MATHE 26:5 - Lacid Common Language Bible

⁵ Nyangnu" gi mung" byu joem thei" lu lhufu go" loo wa yoomo pui" uri amyheig a tei" wa khyare" tid go" to.

MATHE 26:5 ပူးပေါင်းရင်းမြစ်များ

COUNG" NGHEI 76:10

Byu yi da" nheig yo: khyoo: gi nang ri: coung" nghei joyoo je" bui" nhang: nyid. Gyipui" moo: ashid: looza- deung dei nyid bang: gi re" da" pui" joem moo shoug" bo vang loem" wa zi nghoid.

DANG: ZHOEM 19:21

Xangsu: byu yigi ja: khang" moo" ri myoo" sho' soin' nyheung too: nghoid loug we' Aseing myid vho: khyoo: za: dabue" loo wa nghoid.

DANG: ZHOEM 21:30

Aseing nang ri thougtheung gyi koid nghoid rigi xangsu: byu yi da" phajhi: koung yeug da" vhu" nug lasi- nheigloem: phajhi" gi nang ri ayo" pang" thoug.

ESAIA 46:10

Bue" loo wa khyoo: ri xang: shi" mo ngoo Lapi: pe: to" wigi cibui wa ein: ziri goonham' mo tid shid" too" bye:. Ngoo soin to" da" moo" joem gi khanham we' asoem" pyam- ngoo koid wa myid soin' to" zi ja: khang" moo" ri ngoo koid su: nghoid ein: ngoo tid.

NGOUG JI: 3:37

Aseing nyang: myid vho: khyoo: za: khanham we' dalhoung bue" lo.

MATHE 14:5

Herod gi Yohan ri said pyam noug nghoid loug we' Yuda byumyu" yi ri gyoug yoomo avoem" said, pyam. Khasu" wim gari houg: bang: gi Yohan ri Lapi: dayug ga: zheung: loem yoomo nghoid.

MATHE 21:26

Nghoidloug we' ‹byu da" akho: akhang" khyoo" koid› ein: tid rigi Meing: byu yi myoo" sho' Yohan ri lape: dayug ga: loem" boem yoomo byu yiri ngoonu" gyoug ca"» ga: wigi nyang: cang" nyang: sham: go" nyid.

MATHE 27:24

Hau uri Pilai gi khasu' ase' xo' tid loo khasu" we' ase koid: lol. Meing: byu yi lu: fu: loo wa ziri za: myang yoomo gyid khu, yu lho: «he: yug shid: lo" da" khyoo: gi nga" yooboo anghoid. Nanu" da" moo' za: danghoid wa» ga: byu yi da" shid khoin" moo nya: lo, ced.

MARKU 14:12

Hau: lhid: kaid xoin" yang nu" ri said da" doocid" da" zooyho' zo: pui" bidnyid ju" wa xang: shi" nyid"- nya: cangzoo: yi gi Yesu ri-ngoonu" gi re" shid re"-lhid: kaid pui" myen" xoin: ri nang ngoonu" ri khakhyi moo yhe: nyheung too" nhang: nau lha"» ga: myid: ago".

MARKU 14:2

Nghoid loug we nyangnu" gi mung" byu yi: aloin: lo boem wa shid mo pui" bidnyid gyoo: moo gi akoid shi" ja"- ga: sham: go" boem.

MARKU 14:27

Yesu gi nyangnu" ri nanu" dangain" mo, ngoori too" kho' lho: gei phang: loo" goo" wa"- Khasu" wim ga: ri jhoem: mougsoug" moo- Mangsoo gi yang zoem: su: ri said wigi-yang joem dangain" gi-phang: byo sain" lo" boem wa"-ga: lhid" to".

LUKA 20:6

Houg: su" anghoid lang" gi Byu yi da" amyeing" akhang" khyo" koid:- ein: tid nghoid ri yen gi Byu myoo" sho' mo, gi Yohan ri Lapi: dayug khyo" loem" jeing" to" boem yoomo ngoonu" ri luggo yo' du" boem wa nghoid. Nyhang" khasu" sang: wa lha"» ga: nyang: cang" nyang: sham: ngeig go" nyid.

LUKA 22:7

Doo cid" abo da" zooyho' zo: pui" moo lhid: kaid da" yang nu" ri said lho: xoin" to' byid: wa da" bidnyid ju" lo.

YOHAN 18:28

Nabsoin: myo, hain" zoo"Yesu ri Kayapha jang" mo zi Pilaid khokham" khoo" khyoo doem shu" yhe: lo" boem. Yuda zoug yi gi lhed: kaid pui" myen" xoin zoo: wa da" shid' re"-noku thung" tarha" yo' dakhyoo" ti"-- nyang: nya: da" gung ri ced" shang: nyid boem yoomo hau: khokham" khoo" khyoo: abo cang yhe: boem.

ACTS 19:29

Hau: da" mo, thei" mo, yug lu: fu" go" lo da" khyoo: gi davoo gung goin" moo byeung" lo wigi byu yi gi Polu yo' gyung: soo" byen, cang" nghoid da- Makedoni mung" byu- Ge-u yo' Aristaku eig yug ri myheug yu lho: Pui" mo goo" jang: khyoo: myab, myab, shu" vang yhe: lo" ago".

ACTS 21:38

Hougsu" wigi atoung" myang" shi" ri tu: lhoin" moo" zei: lho: dabung: gyizoo: myed: khyeing" ri vhu" jhung: shu" koid lo wigi dain" pyoid yoo khyoo: shu" yhe: lo" da- Egutu byu anghoid la". ga: Polu ri doem myed: yu".

ACTS 4:28

Nyang: nu" gi re" da" yoem: vhoo" yo' nang vho: khyo" myed phyed' ci: gu nghoid da- bue" loo ca da" moozoo" ri koid wa shid mo hougsu" zeung: foem: nyid boem zi nghoid da.