MATHE 3:12 - Lacid Common Language Bible

¹² Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa» ga: tid.

MATHE 3:12 ပူးပေါင်းရင်းမြစ်များ

YOBA 21:18

Houg: lho: nyangnu" ri lid wigi khoofoo: ri moid tang" pyam yhang: ti" moid tang" pyam lha". Anghoid lang" uglid moo pheilhoug: bo lo" yhang: ti" bue" yu" lha".

COUNG" NGHEI 1:4

Nghoid loug we' akhyeung" da" byu yigi hougsu" anghoid. Nyangnu" gi lid hau' tang" lo" da" pheipyang" yo' du nyid ago".

COUNG" NGHEI 35:5

Nyangnu" gi Aseing moug: lagyoo yi wigi cang khaid lang" nyangnu" gi lid hau, tang" lo" da" phei" pyang" yhang: ti" moid tang" pyam zi shoug" goo" baja".

ESAIA 1:31

Myijhen" wigi zain nge" lo da" khoofoo: yo’ dakhyo" za: yoem: so' gyi: da" bang: gi nyangnu" nya: akhyeing" da" lo, moo" wigi phyo' shoin' pyam shoug" loo goo" wa. Hau: byo, yoin" khyoo: ri hang" we' ayo" toem' pyam goo" wa.

ESAIA 17:13

Byumyu" yigi being: lhung" joem yo' dakhyo" jhen" yhe: lo" ago". Nghoid loug we' nyangnu" ri Mangso wigi nheig yo: kaid lho: boem khyid: mo pheilhoug: joem ri hau' tang" kaid ziyo' dakhyoo" ti" lid shoem' mo khoofoo: yo' dayhang: ti" nyangnu" doem tau" lo" ago".

ESAIA 27:4

Ngoo gi zabyid khyam: ri nheig ayoo: loo wa. Houg moo zukyen: yo' siyoo zukyen: bain: gam joem wigi thougtheung zain: lang" za: hau: joem ri ngoo bain sho' nghe pyam wa.

ESAIA 28:28

Nyang: gi hau ziri nang: wigi sungsoo: ri aze" shoin' pyam nghoid da:. Sungsoo: cab ri apyeig cab looza: rheing" koin" lid: wigi nang: wa ziri nyang: se' da:.

ESAIA 30:24

Nanu" yoothung" ri phug da" nujung loo: yo' loo zei: joem gi ge thang da" mhain" shoug" zoo: wa.

ESAIA 41:16

Nang gi nyangnu" ri moug: tho' khyoo: jhu" to' kaid wa. lid gi houg: bang: ri moid tang" lo" byug wa. Nyangnu" gi uglid wigi hau' tang" pyam zi shoug" wa. Hau: thang: nanu" ngei pyo: loo wa. Ciwim gari ngoo gi nanu" Mangsoo nghoid. Nanu" gi Israela da" gyeung" shang: da" ngoo Mangsoo ri coung" nghei loo goo" wa.

ESAIA 5:24

Houg: yoomo akhid" khoofoo: yo’ myo, kyug kyug joeb lo" yhang: ti" nghoid lho: myi: moo nge" lo" da:. Nanu" da" agyi: joem gi moin" lo" wigi nanu" da" bain: boo" gi shoem: kyug lo" lho: moid tang" lo" byug wa. Ciwim gari Israela da" gyeung" shang: da" Mangsoo- Myhang: thang da" Aseing wigi ngoonu" ri jhau" shid re" ziri nanu" ngeug he: pyam yoomo nghoid.

ESAIA 66:24

«Nyangnu" thu lo boem uri ngoo ri gyi koid thougtheung mo, da" manggung joem ri nyangnu" myang boem wa. Houg: bang: ri zo: da" lugdung: gi khanham we' shid: wa zi anghoid. Houg: bang: ri nge" nyid da" myi: gi khanham we' joem: loo" wa zi anghoid. Houg: bang: da" bue" nyid khyoo: gi xangsu: byu dangain" shid re" aco' ajhoid nghoid loo wa» ga: Aseing tid.

YEREMIA 15:7

Hau: mougmyid mo voogung khang" moo" moo: Ngoo gi nanu" ri khoofoo: yhang: ti" lid khoug: khyoo: she: pyam sain" kaid bye:. Ngoo gi nga" da" byumyu" yi nanu" ri phyo' shoin' pyam bye:. Ngoo gi nanu" da" zooshang: yiri said pyam byid: bye:. Ciwim gari: nanu" gi nanu" da" akhyeing" da" khyoo: ri ato" pyam yoomo nghoid.

YEREMIA 17:27

Nghoid loug we' nyangnu" gi ngoo ri tid dang: gyo: wigi Dougno: Bidnyid ri gyeung" shang: bidnyid khyo" phoug" tab cang yhe: ca" ago". Nyangnu" hau: bidnyid moo Yerusalem khoem" joem khyo" yoovoin ce: daja: we' age voin lid:. Nyangnu" voin lid: nghoid rigi Yerusalem voomoo" khoem" joem ri ngoo myi: nghe' pyam wa. Myi: gi Yerusalem khokham kho" joem ri we' nge" khyoeb pyam wigi hang" we' hau: ziri ayo" said pyam goo" wa.

YEREMIA 4:11

Yerusalem mo byu yiri dain pyoid yoomo lid loung gi nyangnu" jhang hau' lo nyid da ga: tid shed da" ayo, ju" loo wa. Hau: zigi phei" ri za: moid hau' pyam da" lid zoo" gi yen yoo" za: moid wa zi anghoid wa.

YEREMIA 51:2

Khoo" foo: ri lid wigi hau tang" lo" yhang: ti" Babelon ri phyo' shoin' pyam wa tungbau byu yiri ngoo nhang: kaid wa. Hau: phyo' shoin' pyam da" bidnyid ju" loo lang" nyangnu" shoid khang" moo" khyo" khaid zain: lho: mungdain: ri pyoid pyoid koid too" kho' abye: go".

YEREMIA 7:20

Houg: lho: ngoo- yoem: moo" bo Aseing gi he: Noku Yhoem: Moo" khyoo: nga" gyoug pho" nheig yo: ziri foid shoin" kaid wa. Ngoo gi hau: nheig yo: ziri byumyu" yi yo' gougnyhoug joem adang moo foid shoin" kaid wa. Houg: lho: seiggam joem yo' shivoo: shiloem gam joem adang moo lang" foid shoin" kaid wa. Nga" da" nheig yoo gi hang" wigi we' ayo" said pyam da" myi: yo' du wa.

HOSEA 13:3

Houg: lho: he: byumyu" yigi nab soin: mo lang" khyoem' yo' dakhyo"- nab soin: no' mo bei: lo" da" nghain: yo' dakhyo" byug loo" goo" wa. Nyangnu" gi gug nang: jang: mo lid wigi moid tang" pyam da" gug soem: yo' myikhyoem zeing mo myikhoug" yo' du loo goo" wa.

AMO 9:9

Ngoo gi amyeing" byid: kaid lho: Israela byumyu" yiri kyang: khyeing mo gug cab' cen: cab' ri khyeing yu yhang: ti" khyeung pyam wa. Nyangnu" ri byumyu" yi da" agung mo khyeung khyo' pyam lho: ce: phoug" adab lo: mo, ri khyen: pyam wa.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

MATHE 13:30

Gug yed nham" ju" sho' gug yo" myo, eig ja: goin" - dage" youg jo, lho: gyi: loo goo" baja". Houg: lang" gug yed mo, gi myo, gam joem ri xang: shid" yed deung: lho: myi: moo nghe pyam ge' hau: thang: gug rigi nga" da" jhi: moo zheung" kaid too" ge"› ein: wigi ngoo tid wa» ga: tid.

MATHE 13:41

Byu da" nya: zoo: gi nya: moug: lagyoo: yi ri nhang: kaid lho: byu yi ri shoid vhang: nhang: mo, yo"- atarha" da" moo" zei: mo, bain, sho ri Nya: mougkhoung: Mungdain: mo khyen: thu' yu lho: wigi

MATHE 13:42

Dadab jo, da" moo myi: khyoem moo khyo kaid nhang: wa houg: moo vang loo" bang: dangain" gi ngougmyeing" shoo" thui: yo' zei yang: ngaid kyeig ga: nyid boem wa.

MATHE 13:43

Hau: uri deung byeung" mo, gi nyangnu" da" nya: pho, Mungdain: moo bid yhangti" doug bang to" boem wa. Nukhyab dab mo dangain" tam" gyo: yu ge'.

LUKA 3:16

Houg: yoomo Yohan gi Ngoo gi nanu" ri gyid moo Babtisma ri kham: byid. Nghoidloug nga" tho' je gyi: su: gi nga" thang: moo ju" ri" wa. Ngoo gi hau: Aseing: da" khyid: baid tei" lang" phid: byid: wa zi amoin: yi. Hau: Aseing: gi nanu" ri gyeungshang: Venyi: khyo" we' myi: moo we' nanu" ri babtisma byid: wa nghoid.

LUKA 3:17

Nya: da" gug nang: jang: ri khyo kyeing wa shid' re" nya: da" lo, moo gug khyoo lhang" khang" ri ci: lho: nya: gug boem ri lhang wigi gug moo rigi nya: ci: moo shoung: to" lho: gug soem: rigi ce" ze we ayo" said da" myikhyoem moo nghe, pyam zi nghoid ga: nyangnu" ri kho" kyo.

YOHAN 15:2

Ngoo moo ashi" azei: da" akung: ako' dangain" ri nyang: cu: khyo, pyam lho: ashi" zei: da" akung: ako'' ri koem gi je zei: baja" ga: kyid shang: to.