MATHE 26:39 - Lacid Common Language Bible

³⁹ Hau: thang: ri shed khyoo dajhi' jhen" yhe: lho: myidjang: moo goeb' mhoug to" wigi «O nga" pho Mangsoo we"- ge, bue" nghoid yoo: gi he: kyi" khyeug da" goem ri nga" jang" mo yo" led lo" rigi led' loo" nhang: we' nghoid loug we' ngoo vho: khyo" anghoid. Nang vho: khyo" nghoid baja"» ga: akyu" mho' nyid.

MATHE 26:39 ပူးပေါင်းရင်းမြစ်များ

APOEM AYANG: 17:3

Abram gi nya: myonhoo: myidjang moo tain" sho' goeb uri Mangsoo gi

2 SAMUELA 15:26

Nghoid loug we' nyang: ngoo ri myid adab loo: nghoid- ci: aca"- nyang: myid vho: khyo" koid baja"» ga: tid.

1 KHOKHAM MHOOMYID: 21:16

Moug: lagyoo: gi Yerusalem ri phyo' shoin' pyam wa jen" jen" koid lho: nya: lo moo shamcoin" ci: wigi moug: laid phyoo" moo yab jo, ziri David myang da:. Hau: thang: David yo' byumyu" yi da" vhujhung: yi dangain" bang: gi jid: moo" byimi void lho: myidjang khyoo: nyangnu" myonhoo: tain" sho' goeb pid da:.

ESAIA 50:5

Aseing gi ngoo ri se' gyo: da" myid byid: to" lho: ngoo gi goemlu atoo' anghoid lang" nyang: mo we' ngoo aphug loo:.

ESAIA 53:12

Houg: yoomo ngoo gi nyang: ri ngi: shab da" joyoo byid: wigi Byu zeing yi yo' yoem so' yo" da" byu phung: moo joyoo byid: wa. Nyang: gi nya: kangso' ri ngei ngei za: byid: pyam wigi akhyeing" da" byu yi vhu" pi: lo, kyo' moo bo kham yu bye:. Nyang: gi yooboo yoo" bang: myoo: sho' da" yooboo joem ri voin wigi Nyangnu" yooboo khyoid pyam byid: zi shoug" goo" wa shid re" akyu" mho' da» ga: tid da:.

EZEKIEL 1:28

Hau: jang" moo seing: yhang: yo, gain: mo asam" avoid dangain" bo da:. He: yi yi bang zigi Aseing nyid ziri ci: shug byid: zi nghoid. Ngoo hau: ziri myang lang" myidjang khyoo: goeb pid bye:. Hau: thang: ngoo thui: dathui: shau" gyo:

GYUNG: SOO" 14:5

Hau: thang: Moshe yo' Arun tang: gi byumyu" yi dangain" bang: da" shidkhoin" moo myidgung khyoo: goeb pid ago".

GYUNG: SOO" 16:22

Nghoid loug we' Moshe yo' Arun gi nya: tang: myonhoo: ri myidjang khyoo: goeb pid wigi «O" Mangsoo we"- nang gi kangso' dangain" da" ajhung: nghoid da:. Dayug kyeing" yooboo koid ri shava phung: dangain" ri nheig yo: rhe"» ga: tid.

MATHE 20:22

Yesu gi «nanu" ce: noem mho' nyid zi nanu" nyang: asi nghoid ago". Ngoo shau" wa da" kyi" khyeug goem ri nanu" yo" shug wa go" la"» ga: wigi myid: nyangnu" gi «ngoonu" yo" shug wa» ga: phoug tu".

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 26:42

Houg: mo Yesu gi da lheing: doem yhe: lho: «nga" phoo we" he: kyi" khyeug da" goem ri ngoo mo ayo" lhed: kaid lang" gi nang vho: khyo" za: nghoid baja"» ga: akyu" doem mho' nyid.

MARKU 13:22

Mhau da" Meshia joem yo' mhau' da" lapi: apyeug joem thu lo boem wa nghoid. ge bue" nghoid rigi-nyangnu" gi Mangsoo khyen: yu too" bye: mo, ri lang" yo" shu" vhang: loo" sho' ga: alhoo: again aja: ja: yo' mau" pho" moozoo" aja: ja: toin" shid' loo goo" wa.

LUKA 17:16

Yesu da" khyid: yang: moo re" goeb pid lho: Aseing: ri jeju" so" nyid. Hau: yug gi Samari byumyu" nghoid.

YOHAN 11:41

Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye.

YOHAN 14:31

Nghoidloug we' ngoo gi phoo rijheddab nyid da" khyoo:- mougmyid gi si' ca" nyid. Ngoo gi phoo ri jheddab yoomo ngoori tid kyo" da" khyoo: dangain" ri ngoo cang pyeing bye. He: joyoo mo to' lho: ngoonu" thu' lo" boem loo: shang ga: tid.

YOHAN 18:11

Aseing Yesu Petru ri tid zigi sham: ri sham: byang moo doem xang too" we'. Nga" Phoo gi ngoori shug nhang: da" kyi" khyeug goem ri ngoo ashug wa ein: nang soin: rhe"

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

YOHAN 5:30

Ngoo gi ngoo nyang: vho: khyo" ce: moo" we' ayo" zei:- Phoo Mangsoo toin" shid' khyo" za: dang: daphyed' dakho. Ngoo gi ngoo nyang: vho: khyo" acang- ngoori nhang: kaid su: vho: khyo" dacang yoomo Nga" da" tarha" dang: phyed' da" khyoo: gi jo nyid.

YOHAN 6:38

Khasu" wim gari ngoo gi ngoo nya: myid khyo" voin vu, wa shid' re" mougkhung: khyo" gyoo" lo zi anghoid. Ngoori nhang: kaid su: Aseing: vho: khyo" zei: voin vu, wa shid' re" gyoo" lo zi danghoid.

ACTS 10:25

Petru ju" vang loo lang" -koneli gi nyang: ri yhe: tau, yu lho: Petru da" khyid: yang: moo goeb, gyo" lo" wigi nyang: ri pid.

PHILIPI 2:8

Hougsu" nya: gung ri khyo, nyhoem: pyam wigi tam" gyo: da" khyoo: moo shid: jang" moo ju" sho'-cang so" loo" bye- gyeing" nyang: pyang" zeing moo shid: jang" moo ju" sho' tam" gyo: nyid.

HEBRE 5:7

Yesu gi mougmyid tho' moo kang: so' dei nyid shi" ayo, - Nyang: ri shid: jang" mo yo" khyoid yu da" Mangso jhang thui: zeing yo' ngoug byid' ngoug nhab, thu' wigi akyu" mho' toung" pain zi koid yu" bye. Mangsoo we' Yesu da" mho' toung" pain: da" thui: ri tam" gyo: yu bye- Khasu" wim gari Aseing Yesu gi nyhoem: khyo, goeb, vang ziyo' ab, noung" xoin" to' zi nghoid yoomo lhoem: kham: yu bye.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.