MATHE 27:29 - Lacid Common Language Bible

²⁹ Hau: lho: ri zu: yo' koid: to" da" zu: bidmug ri we vhuloem tho' moo zhung" byid: to" ago". Nya: lo, yo lo, moo jam pheing" da: khaid ri zei: ci: nhang: lho: nya: shid khoin" moo poin" thug thoug wigi nyang: ri juang" yi zoore" «Yuda khokham" phoo we"- nang kang: sheing: nyid baja" o"» ga: juang" yi nyid ago".

MATHE 27:29 ပူးပေါင်းရင်းမြစ်များ

COUNG" NGHEI 69:7

nang yoomo ngoo gi aphoug" akhyoid zi thoung" shau" nyid ziyo' ngoo gi sho' thu zi shoug" nyid bye:.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

YEREMIA 20:7

Aseing we" nang ngoo ri mhoug fain" abye:. Houg: lho: ngoo gi mhoug fain" zi shoug" bye:. Nang gi nga" tho' yoem: je boo su: nghoid. Houg: lho: nang gi ngoo ri oung: pyam abye:. Yugkhang" moo" gi ngoo ri juang" pyam bye:. Nyangnu" gi bid gyoem sho' ngoo ri yi juang" pyam ago".

MATHE 20:19

Hau: thang: ri nyangnu" gi nyang: ri juang" yi baid youg lho: pyang" zheung: moo baid jen" too" wa shid re" nghi: zain byumyu" yi da" lo, moo ab pyam boem wa zi nghoid. Nghoidloug we' nyang: gi soem" nyid" lang" doem dei to'' loo wa zi nghoid» ga: tid kyo.

MATHE 26:49

Yuda gi kho" ga: Yesu jang" moo dain" yhe: lho: Yesu ri boobug boug lho: tid zigi «Sara: we" ngei pyo: nyid baja"» ga: tid.

MATHE 27:37

Yesu ri tarha" soi da" dang: khoin" Yesu da" vhuloem dang moo (He: yug gi Yuda khokham" nghoid.) Ga: da" lhid" cab ri baid tab to' boem.

MARKU 15:17

Nyangnu" gi Yesu ri byini sheung: zheung foid lho:-zu: kyang: wigi neug to" da" bidmug ri nya: vhuloem tho' moo zhung" byid: go".

MARKU 15:18

Hau: thang: ri; nyangnu" gi Yuda yi da" khokham" we"-kang: sheing: myo, myi: baja" o"-ga juang" nyab, dang: yo' phau" myang: byid ago".