MATHE 4:19 - Lacid Common Language Bible

¹⁹ Houg: lang" Yesu gi «Nga" thang: cang ge' re" eig yug ri Byu cang kuang da" byu koid' wa» ga: tid.

MATHE 4:19 ပူးပေါင်းရင်းမြစ်များ

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

MATHE 19:21

Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.

MATHE 4:18

Akhid" Galile thoem" yam moo so" lo da" uri nya: mang: yo' nya: nhung" tang nghoid da" Petru ga: da" Simon yo' nya: nhung" Andre: eig yug goin du" yen" lang" zi Yesu lo" myang. Khasu" wim gari nya: eig yug gi ngoo: kuang yen" su: eig yug nghoid.

MATHE 4:20

Houg: lang" jang: nya: eig yug gi goin ri she: pyam' too" kho' lho: Yesu da" thang: moo bo cang loo" bye.

MATHE 8:22

Yesu gi «nga" thang: cang loo we' shid: mo, gi shid: mo, nyang: cang" myhoeb go" nyid baja"» ga: tid.

MATHE 9:9

Yesu gi hau: joyoo mo doem so" lo" ri kheing" khyu: yhoem: moo zhoung: jo, da" Mathe ga: su: ri nyang: shau" myang lang" «nga" thang: cang loo we'» ga: nyang: ri tid. Houg: lang" nyang: to' wigi nya: thang: moo cang lo.

MARKU 2:14

Houg: mo nyang doem so" yhe: lo" ri Alphe nya: zoo: Levi gi nya: yung" moo kheung" khyu zung: jo, ziri myang lang" Yesu gi nyang: ri nga" thang: cang shang ga: tid Houg: lang" jang Levi gi to' lho: nya: thang: cang yhe: lo".

LUKA 5:27

Hau: thang: ri Yesu gi Kaperna-um voo mo thu' lo" ri kheing" khyu: da" yung" moo Levi ga: su: dayug zhoung: jo lang" zi lo" myang. Nyang ri Yesu gi nga" thang: cang we' ga: tid.

LUKA 9:59

Nyang: gootu: dayug ri doem tid zigi «nga" thang: moocang we'» ga: tid. Nghoid loug we' hau: yug gi «sara we" nga pho, mang shi" lo" shung: khoo' wa akhang" byid: we'» ga: tid.

YOHAN 1:43

Thang: nyid" moo Yesu gi Galile mung" khyoo: loo" wa shid' re" myid phyed' to". Philib ri myang lang" nga" thang: cang we' ga: tid.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

YOHAN 21:22

Yesu gi ngoo doem gyoo" re" da" bidnyid ju sho' nyang: ri dei nyid nhang: nau nghoid rigi houg: gi nang yo' ci: sen: lha". Nang gi nga" thang: cang we' ga: tid.

2~KORINTHU 12:16

Houg: yomo ngoo gi nanu" ri yoovoin lid: nhang: su: anghoid da" khyoo: nanu" myid eing: yhen: yu boem goo' wa nghoid. Nghoid loug we' ngoo gi nanu" ri mhau' fain" khyo" lid, mhoid thoung: to" lho: nyain: nyid ga: byu dayug yug gi tid loo goo" wa.