MATHE 26:41 - Lacid Common Language Bible

⁴¹ Jham" ca: yu" ziri yo" oung: loo" wa shid re" akyu" mho' lho: zed" lhed nyid ge'. Nheugloem: Venyi: gi vho: ngei nyid nghoid loug we' gung du: yoem: neing: nyid» ga: tid.

MATHE 26:41 ပူးပေါင်းရင်းမြစ်များ

COUNG" NGHEI 119:1

Aseing tid to" da" tarha" yo' dakhyoo" ti" ce" yooboo adab, loo: za: goug goug yi yi kangso' dei nyid mo, gi ngi lho boem.

COUNG" NGHEI 119:115

Yooboo dab, da" byu yi we"- nga" jang" mo phang: thu' loo" we'. Ngoo gi nga" Mangso amyeing" dang: joem ri tam" gyo: nyid wa nghoid.

COUNG" NGHEI 119:117

Ngoo ri: zei: ci: we' houg: lang" ngoo gau: nyu: nyid wa nghoid. Ngoo gi re" da" amyeing” dang: joem ri khanham we' tam" gyo: cang nyid wa zi nghoid.

COUNG" NGHEI 119:32

Nang gi ngoo ri je se, gyo: yeug loo wa phajhi" byid: nyid zi nghoid yoomo re" da" amyeing" dang: joem ri ngoo gi goug goug yi yi tam" gyo: cang yhe: loo" wa.

MATHE 24:42

Houg: su" nghoid yoomo zed" lhid zoore" lang" nyid ge'. Nanu" da" Aseing: gi kha: yo, khakhyeing: moo gyoo" loo wa zi nanu" asi.

MATHE 25:13

Houg: su" nghoid yoomo nanu" we' hau: bidnyid hau: ayo, ri asi yoomo zed" lhed lho: lang" nyid, ge'.

MATHE 26:38

«Ngoo gi shid: loo" sho' nheigloem: myid myo: nyid. Nanu" gi he: joyoo moo ngoo yo' dage" gyeing" gyeing: lang" nyid ge'» ga: wigi cangzoo: soem" yug ri tid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

MARKU 14:38

Nanu" gi jhu, phyo' jang" moo agyo: loo" wa shid re"-lhid' lho: akyu" mho' nyid ge' Venyi: gi vho: nau nyid nghoid loug we' gung shoo" gi yoem: neung: nyid ga: nyangnu" ri tid.

LUKA 11:4

Ngoonu" ri subi" shoid da" yooboo- ngoonu" khyoid pyam byid: yhangti"- ngoonu" da" yooboo ri we' khyoid pyam byid: we'. Ngoonu" ri yau: da" jhu, phyo' ca: yu" jang" khyoo: ayhi: nhang.

LUKA 21:36

Gyeing: gyeing: soo" soo" koid: nyid ge' ju" gyoo" loo wa da" myo, dain' dei: da" shid: gyoin noo gyoin ri yo" kham: zeing: yab jo, lho: wigi Byu nya: zoo: da" shid' khoin" moo dain: dain: yo" yab lho: tarha" dang: kho" ziri yo" kham: wa shid' re" khanham we akyu" damho, nyid ge'.

LUKA 22:40

Hau: joyoo moo ju" yhe: lo" boem ri Yesu tid zigi Nanu" gi jhu, phyo' mhoid" shu" lo" jang" moo abo loo" wa shid' re" akyu" mho' nyid ge" ga: tid.

LUKA 22:46

Nyang: tid zigi nanu" ci: koid: yhoeb jo, goo" lha"- too ge'- jhu, phyo' mhoid" shu" lo" jang" moo- abo loo" wa shid' re" akyu" mho' nyid ge' ga: tid.

LUKA 8:13

Lug phoug tho' moo gyoo" lo" da" myoug shi" gi Mungdang: ri shau" gyo: da: uri gau yi ziyo' kham: yu mo, ri tid nau. Nghoidloug we' nyangnu" da" nheigloem: khoug: moo mungdang: agyi: ayo" cen,- dayo, daboin: za: jham" ca: yu" da" yau khe: kyen" nhoung: khyoo: doem thoung" shau" lang" hau: yug gi doem fain" phoug: lo.

Roma 8:3

Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

1Korinthians 10:13

Nanu" thoung" shau" yu" da" agung alau" gi byu hang" we' thoung" shau" yu" ja: za: date: nghoid. Nghoid loug we' Mangsoo gi dang: zung" Aseing nghoid nyid yoomo- Nanu" atho' kham' wa yhi' da" agung" alau" jham" ca: yu" khyoo" gi shoug" nhang: wa zi anghoid. Houg: su" jham" ca: yu" zi shau" nyid da" ayo, moo- yo" zeung: kham, wa da" yoem: so' byid: lho: wigi- houg: mo yo" loid thu' loo" wa da" khyoo: nyang: nyheung byid: wa nghoid.

1Korinthians 16:13

Khanham" nghoid loug we' zed" lhid' zoore" nyid ge'- hau: loem" jeung da" khyoo: moo: geing: geing: teing teing dayab, jo, ge'. Agyug avoem, da" nheigloem: bo nyid ge'. yoem: zeing so' moo" yo' byeung" nyid ge'.

1Korinthians 9:27

Ngoo gi byu gootu: ri gei shi, goo" wa pui" bain' khi: lang" gi nga" gungdu: sugab, amyhi: wigi- khyen: khyo' pyam zi ashoug" wa shid re" ca" jang" moo: yo" ci: yhung: wa shid re" ngoo nyang: ung ri ngoo- yoem: kaid thoung" nyid ziyo'- bain sho nyang: khang" zeung: ci: bye.

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

1PETERU 4:7

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

2PETRU 2:9

Hougsu" nghoid yoomo Mangsoo gi-tarha" phau" cang nyid bang: ri-nyangnu" thoung" shau" nyid da" jham" cau" da" akoug: mo wigi-khakhyo" khyoid yu wa ziyo'-akhyeung" ashoeb bang: ri tarha" dang: phyed' da" bidnyid ju" sho' khakhyo" wigi shen" yhen wa khyoo: ri we' nyang: se' nyid.

Pang Shug 16:15

Gyo: yu" ge'. ngoo gi khoug" su: ju" re" yhang: ti" ju" ri" wa Houg: yoomo byimi avoid shoo" cen: doem: nghoid nyid ziyo' sube" da" shid khoin" moo sho' athu' wa shid re" gyeung: boin: nyid wigi nyang: nya: da" byimi, ri zung" nyid su: gi ngi: lhoo' wa zi nghoid.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.