MATHE 3:10 - Lacid Common Language Bible

¹⁰ Akhid" nyang: hau: da" voozung: gi shi" gam poem: moo zhung: too" bye. Houg" su" wigi ge da" ashi" azei: da" shi" gam jo, moo jo, ri thug lheing: pyam lho: myikhyoem' moo du" zei pyam' wa.

MATHE 3:10 ပူးပေါင်းရင်းမြစ်များ

2 SAMUELA 23:7

Hau: ziri tain" wa shid re" joto' jonu" anghoid lang" lham: dakhaid ci: ca"- Hau: zu: gam joem gi bain sho' nghe' pyam wa zi nghoid.

COUNG" NGHEI 1:3

Nyangnu" gi gyid yam, moo yug jo, lho: nya: da" ayo, moo ashi" zei: wigi afu' we' akyoug lo" da" seiggam yo' du nyid. Nyangnu" zei: da" moo" zoo" dangain" moo oung: doid lo.

COUNG" NGHEI 140:10

Nge" ne, jo, da" myigyu: joem gi nyangnu" da" tho' moo: gyo" gyoin: goo" baja" nyangnu" gi duang: khuang" khoug: moo: du" khyo' kaid zi shau" boem wigi khanham we' ayo" doem thu' ri loo: goo" baja".

COUNG" NGHEI 92:12

Deung byeung" da" byu yigi labam gam su" ko' lo, lam: lo wigi Lebanon boem mo shamu gam joem su" nyangnu" gi youg gyi: lo boem wa zi nghoid.

ESAIA 27:11

Seiggam joem mo seig kung: joem gi yhau" wigi kyug lo" byug ago". Myiyi: yigi hau: ziri thang" sho: yu ago". Ciwim gari byumyu" yigi ci: we' ase' gyoo: goo" nghoid da:. Nyangnu" ri phain" so: su: Mangsoo gi nyangnu" ri nheig akhyeug wa nheig khyeug shoomyen: myid aci: shug byid: wa.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

YEREMIA 17:8

Nyang: gi gyid gyung: yam mo yug wigi gyid moo ju" sho' agyi: cen' da" seiggam yo' du da:. Hau: afu' joem nyau jo, yoomo lung yo, ju" loo lang" agyug ca" nghoid da:. Moug: avoo loug we' seing" akhoo" nghoid da:. Ashi" xo' zei: da:.

DANIELA 4:14

Nyang: gi thui: zeing yo' ‹Hau: seiggam ri thug lheing: kaid lho: seig kung: joem ri khyau" pyam seig fu' joem ri kyid pyam wigi shi" joem ri phyo' pyam we'. Hau: seiggam yoeb mo gougnyhoug joem ri we' khaid tang" pyam lho: seig kung: joem mo ngho' joem ri we' khaid sain" pyam we'.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

MATHE 21:19

Khyoo: yam moo lafoem dagam' ri myang yoomo hau: seig gam poem: khyoo yhe: lho: seig gam moo afu' tho' moo gootu: ci" we' amyang lang" Aseing tid da" zigi «Nang moo khanham we' ashi" azei: loo: baja"» ga: tid. Houg: lang" lafoem gam gi kyoug shid: loo" khari" bye.

MATHE 7:19

Amo da" ashi" zei: da" shi" gam jo, moo jo, rigi thoug lheing: pyam' lho: myi: khyoem moo du" zei pyam' zi shau" nyid ago".

LUKA 23:31

Nyau young" jo, da" seig joem: gam yo" du da" ngoori- nyangnu" hid: yhangti" shen" yhen nghoid rigi seig kyug gam yo" du da" nanu" ri khasu" je koid: wa zigi si' ge'.

LUKA 3:9

Hau: tho' moo gootu: seig gam poem: moo voozung: zung: too" bye ge da" ashi" azei: da" shi" gam bain sho' ri thoug lheing: pyam lho: myi: khyoem moo du" zei pyam zi shau" wa ga: byu dangain" mo ri kho" kyo.

YOHAN 15:2

Ngoo moo ashi" azei: da" akung: ako' dangain" ri nyang: cu: khyo, pyam lho: ashi" zei: da" akung: ako'' ri koem gi je zei: baja" ga: kyid shang: to.

YOHAN 15:6

Ngoo yo" axo' to" su: gi nghi: zain khyoo: cu: khyo, pyam wigi kyoug main lo" da" seig kung: yo" du wa. Byu yi gi hau akung ako joem ri cang sho: zheing" yu lho: myi: moo du kaid wigi nyang: gi nghe" joem: pyam wa..

HEBRE 12:25

Nanu" gi hau: mungdang: tid kaid su: ri gi atam" gyoo: loo: za: ngeug pyam' khyoo: abui" baja" zed" nyid ge'. He: mougmyid tho' moo tid poin" tid kyeing" su: da" dang: ri shug gyo: lho: ngeug pyam nyid bang: gi yoobo dam mo yo" loid lo" boem wa zi anghoid- houg: yoomo ngoonu" gi moug: khung: khyo" tid kaid' su: ri nung thang phoug pyam boem nghoid rigi youg: noo yooboo mo ngoonu" loid loo" wa da" khyoo: gi aje boo loo.

HEBRE 6:8

Nghoid loug we' hau" myidjang: gi zugam yo' myo, gam ri za: youg thu' loo nhang: nghoid rigi ce" akyu" we' abo tho' moo agoo"- Mangsoo da" nheing" khoin" yo' gyoug pho" khyoo: za: thoung" shau" lho: myi: moo nghe, jhoem" pyam' shau" wa nghoid.