MATHE 26:3 - Lacid Common Language Bible

³ Hau: ruri nyang: Khainjung moo" yi yo"- Yuda vhu" jhung: yi gi Kayapha ga: su: khainjung da" joyoo moo zheung: foem to.

MATHE 26:3 ပူးပေါင်းရင်းမြစ်များ

COUNG" NGHEI 56:6

Nyangnu" gi gau: da" joyoo moo gau" nyid wigi ngoo zei: da" khyoo: dangain" ziri gau" yu" ziyo' ngoo ri: yo" said pyam wa shid re" nheug byu nyid boem.

YEREMIA 11:19

Ngoo gi said pyam wa shid re" shu" thu yhe: zi shau" da" nu" nham' yang nu" dadu: yo' du da:. Houg: lho: nyangnu" akhyeing" da" byen phyoo" sham: nyid boem zigi nga" shid re" nghoid nhung: ziri ngoo asi'. Nyangnu" gi «Seiggam joem mung" nyid shi" uri thug lheing: pyam boem shang. Nyang: ri hang" amyid boin: sho' nyang: ri said pyam boem shang» ga: tid ago".

YEREMIA 17:27

Nghoid loug we' nyangnu" gi ngoo ri tid dang: gyo: wigi Dougno: Bidnyid ri gyeung" shang: bidnyid khyo" phoug" tab cang yhe: ca" ago". Nyangnu" hau: bidnyid moo Yerusalem khoem" joem khyo" yoovoin ce: daja: we' age voin lid:. Nyangnu" voin lid: nghoid rigi Yerusalem voomoo" khoem" joem ri ngoo myi: nghe' pyam wa. Myi: gi Yerusalem khokham kho" joem ri we' nge" khyoeb pyam wigi hang" we' hau: ziri ayo" said pyam goo" wa.

MATHE 26:69

Petru gi tarha" yung" yhoem: pain' moo zhoung: jo uri khainjung agyi da" dei dei myiyi: zoo: dayug re" lho: wigi «nang we' Galile byu Yesu yo" dage" nyid su: nghoid da» ga: tid.

MATHE 27:27

Pilaid da" gyizoo yi gi Yesu ri mug" zau: dajo, yoo khyoo khe: shu" vang loo" houg: lang" hau: gyidab goin nya: nam, moo lheing khoem" to".

MARKU 14:54

Petru gi khainjung moo" da" yhoem: vang" khyoug: moo ju" sho' vi" vi: mo Yesu thang: moo cang yhe: da:- nyang: gi goem loem gyizoo: yi yo' dage" zhoung: jo, wigi-myi khyoem moo myi: bo gang nyid da.

MARKU 14:66

Petru gi hau: vang" khyoug: moo nyid jo, da: uri-Khainjung moo" da" vhu" kung: myiyi nu" dayug re" lho:

MARKU 15:16

Gyizoo yi gi Yesu ri Pedtori ga: myeung da: mung" zoug: pho da" tarha" yab, do' moo shu" vang lo" wigi gyiddab goin" ri khe: zheung" to" ago".

LUKA 22:55

Byu dayham" gi tarha" yung" agung moo myi: moid gang go" nyid. Peteru gi nyangnu" da" agyoo: moo bo vang zhoung: jo.

LUKA 3:2

Anna yo" Kayapha eig yug gi khainjung agyi yi nghoid ago". Hau: da" uri Zakhari nya: zoo: Yohan gi dain" pyoid' yoo moo Mangso da" mungdang: ri yo" yu.

YOHAN 11:57

Khainjung agyi zoug: moo" yi yo"- Pharishe yi gi hang" nghoid loug Yesu nyid da" joyoo se' ri Nyang: ri yo" myheig tei" wa shid' re" lo tid kyoo" ca" ga: wigi amyeung" khyo, too" gu nghoid.

YOHAN 18:24

Hau: thang: ri Anna: khokham" gi Yesu ri myheig tei" lho: khainjung agyi moo": Kayapha jhang khyoo yhe: de" kaid bye.

YOHAN 18:28

Nabsoin: myo, hain" zoo"Yesu ri Kayapha jang" mo zi Pilaid khokham" khoo" khyoo doem shu" yhe: lo" boem. Yuda zoug yi gi lhed: kaid pui" myen" xoin zoo: wa da" shid' re"-noku thung" tarha" yo' dakhyoo" ti"-- nyang: nya: da" gung ri ced" shang: nyid boem yoomo hau: khokham" khoo" khyoo: abo cang yhe: boem.