MATHE 28:2 - Lacid Common Language Bible

² Nyeigdain tung" hau: joyoo moo myid leig leig lo:- Mangso da" Mouglagyoo: gi mougkhung: mo gyoo" lo wigi lugloem: ri tu: phoug pyam lho: hau: da" lugloem: tho' moo zhoung: jo.

MATHE 28:2 ပူးပေါင်းရင်းမြစ်များ

MATHE 27:60

Hau: thang: ri lug pyo, moo aseig kyoung" to" da" nya: loeb moo yhe: kaid lho: loeb khoem" moo lug zeing daloem: tu: xau myhid" too" kho' kho' lho: lo" byug bye.

MATHE 27:66

Houg: su" nghoid yoomo nyangnu" gi loeb khyoo yhe: wigi lungloem: tho moo dazid' baid tab lho: loeb ri goug" goug: myhid" to" wigi gyizoo: yi ri zung" nhang: to" boem.

YOHAN 20:1

Akhid" Labain nyid" myo, myang zoo" ri Magadala Mari gi loeb' moo re" yu" da" uri loeb' khoem" mo da" lugloem: tu: se: pyam to" ziri yhe: myang.

ACTS 16:26

Hau: uri nyeigdain tung" - myid leig gyi" sho' leug lo wigi thung: yhoem: apoem: we' dei, ga: nain" lo. Houg: lang" jang: khoem" duang: joem gi dangain" bang" loo" khare" wigi thung: byu yi dangain" bang: da" jangcoo" doem, joem gi gyoid, gyo" lo" byug boem bye.

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

Pang Shug 11:19

Hau: thang: ri moug: khung: tho' moo noku yhoem: moo" gi khoem" bang" loo" khari" yoomo houg: moo jo, da" Dang: Theing Kuid: ri ngoo myang. hau: thang: rilhab, myeug lo wigi moug: goem: goem: da" thui: zeing myeung lo ziyo' myid leig we' leug lo lho: leig voo khyo, moug: moo" vo, da" zi houg: moo bue" loo bye.