MATHE 26:29 - Lacid Common Language Bible

²⁹ Nanu" ri ngoo tid nau da" zigi akhid" mo wigi nga" pho da" mungdain: moo nanu" yo" dage" zabyidd' aseig ri shau" shug da" bidnyid ju" sho' he: zabyidd" rigi ngoo shug loo: zi anghoid» ga: tid.

MATHE 26:29 ပူးပေါင်းရင်းမြစ်များ

COUNG" NGHEI 104:15

Nyhang" nyang: za: ngei pyo: khyoo: yoo" wa shid re" zabyid yeung yi noug soem" si bui" wa shid re" zhainloin: xu: yoem byeung" loo wa da" shid re" cenmoin" zooyho, ri nyangnu" yo" koid thu nyid.

COUNG" NGHEI 4:7

Nghoid loug we' nang ngoo ri byid: da" gau yi ngei pyo: khyoo: gi nyangnu" yo" yu boem wa zi nghoid. Nyangnu" da" gugzoo meiloem: joem yo' zabyid moin" joem we' dangain" tho moo: je" ge byid:.

COUNG" NGHEI 40:3

Nyang: gi ngoo ri jikhoin" dang: aseig khoin" wa shid re" jhau" byid: bye:. Hau: zigi ngoonu" da" Mangsoo ri coung" da" jikhoin" daloem: nghoid. Byu myoo" sho bang: gi hau: ziri myang lho: gyoug lhed zed" zoore" Aseing ri nyangnu" gi loem khau: nyid boem ago".

SHOLUMON JIKHOIN" 5:1

Nga" nheig tei" nga" myhiseig we"- nga" khyam: khyoo: ngoo vang yhi: bye:. Nga" da" Mura yo' nam pyo: ja: ngoo khyau" zheing" too" bye:. Ngoo gi nga" byoo: yhid: yo' byoo: yho' ri zo: nyid bye:. ngoo gi nga" zabyid yhid: yo' nunoug" ri shoug nyid bye: zi nghoid. Jheddab bang: we" zoo: ge'. Nanu" gi jhed myid yo' yed: sho' shug nyid ge'.

ESAIA 25:6

Myhang: thang Aseing gi mougmyid dang mo byumyu" dangain" shid re" zoo: noem gi zabyid yhid: gi yo' he: Ziun boem tho' moo zooshug pui" zeing daloem: soin' too" wa.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

ZEKHARIA 9:17

Nyangnu" mung" gi gye" ge ziyo' yu" yung" zi bue" loo wa. vedyam" yi gi hau: moug: mo thu da" shivoo: shiloem yo' zabyid yhid: ri zo: shug wigi yoem: bo gyi: sheung: loo wa zi nghoid.

MATHE 13:43

Hau: uri deung byeung" mo, gi nyangnu" da" nya: pho, Mungdain: moo bid yhangti" doug bang to" boem wa. Nukhyab dab mo dangain" tam" gyo: yu ge'.

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 18:20

Khasu" wim gari Byu eig soem" yug gi Nga" da" myeing ri nghe: khau: lho: zoeb foem: nghoid rigi houg: bang: yo" ngoo dage" nyid wa zi nghoid.»

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MATHE 26:28

He: da" zigi nga" suid" nghoid. He: da" suid" yo" Mangsoo dang: theing da" dazid thoug" too" bye. Byu myoo" sho' mo da" yooboo ri khyoid pyam byid: wa shid re" shoin: pyam da" nga" suid nghoid.

MATHE 26:30

Hau: thang: ri Yesu yo" cangzoo: yi gi jihkoin" ri bain coung" ngei lang" zhainlun boem khyoo thu' yhe: lo" ago".

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

MARKU 14:25

Ngoo nanu" ri tid ba:- Mangso mungdain moo zabyid seig ri ngoo shau" shug da" bidnyid ju" sho' ngoo gi he: zabyid ri khanham we' shug loo wa zi anghoid ga: tid.

LUKA 12:32

Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

LUKA 15:32

Re" no, koem gi shid: byug bye- nghoid loug we' akhid" doem dei loo bye. Nyang: byug byug bye: nghoid loug- akhuid' doem shau" nyang bye: yoomo nyhang" phi" yi zo: shug pui" koid: shang- ngei pyo: nyid shang.

YOHAN 15:11

Nga" gau yi da" khyoo: gi nanu" moo jo, jo wigi nanu" da" gau yi zi we' joeb, byeung" loo baja"- ein: ngoo he: khyoo: nanu" ri tid bye.

YOHAN 16:22

Nanu" moo akhid" uri nheig koug nyid boem nghoid loug we' nanu" yo" ngoo dalheing: doem shau" goo" wa nghoid yoomo nanu" hau: uri gau yi boem wa zi nghoid. Nanu" da" gau yi da" khyoo: ri hang" wigi we ayo" lhoid' yu pyam.

YOHAN 17:13

Akhid" gi ngoo Re" jhang khyoo doem loo loo: wa nghoid. Houg: bang: gi=ngoo gau yi te" da" gau yi khyoo:- byeung" byeung" yo" yu boem wa shid' re" He: mougmyid moo nyid shi" uri he: da" dang: ri ngoo tid.

ACTS 10:41

Yug khang" moo" ri anghoid loo: za: sag si: joem ga: Mangso wigi khyen: yu too" mo ngoonu" ri za: toin" shid' lho: nyang: doem dei, to' lo thang: ri- nyang: yo' dage" zoo: noem shoin" zo: boem bye.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

Pang Shug 14:3

Hau: da" byu 144000 bang: gi zhung: tang shid khoin" mo gougnyhoug myid: du: yo' ludaid' yi da" shid' khoin" moo yab, jo, lho: nyangnu" za: dayo" jhau" yu da" jikhoin" seig ri khoin" nyid boem houg: bang: gi xangsu: byu yi dangain" mo, khyoid khyi: yu zi shau" mo, nghoid.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.