MATHE 28:7 - Lacid Common Language Bible

⁷ Nya: cangzoo: yi jhang khyoo myab myab lo" tid kyoo" ge'. Nyang: gi shid: jang" mo dei loo bye. Nanu" da" shid moo Galile mung" khyoo: yhe: loo" bye nanu" Aseing yo" houg: moo doem myang goo" wa. Ngoo nanu" ri tid da" dang: ri ato" myhid goo"» ga: pyeung: kaid.

MATHE 28:7 ပူးပေါင်းရင်းမြစ်များ

ESAIA 44:8

Nga" byumyu" yi we"- agyug goo". Goonham' gooco' mo zi akhanyid" da" ayo, ju" sho' moo hau: gu: dangain" bue" ri” wa khyoo: ri ngoo lapi: pe: to" ziri hang" se' da:. Houg: lho: nang gi nga" sagse: nghoid da:. Mangsoo gooyug nyid la". Ngoo khanham we ashau" gyo: yu" da" yoem: so' bo da" Mangsoo gootu: nyid la"

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

MATHE 24:25

Tam" gyoo: ge' he: da" khyoo: abue" loo shi" ri nanu" ri ngoo tid kyoo" bye.

MATHE 26:32

Nghoidloug ngoo gi shid: jang" mo dem dei to'' lo lho: thang: ri nanu" da" shid khyoo:- Galile mung" moo yhe: loo" lang" wa» ga: cangzoo: yi ri tid kyo.

MATHE 28:10

Yesu gi Agyug goo" ga: nya: eig yug ri tid lo" lho: nga" mang: nhung" yi ri Galile mung" khyoo: ri" wa shid re" tid ge, kyoo" ge' nyangnu" gi hau: mung" moo ngoori shau" myang goo" wa ga: tid.

MATHE 28:8

Myiyi: eig yug we gyoug dain nghoid loug we' gye" gau yi ngei pyo: ziyo'- loeb mo wigi nya: cangzoo: yi re' hau: ludang: lo" tid kyoo" wa ga: hain hain zheung: gei lo".

MARKU 14:28

Nghoid loug we' ngoo doem dei to'' lo thang: ri moo Galile moug: khyoo: nanu" shid' moo ngoo yhe: loo" lang" wa ga: tid to".

MARKU 16:10

Magadala Mari gi thu' yhe: lo" lho: koug ' shu: ziyo' ngau nyid boem da" shid' phyang" ngau Yesu yo' nyid yu bye bang: ri lo" tid kyo.

MARKU 16:13

Houg: lang" nya: eig yug gi doem tau" phang: lo" lho:-gootu: cangzoo: yi ri we' hau: khyoo: lo" tid kyo" ago". Nghoidloug we-nyangnu" gi hau: khyoo: ri aloem" nghoid ago".

LUKA 24:34

Zheing: foem: to" mo, gi «gyeing" nyang: Aseing: gi shid: jang" mo doem dei to' loo" bye" ga: wigi Peteru ri nya: gung thu' shug bye:» ga: tid go" nyid lang.

YOHAN 14:29

Hau: da" moozoo" bue" lo da" uri nanu" loem" jeing" loo wa shid' re" abui" shi" re" nyang: nanu" ri ngoo tid bye.

YOHAN 16:4

Ngoo nanu" ri he khyoo: tid kyo" zigi nyangnu" we' nanu" ri tid yhang: ti" koid wa ayo, ju" ngoo nanu" ri no, mo tid too" bye zigi nanu" myid boin wa shid re: nghoid. Ngoo gi nanu" yo" dage" nyid shi" yoomo nanu" ri hau: da" khyoo: no" re- atid kyoo.

1Korinthians 15:4

Nyhoeb, pyam zi nyang: shau" lho: wigi- jhoem: mungdang: moo: tid to" ziyo' dakhyoo" ti" soem" nyid" soem" myen, ri doem dei too' loo bye.

1Korinthians 15:6

Hau: thang: ri dalheung: dam'- nyang: thang: moo: cang yu" bye: da"- mang: nhung" yi 500 yug bang: jang" moo: dalheing: dam' dam' thu' myhang shug bye. Nyang: nau" mo, myoo: loo boug gi akhid" kangso dei nyid ashi" go, dayham" bang: koem gi yhoeb, pyo: lo' byoug boem bye.