MATHE 4:10 - Lacid Common Language Bible

¹⁰ Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

MATHE 4:10 ပူးပေါင်းရင်းမြစ်များ

1 KHOKHAM MHOOMYID: 21:1

Satan gi Israela byu yi dang moo yau: khe" kyi" khyeug bui" nhang: nau wigi nyang: gi byu zhayhen" koid: yu wa David ri myid phyed nhang: da:.

YOBA 1:12

Aseing gi Satan ri «Nghoid bye:. Nyang: yo" da" zi ja: khang" moo" gi re" yoem: so' khoug: moo nghoid da:. Nghoid loug we' Yoba nyang: rigi nang dam ayo" tab nhang: wa» ga: tid da:. Houg: lho: Satan we' to' lo" byug da:.

YOBA 1:6

Mougkhung: moo nyid bang: gi Aseing jhang re" thu shug wa ayo, ju" loo lang" nyangnu" phung: gung moo Satan we' yhe: bo nyid nyid da:.

YOBA 2:1

Mougkhung: moo nyid bang: gi Aseing jhang re" thu shug wa ayo, doem ju" loo lang" nyangnu" phung: gung moo Satan we' yhe: bo nyid nyid da:.

COUNG" NGHEI 109:6

Nga" da" gyivoo pho, ri dang: phyed byid: wa shid re" akyang yoin" da" tarha" agyi ri nyeung too" wa. Nya: gyivoo joem da" khoug: mo dayug yug gi nyang: ri yooboo foin: su: bui" nhang: nyid we'.

THU' LO" MOUGSOUG" 23:25

Ngoo nanu" da" Aseing Mangsoo ri nanu" noku nyid nghoid rigi ngoo nanu" ri zoo: noem yo' gyid ri mainkaid byid: wa ziyo' nanu" da" noophyoo" dangain" ziri we' yu pyam byid: wa.

ESAIA 30:22

Ngei yo' sheing: wigi thoeb to" da" nanu" da" yu phara" soolhoo: joem ri nanu" yu wigi «Tho"- ngoo amyang jang khyoo:» ga: nyho: wigi anyhoin: athung" ziri yhang: ti" she: lhei" pyam goo" wa.

MATHE 16:23

Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.

MARKU 1:13

Nyang: gi dain" pyoid yoo moo bidnyid myid: xi: nyid"- zhadain wigi jhu, phyo' zi shau nyid. Houg: moo soo" yo gougnyhoug joem we' nyid ago". Nghoid loug we' mau: Lagyoo: yi gi - nyang: ri re" yu" coung: goin ago".

LUKA 10:18

Yesu phoug tu" zigi-Moug khung: mo -satan gi lhab, myeig yhang: ti" byed gyoo" lo" zi ngoo myang.

LUKA 11:18

Houg: yoomo satan da" Mungdain: moo dayug yo' dayug aveing" go" nghoid rigi Khasu" wim se' geing teing jo, wa la". ngoo gi Bezebula ri loem: lho: yu yo" khaid thu' ga: nanu" tid ago".

LUKA 13:16

Abraham da" nya: myiyi: zoo: nghoid su:- he: yug gi daxe: shed' zain satan shen" yhen tei" to" zi shau" nyid. Dougno: Bidnyid ri hau: tei" mo age loid kaid la"» ga: tid.

LUKA 22:3

Hau: thang: ri satan gi cangzoo: daxe: eig yug moo bo da" Isakarud ga: myheing da" Yuda da" nheigloem: moo vang loo" bye.

LUKA 22:31

Simun we"- Simun we"-tam" gyoo: we' yoothung" gug soem: yo" gug moo, ge ziyo' age ziri khyeung yhangti"- nanu" dangain" mo, ri khyeung yu" wa shid' re" satan gi amyeing" yoo" bye.

LUKA 4:8

Aseing Yesu gi nang loem: re" Mangsoo ri za: no" ca" ga: Jhoem: dang: moo bo ga: doem tid.

YOHAN 13:27

Hau: zoo: yho' ri Yuda zo: kaid ziyo' dage" satan gi nya: nheigloem: khoug: moo vang loo" bye. Yesu gi nyang ri nang koid; wa da" moo" ri myab myab zei: we' ga: wigi tid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

ACTS 5:3

Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

1Korinthians 7:5

Nanu" gi shid mo wigi- akyu" mho' wa shid re"- daso, zoo: azoem" goo" loo: nyid wa shid re" myid veing" go" to" da" ayo, lid' lang" gi yhoem: seing: phoo, yhoem: seing: myhi' gung shoo" zoem" khoug: wa shid re"- ajang" pyam goo. akyu" mho' da" ayo, lid' lang" gi doem zoem" khau: nyid ge'. Hougsu" nghoid lang" gi nanu" da" gung doem: ri ayo" khang" yoomo satan gunglau" zi ashoug" goo" baja".

2~KORINTHU 11:14

Hidsu" koid da" khyoo: gi mau" pho khyoo: anghoid. satan joem lang" gi bidbang mo moug: lagyoo: yi da" alhoo: se' shab, ci: ashi" go.

2~KORINTHU 12:7

Ngoo myang da" lo" thang aved' alhoo: yoomo ngo moo nheugloem: gyi: phau: khuang da" khyoo" aboo baja". Nga" da" gung moozu: no da" zi daja kham‹ zo: nyid. Hougsu" zu" nho: da" ziri satan wigi nhang" kaid da" lagyoo: phoo yhang: ti"- ngoori baid nhoug wigi nga" da" phau: khuang zi ri khyau" pyam' byid: nyid.

2~KORINTHU 2:11

Ngoo hidsu" koid da" khyoo: gi-satan gi nanu" tho' moo xang: shid" aoung: loo" baja"- phajhi" khyo" koid zi nghoid. Khasu" wim gari ri-zhandan gi phajhi" khyau" nyid ziri ngoonu" se' nyid boem zi nghoid.

TARHA" TID POIN" 10:20

Nanu" Aseing Mangsoo ri gyoug phoug" lho: nyang: ri kyeing" noku ge'. Nyang: moo jhug zug nyid ge'. Nanu" da" dangsoo" joem ri nya: myeing ri kyeing" lang: lho: koid ge'.

YAKU 4:7

Houg: su: nghoid yoomo Mangsoo: khasu" vho" ri hougsu" cang loo" ge". Zhadan ri lhoem: theing shang"- zain: oung: nyid ge". Hougsu" nghoid lang" nyang: gi nanu" jang" mo phang: loo" wa nghoid.

YOSHU 24:14

Yoshu gi xo' lho: «Akhid Aseing ri ngi: shab wigi nyang: ri deing: deing: main: main: jhug zug tung" dei byid: nyid ge'. Nanu" phoug" phyid" yi Mesopotamia mung" yo' Egutu mung" moo lhung no' da" yu phara" ri yu pyam wigi Aseing ri kyeing" dei byid: ge'.

1PETERU 5:9

Nanu" koem gi loem" jeung" da" khyoo: moo geung: teung jo, lho: nyang: ri lhoem: zain: ge'. Khasu" wim ga: ri nanu" nyang: si' bye: ziyo' dakhyoo: ti"- mougmyid' gyab, goin" jang" moo nyid da" nanu" da" loem" jeung" mang nhung" yi gi hid: yhang: te" da" shen" yhen kyi" khyeug khyoo: ri thoung" shau" nyid boem.

1 SAMUELA 7:3

Samuela gi Israela byumyu" yiri nanu" da" Aseing jhang khyoo: nanu" da" ung: khoug: nheigloem: dangain" yo' lheung: lo boem nghoid rigi tungbau yu phara" soolhoo: dangain" ziyo' yu phara" myhi' Astarte da" soolhoo: dangain" ziri she: pyam ca" boem wa zi nghoid. Nanu" nya: gung hau: Aseing ri bain sho' shugbyid: to" wigi nyang: ri kyeing" za: noku loem khau: nyid boem nghoid rigi nyang: nanu" ri Philisti byumyu" yi da" lo, mo khyoid yu wa zi nghoid.