MATHE 26:61 - Lacid Common Language Bible

⁶¹ He: yug gi «‹ngoo gi Mangso da" noku yhoem: moo" ri phyo' pyam lho: soem" nyid" da" agyoo: moo doem yo" tu: shab too" wa› ga: tid su nyang: nghoid» ga: sagsi: to' kham: ago".

MATHE 26:61 ပူးပေါင်းရင်းမြစ်များ

APOEM AYANG: 19:9

Nghoid loug we' nyangnu" gi «Tungbau byu nang houg: moo akung" keig nyid. Nang gi ci te" su: nghoid wigi ngoonu" ri re" tid nyid la". Ngoonu" khyoo: moo anyid nyid. Nya: tang: ritho' nang ritoug: je" thain: sho' dam tab wa bye:» ga: tid lho: nyangnu" gi Lod ri doin: goin pyam lho: khoem" duang: ri doin: phoid pyam wa tain" lo boem.

1 KHOKHAM 22:27

Ngoo gau: nyu: tung" doem lo da" ayo, ju" sho' nyang: ri thung: moo lhoung to" wigi zooyho' yo' gyid: ri byid: zhoo" byid: jhug ge' ein: nya: tang: ri tid ge'» ga: tid.

2 KHOKHAM 9:11

Yehu gi nya: gyizoug: byencang" yi jhang tau" lo" wigi «Ci: aca" rhe"- hau: foin" su: nang: ri ciga: lha"» ga: lhoem: myid: ago". Yehu gi «Nyang: civho: ziri nanu" se' ago"» ga: phug tid da:.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

MATHE 12:24

Pharishe yi shau" gyoo: lang" gi «he: yug gi yu zoug: Bezebula da" yoem: so' khyo" yu ri dayo" khaid thu' pyam eung:» ga: tid go" nyid boem.

MATHE 26:62

Khainjung moo" gi to' yab re" lho: nang ri houg: bang: khasu" ga: yooboo foin: nyid go" la". nang ci: aphoug tu" loo: rhe" ga: Yesu ri myid.

MATHE 26:71

Dei dei da" myiyi: zoo: goo" yug nyang: ri doem myang wigi houg: moo nyid mo, ri «He: yug gi Nazared voo byu Yesu yo" nyid su: nghoid» ga: tid.

MATHE 27:40

«Noku yhoem moo" ri nang phyo' pyam lho: soem" nyid" agyoo: moo doem yo" tu shab too" su:. Nang Mangso da" nya: zoo: deung nghoid rigi nanya: gung na nyang: khyoid yu we' pyang" zeing tho' mo gyoo" lo yu" we'.»

MATHE 27:5

Houg: lang" Yuda gi ngei Soem" xi: kyab ri noku yhoem: moo" khoug: moo she: lhei" too" khare" lho: goo" khyi moo yhe: cu: shid pyam bye.

MARKU 14:58

He: yug gi byu lo, wigi koid to" da" he: Noku yhoem moo" ri phyo' pyam lho: soem" nyid" kyoo: lang" byu lo, wigi akoid loo: za:-ngoo koid too" wa"-ga: tid ziri ngoonu" shau" gyo: boem bye- ga: tid ago".

MARKU 15:29

Khyoo: moo so" lid loo" mung" byu joem we' Yesu ri juang" ziyo'-vhu" nghui" nghue" lho" nang Mangso da" yhoem: ri phyo' pyam lho: soem" nyid gyoo: moo doem yo" koid too" wa ga: su: we".

LUKA 23:2

Hau: thang: ri nyangnu" gi he: yug gi byu phung: yi ri khyoo: vhang: nhang: wa shid' re" Ketha khokham" ri khang" dug ayo" kaid ga: tid khyoo: ri we' ngoonu" nyang: myang boem bye: ga: tid - Hau: lho:» ga: tid yoomo ngoonu" nyang;r i: myheig lho: nyang: ri yooboo foin boem.

YOHAN 9:29

Mangsoo gi Moshe ri dang: tid byid: zi ngoonu" se' nghoid loug - He: yug gi khayo thu' lo zi ngoonu" asi ga: tid boem.

ACTS 17:18

Epikuri yo: Ati- yi nheigloem: phajhi" sara: yi dayham" we' polu yo' gye" tid ngeig go" nyid boem. Nyang: nu" mo dayham" gi He: ci: ase' da" koopyoid' khyoid' gi ce" noem, ri tid nau nyid lha"» ga: tid boem lho: gootu: dayham" bang: gi goo tu: byumyu" yi da" phara" khyoo: tid nyid sam" ga: tid go" nyid boem. Nyang: nu" hidsu" tid nyid boem zigi Yesu Khyoo: yo' nyang: doem dei to'' lo da" khyoo: ri Polu kho" kyo" nyid yoomo nghoid.

ACTS 18:13

Nyang: nu" tid zigi he: yug gi tarha" yo' azhung" go" khyo" Mangsoo ri noku wa khyoo: mung" byu yi ri shu" pue: nyid su: nghoid- ga: zheung: tid boem.

ACTS 22:22

Meing: byu yi gi hidsu" tid nyid jang" moo ju" sho' tam" gyo: yu" nyid boem ago". Nghoid loug we' hau: thang: ri nyangnu" gi nyang: ri yu, pyam' ge" - said' pyam' ge" - nyang: gi dei nyid wa zi amoin: loo: nghoid da: - ga: wigi myhang: thang da" thui: yo' zeug yoid nyid boem ago".