MATHE 28:20 - Lacid Common Language Bible

²⁰ Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

MATHE 28:20 ပူးပေါင်းရင်းမြစ်များ

APOEM AYANG: 39:21

Nghoid loug Aseing gi Yoseb yo' dage" nyid nyid lho: nyang: ri mainkaid byid:. Houg: yoomo thung: agyi pho da" shidkhoin" moo myonhoo: bo nyid da:.

1 KHOKHAM 1:36

Benaia gi «Hougsu" bue" loo baja" o"- re" Aseing Mangsoo gi he: moo" zoo" ri jang deing byid: baja" o".

1 KHOKHAM MHOOMYID: 16:36

Israela Aseing Mangsoo ri coung" we'. Nyang: ri akhid" yo' apyaid atoo: moo: coung" we'. Hau: thang: byumyu" dangain" bang: gi «Amen» ein: tid lho: Aseing ri coung" we'.

COUNG" NGHEI 46:11

Gyi: myhang: da" Aseing gi ngoonu" yo' dage" nyid. Yaku da" Mangsoo gi ngoonu" da" khoug: loo joyoo nghoid.

COUNG" NGHEI 46:7

Gyi: myhang: da" Aseing gi ngoonu" yo' dage" nyid nyid. Yaku da" Mangsoo gi ngoonu" da" phang: khoug: jang: lug ug nghoid.

COUNG" NGHEI 72:19

Nya: myonhoo: phung" yoeb yo' byeung da" voolang myeing ri apyaid atoo: moo: ju" sho' dacoung" nghei nyid we'. Nya: da" myonhoo: phung" yoeb gi moug: gyab goin" jang" moo: byeung" shoin: loo" baja" o". Amen. Amen.

THU' LO" MOUGSOUG" 3:12

Mangsoo gi «Ngoo nang yo' dage" nghoid wa. Nang hau: byu yiri Egutu mo yhe: shu" thu lo uri he: boem moo nang ngoo ri yo" noku wa nghoid. Hau: zigi Ngoo nang ri nhang: kaid da avoid nghoid wa.

THU' LO" MOUGSOUG" 8:27

Ngoonu" ri nyang: amyeing" byid: to" ziyo' dakhyo"- ngoonu" da" Aseing Mangsoo ri xoin" ngei" byid: wa shid re" ngoonu" gi dain" pyoid yoo khyoo: soem" nyid" so" yhe: ca" da:» ga: tid.

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

YEREMIA 26:2

Aseing gi ngoo ri «Noku Yhoem: Moo" yhoem: vang" moo yhe: yab jo, wigi houg moo noku wa Yuda voomoo" joem mo ju" re" boem da" byumyu" yiri tid kyoo" wa ngo wigi nang ri amyeing" byid: to" gu: dangain" ri tid fu" we' Dakhoin" we' ateing too".

EZEKIEL 46:10

Khokham nu" gi shava byu yi vang yhe: da" uri vang yhe: wigi nyangnu" thu lo" da" uri thu loo" ca" da:.

MATHE 1:23

Nyang: gi «yu" ge' zoomyi: gyeing" gi zoonu" gung bue" lo wigi yuggi zoo: khu: loo wa nghoid. Nya: myeing ri Emanuela ga: myheing byid: boem wa» ga: tid to". Hau: da" dangkang: gi «Mangsoo ngoonu" yo' dage" nyid» ga: zi nghoid.

MATHE 13:49

Houg: yo' dakhyoo" ti"- he: mougmyid lo" thang da" bidnyid ri we' bue" loo wa nghoid. Mouglagyoo: yi gi thu' lo lho: deung main" mo, da" agung mo akhyeing: ashoeb bang: ri khyen: gam thu' to" lho: dab jo da" fang myikhyoem moo du" zei kaid pyam wa.

MATHE 18:20

Khasu" wim gari Byu eig soem" yug gi Nga" da" myeing ri nghe: khau: lho: zoeb foem: nghoid rigi houg: bang: yo" ngoo dage" nyid wa zi nghoid.»

MATHE 24:3

Yesu gi zhainlun boem tho' moo zhoung: jo, da" uri cangzoo: yi gi nya: jang" moo nyangnu" kyeing" re" lho: nyangnu" myid: da" zigi «Hau: khyoo: gi kha: yo, kha u" moo bue" loo wa lha". Aseing doem gyoo" loo wa da" bidnyid yo' he: da" thang lo" da" jang" moo ce: ja: alhoo: again myang thu' loo wa lha". ngoonu" ri tid kyoo" we'» ga: zheung: myid: boem.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

MARKU 16:20

Houg: lang" cangzoo: yi gi thu' yhe: lo" lho:-joyoo khyi, khang" moo" moo ngei bu: Ludang cang kho" kyo" lo". Aseing: gi nyangnu" yo' dage" moo" zei: yen" wigi-mau" pho" alhoo: again toin" shid khyo"-hau: mungdang: ri geung: teung jo, nhang. (9. Myiyi yi gi-Petru yo' nya: byen cang" yi jhang yhe: lho: nyangnu" ri tid da" dang: joem dangain" ri leung" khyo" wigi-nyangnu" ri yhe: tid kyo" ago". 10. Hau: thang: ri Yesu nyangnya: cangzoo: yi ri apyaid ato: khyoid' yu da" gyeungshang: zi ngoid dei nyid da" ludang: ri bid thu shoid mo zi bidvang shoid moo ju" sho' yhe: kho" kyoo" wa shid re" nhang: kaid.

ACTS 2:42

Nyangnu" lagyoo: yi da" dang: ri jhau" yu zoore- dage" za: bo zoem" khau: nyid boem wigi zooyho' phe, gam go" khyoo: ri koid- dage" za: akyu" shoin" mho' wigi ayo, bidnyid ri lid loo" nhang: nyid ago".

ACTS 20:27

Khasu" wim gari ngoo gi Mangsoo: myed young to" Khyoo: dangain" ziri ci" we' ateung too" looza: nanu" ri tid fu" kyoo" byid: bye.

1Korinthians 11:2

Nanu" gi khyoo: khaid gu: khang" moo" moo: ngoori: boin: so" nyid wigi- ngoo nanu' ri byid: too" bye: da" jhau" mho' thui'- nanu" cang zei: lo nyid boem bye: yoomo- ngoo nanu" ri coung" byid: nau.

1Korinthians 11:23

Khasu" wimgari- akhid" ngoo nanu" ri- byid: kaid da" jhoug" myeing" jhoug" thui: gi hau: Aseing jang" moo ngoo yo" kham: yu khyoo: nghoid. Hau: zigi: gyivoo joem da" lo, moo: ab byid: pyam zi shoug" wa da" myen" ri- Aseing Yesu gi zooyho, ri yu lho: wigi-

1Korinthians 14:37

Byu dayug yug gi nyang: nya: da" gung doem: ri- Mangso da" lagyoo: nghoid- hougsu" anghoid lang" gi Venyi jhung: shug yo" yu su: nghoid ga: shau" myid yu nghoid rigi- Aseing da" amyeing" yo' he: moug soug" ri ngoo lhid" kaid ziri: se' gyoo: baja".

TARHA" TID POIN" 12:32

Ngoo nanu" ri amyeing" byid: to" zi ja: khang" moo ” ri koid ge'. Houg: moo daja: ja: aloung: goo". Houg: mo daja: ja: ri we' ayu pyam go".

TARHA" TID POIN" 5:32

Moshe gi byumyu" yiri­ «Israela byumyu" yi we"- nanu" Aseing Mangsoo wigi nanu" ri amyeing" byid: bye: da" ja: khang" moo" ri nanu" gyeing" nyang: koid nyid ge'. Nya: tarha" daja: ja: ri we' atam" gyoo: akoid goo".

KOLOSE 1:28

Hougsu" nghoid yoomo ngoonu" gi byu yug khang" moo" ri Khristu da" khyoo: ri kho" kyo" boem bye- byu yug khang" moo" ri Khristu moo nheig bo myheung yang" da" Khristain byu yug khang" moo" bue" lo wigi Mangso shid moo yo" vang lo" boem baja"- ngoonu" gi phajhi" byen-ya boo moo boo yo' nyangnu" ri zed" lhid' nhang: khyoo: jhau mhoo, byid: nyid boem.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

YOSHU 1:5

Yoshu- nang kangso dei nyid ayo, dangain" moo: nang ri dayug we' yo" oung: pyam wa zi angoid. Ngoo Moshe yo' dage" nyid yhang: ti" nang yo' we' ngoo dage" nyid wa. Ngoo gi nang yo' khanham we' dage" nghoid wa. Ngoo nang ri khanham we' ashe: pyam wa.

2PETRU 3:2

Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

Pang Shug 1:18

Ngoo gi dadei nyid su: we' nghoid- ngoo shid: bye: nghoid loug we' apyaid atoo: moo ngoo dadei nyid shid: loo" no lo" da" khyoo: yo' moo vo, mau: da" atho' moo we' vhoeb, wa amyeing" ngoo yo.

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.