:59

Aseing Yesu gi Kaperna-um voo mo tarha" jung: moo jhau" mhoo, byid: nyid da" uri he: da" mungdang: ri jhoug" byid: kaid.

YOHAN 7:1

Hau: thang: ri Aseing Yesu gi Galile mung" moo daso' so" koem" lheing: yen. Yuda zoug: myeing" ci: mo, gi Yesu ri said pyam wa ga: soin' go" nyid yoomo Yesu gi Yuda mung" moo aso" koem" yen" noug.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

ACTS 18:4

Polu gi Dougno: Bidnyid khang" moo" - Yuda tarha" jung moo Yuda byumyu" yi yo' doem, go' koin, lho: nyangnu" loem" jeung" loo sho' -tid ngoug yu nyid.

ACTS 20:25

Ngoo gi Mangso mungdain da" khyoo: nanu" jang" moo cang kho" kyo yen" bye. Akhid" gi nanu" mo hang" we' ngoori khanham we' doem, shau" myang loo: goo" zi anghoid khyoo: ri ngoo se.

ACTS 28:31

Nyang: gi Mangso mungdain khyoo: ri kho" kyo" nyid ziyo' Aseing Yesu da" khyoo: ri agyug avoem, - ciri" we' alung" loo: za: jhau" mhoo, byid: nyid.

Roma 10:15

Kho" kyoo" wa shid' re" nhang: kaid' su: abo ri khasu" se' kho" kyoo" wa. Jhoem: mungdang: moo bo zi yo" dakhyoo" ti" - ngibu: lu dang: gi ri voin loo mo da" khyid: yi gi - khayhi' young" du nyid boem lha"» ga: lhid" to".