MATHE 28:17 - Lacid Common Language Bible

¹⁷ Nyangnu" gi nyang: ri doem shau" myang boem da" uri nyang ri nyangnu" noku boem nghoid loug we' houg: bang: mo da" yham" gi aloem" loem" yang:- danghoid boem ago".

MATHE 28:17 ပူးပေါင်းရင်းမြစ်များ

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

COUNG" NGHEI 45:11

Re" da" younglho' gungdu: yoeb bang gi khokham pho, da" nheigloem: ri lang: yu vho: ngei nhang: wa zi nghoid. Nyang: gi re" da" Aseing nghoid nyid yoomo nang gi nya: dang: ri tam" gyo: nyid ca.

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 28:9

Hau: da" uri Yesu gi nya: eig yug jang" moo phyed' za: ju" lo lho: Re" eig yug ngei pyo: nyid goo" baja" ga: tid. hau: myiyi: eig yug gi Yesu jhang tain" yhe: lho: khyid moo zei: ci: wigi nyang: ri noku ago".

MARKU 16:11

Nghoidloug we' nyangnu" gi Yesu dei nyid ziri Mari gi Yesu ri myang bye: ga: zi nyangnu" shau" gyo ri aloem" boem nghoid ago".

MARKU 16:13

Houg: lang" nya: eig yug gi doem tau" phang: lo" lho:-gootu: cangzoo: yi ri we' hau: khyoo: lo" tid kyo" ago". Nghoidloug we-nyangnu" gi hau: khyoo: ri aloem" nghoid ago".

MARKU 16:14

Hau: thang: ri Yesu gi-cangzoo: daxe: dayug kyeing" voem: zo: nyid boem uri nya: gung ri nyid shug. Yesu gi nyang: shid: jang" mo doem dei to'' lo thang: ri nyang: ri shau" myang mo, dang: ri cangzoo: yi aloem boem yoomo-nyangnu" loem jeung" myid abo ziyo' nheugloem: thain: nyid khyoo: ri gyikoid.

YOHAN 5:23

Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.

ACTS 1:3

Nyang: shid: kham: thang: ri myed: xi: nyid" agyoo: moo nyang: gi myoo" sho' lheing: lagyoo: yi jang" moo nya: gung ri cang toin" shid lho: nyang: gi dadei nyid khyoo: ri loem' ge" da" sagsi: myoo" sho' yug ri toin" shid too" bye. Lagyoo: yi gi yesu ri shau myang boem wigi-Nyang: gi nyangnu" ri Mangso mungdain khyoo: tid kyo.

1Korinthians 15:6

Hau: thang: ri dalheung: dam'- nyang: thang: moo: cang yu" bye: da"- mang: nhung" yi 500 yug bang: jang" moo: dalheing: dam' dam' thu' myhang shug bye. Nyang: nau" mo, myoo: loo boug gi akhid" kangso dei nyid ashi" go, dayham" bang: koem gi yhoeb, pyo: lo' byoug boem bye.