MATHE 26:31 - Lacid Common Language Bible

³¹ Hau: thang: ri Yesu gi «jhoem: mungdang: moo yang zung" su: ri said pyam lang" gi yang joem gi abyoo asain" bei, sain" loo" wa ga: tid to" ziyo' dakhyoo" ti" akhimyen nyang: nanu" gi ngoori she: pyam too" kho' lho: phang: sain" lo" boem goo" wam: bye.

MATHE 26:31 ပူးပေါင်းရင်းမြစ်များ

COUNG" NGHEI 38:11

Nga" da" dam, noo joem yoomo nga" byencang" yi yo' yhoem: kyoo" cang" yigi nga" jang" moo: are" lo boem loo: wa. Nga" da" yhoem: byu yi lang" nga" jang" mo ve: gang: loo" bye:.

COUNG" NGHEI 69:20

Aphoug" akhyoid koid da" khyoo: gi nga" nheigloem: thang bye:. Nheug se' khyeug da" byu ri ngoo nheug byu lang" nyid. Nghoid loug dayug we' anyid. Nheug teing ung: teing byid: wa shid re" nheug byu lang" nyid nghoid loug we' ngoo hang" ri we' amyang.

COUNG" NGHEI 88:18

Nga" da" jhang thang bidnoem yi lang- ngoo ri she: pyam boem sho' nang koid abye:. Akhid" gi moug: coid zi: nga" byencang" dabue" nyid lo.

ESAIA 53:10

Aseing tid zigi «Nyang: yau: khe" kyi" khyeug kham zo: wa zigi nga" myid vho: da" khyoo: nghoid. Nyang: shid: zigi yooboo khyoid byid: ziri bui" nhang: da" xoin" nghoid da:. Houg: lho: nyang: gi nya: amyed ashen yiri shau" myang loo wa. Nyang: gi kang: sheing: sho' dei nyid wa. Nyang: khyo" wigi nga" myid soin' khyoo: oung: doid loo wa.

NGOUG JI: 1:19

Ngoo gi nga" shoid bo dab da" bidnoem yiri khe: kaid nghoid loug we' nyangnu" gi ngoo ri anau pang" yu loo: nghoid ago". Khainjung yi yo' vhujhung: yigi voomoo" mo fu" moo" khyoo: joem moo: nyangnu" gung du: dei nyid wa shid re" zoo: noem sho: yen" zoore shid: lo" abye: go".

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

MATHE 11:6

Ngoo yoomo nheigloem: aleing mo gi ngi lhoo wa"» ga: tid kyo" kaid.

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

MATHE 26:56

Nghoidloug we' he: moo" dangain" bue" loo zigi jhoem: pug moo lapi: yi lhid" to" ziyo' dakhyoo ti" deing byeung" loo wa shid re" bue" lo zi nghoid» ga: tid. Hau: uri nyang: nya: cangzoo: yi dangain" mo, myeung: too" khare" lho: phang: sain" lo" byug boem bye.

YOHAN 16:32

Nanu" gi nyang: nya: yhoem: khyoo: nyang: phang: gang: go" lho:. Ngoo we' ngoo nyang: kyeing" ri nyhed: pyam' khoo' shau" wa da" ayo, gi akhid" lang" ju" loo bye. Nghoidloug we' phoo Mangsoo gi ngoo yo" dage" nyid yoomo ngoo gi ngoo nyang: kyeing" nyid zi anghoid.