MATHE 25:34 - Lacid Common Language Bible

³⁴ Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MATHE 25:34 ပူးပေါင်းရင်းမြစ်များ

COUNG" NGHEI 2:6

Nyang: gi «nga" gyeung" shang: Ziun boem tho moo nga" khokham phoo ri myonhoo: ngilang: ngoo ab byid: bye:› ga: tid» ga: tid nyid.

DANG: ZHOEM 11:17

Nang gi nheig khyeug si su: nghoid rigi nanyang: ri nheig khyeug wa khyoo: koid nyid su: nghoid. Nang athoug" akhyoug: koid nyid su: nghoid ri koem gi nanya: gung ri nyang: nang dam tab, nyid su: nghoid.

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 6:5

Ngoo gi «Nga" shid re" myid byu khyoo: ajo, ngoo gi joem bye:. Ciwim gari nga" nhoid mo thu da" dang: khoin" khang" moo" gi yooboo byeung" jo, da:. Houg: lho: ngoo gi yooboo dang: kyeing" tid da" byu phung: khoug: moo nyid nyid. Nghoid loug we' ngoonya: myojid" wigi nyang: myhang: thang Aseing khokham ri shau" myang bye:» ein: tid bye:.

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

DANIELA 9:25

He: ziri xoem" ci wigi se' gyo: ci: we' Yerusalem ri doem di wa amyeing" khyo' byid: da" ayo, mo Mangso wigi khyen: to" da" vhu" shi: su ju" re" da" ayo, ju" sho' nyhed zain nyhed lheing: myang" loo goo" wa. Yerusalem ri fu" moo" khyoo: joem yo' geing: teing da" gyi lhoem: joyoo de: to" loo goo" wa. Houg: lho: hau: zigi khyug xe: eig zain nyhed lheing: geing: teing jo, loo wa. Nghoid loug we' he: zain gu: gi yau: khi" da" ayo, nghoid loo wa.

ZEPHANI 3:15

Aseing gi re" dam ri bain thang loo" nhang: abye: Nyang: re" gyivoo yi dangain" ri we' khaid pyam byid: bye: Israela da" Aseing khokham gi akhid" nang yo' dage" nyid nyid. Ce" gyoug ci' wa khyoo: we' ajo, loo:

MATHE 13:35

Hid: su" kho" kyo" da" khyoo: gi Lapi: yi da" dang: moo Nga" da" nhoid phang lho: «dangtu' khyo" ngoo tid wa. Moug: phain" myid phain" da" bidnyid mo wigi yhoem" to" da" khyoo: ri ngoo phoid: kyoo" wa» ga: Lapi: tid to" dang: zung: loo wa shed re" nghoid bye.

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

MATHE 20:23

Yesu gi «nanu" nga" da" goem mo deung" deing shug goo: wa. nghoid loug nga" lo, yo shoid zhung: wa lo, koung" shoid zhung: wa akhang" gi ngoo ayo" byid. Hau: akhang" aya gi nga" phoo soin' nyheing too" mo shid re" date: nghoid» ga: tid.

MATHE 21:5

Hau: da" Lape: dang: gi «Zion voo zeing: ri tid kyoo" ge' Yu" ge' re" da" khokham" gi Nu" nham da" nheigloem: yo' loozei: zoo: dang: khung: moo zhoung: wigi Nghoidbye: loozei: nya: myhi' da" nya: zoo: dang: moo zhoung wigi Re" jhang juri" bye:» ga: tid to.

MATHE 25:21

Nya: yhoem: seing: gi gi bye: loemloug da" nga" deizoo: gi we"- nang gi nge da" moo" moo loem gi" su: nghoid yoomo gyi: da" moo" zeing moo we ngoo ab byid: wa ri" we'- ngoo yo' dage" gau yi ngei pyo: nyid loo: shang» ga: tid.

MATHE 25:23

Nya: yhoem: seing: gi «gi bye:. Loemloug da" nga" deizoo: gi, we" nang gi nge da" moo" moo loemloug su: nghoid yoomo gyi: da" moo" zing ri ngoo ab byid: wa. Ri" we' ngoo yo" dage" gau yi ngei pyo: nyid loo: shang» ga: tid.

MATHE 25:40

Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

MATHE 27:37

Yesu ri tarha" soi da" dang: khoin" Yesu da" vhuloem dang moo (He: yug gi Yuda khokham" nghoid.) Ga: da" lhid" cab ri baid tab to' boem.

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

MATHE 5:19

Houg: su" yoomo hang" nghoid loug we' houg: mo nge da" Tarha" dakhoin" ri cang lho: Subi" ri we' yo" cang sho' jhoug" byid: mo, gi Mougkhung: mungdain: moo gyi: thang mo, ein: boem wa.

MARKU 10:17

Yesu gi gyung: khyoo: moo doem so" lo" nyid uri byu dayug gi gei, re" lho: nya shid khoin" moo poid thug thoug wigi nyang ri ge da" sara we"- apyaid ato: kang: so' yo" yu wa shid' mo ngoo khasu" koid wa lha"» ga: myid:.

MARKU 10:40

Nghoidloug we' nga" lo, yo shoid lo, koung" shoid moo khayug zhung: wa zi gi khyen: yu wa shid mo ngoo moo akho: akhang" ajo, houg: giMangsoo nyheung too" mo, shid re" za: hau: joyoo nyangnu" ri byid: wa ga: tid.

LUKA 11:28

Houg: nghoid loug Yesu gi Mangso da" mungdang: ri shau" gyo: lho: cang loo" su: gi hau: tho' re je ngei: pyo: ga: tid.

LUKA 11:50

Houg: su" nghoid yoomo Abela mo he: Noku yhoem: moo" khoug: ju" sho' phoin: da" agyoo: moo said pyam lid lo" da" zakhari moo ju" sho' Mougmyid phain" da" nyid" mo he: gu: said pyam da" Lapi: yi suid" yoomo he: pyaid mo da" byu yi gi yooboo dang: kho" zi shau" wa nghoid. Hau: da" moo" dangain" shid' re" he: pyaid mo da" byu yi gi yooboo dang: kho" shen" yhen zi deung" deing shau" wa ein: ngoo tid ga: tid.

LUKA 12:32

Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

LUKA 19:38

Nyangnu" coung" nghei thui: gi Aseung: myeing yo" jure" da" khokham" phoo gi ngilho' dang: khab nyid baja" o"- Mougkhung: mougdi moo Mangsoo phung" yoeb myonhoo: yo, myenjham" nyid baja" o".

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

YOHAN 12:13

Zhainlun seig kyang joem ri khyau" ci: wigi thu' lo" boem lho: Mangso da" myonhoo: phung" yoeb' ri coung" byid: ge' Mangso: da" myeing yo" gyoo" ri" su: gi ngi lho, nyid: baja"- Israela da" khokham" ri Mangsoo: mainkaid byid: baja" o"- ga: yoid' nyho: da" thui: yo"- Aseing Yesu ri lhoem: tau yu boem.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

YOHAN 19:15

Houg: bang: gi nyang: ri said pyam ge' said pyam ge' baid jen" said pyam ge' ga: doem nyho: lo ago". Pilaid khokham" gi Nanu" da" khokham" phoo ri pyang" zeing: tho' moo baid jen" said pyam noug go" la"» ga: doem myid. khainjung agyi moo": yi gi ngoonu" moo Ketha khokham" mo led lho: gootu: khokham" anyid ga: phougtu" boem.

ACTS 15:18

He: khyoo: ri goonham, goo co, mo wigi si' nhang: to" da" Aseing: gi hid: su" ga: tid nyid.

ACTS 3:26

Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.

Roma 8:17

Ngoonu" gi Mangso: da" nya: zoo yi nghoid yoomo nya: da" byumyu" shid' re" nyheing to" da" mainkaid jeju joem ri ngoonu" shau" kham: zo: boem wa. Khristu da shid' re" Mangsoo: nyheing to" zi ri we' bo shau" kham: zo: boem wa. Khasu" wim ga: ri ngoonu" gi Khristu yo" dage" yaukhe" kyi" khyeug noo bo kham: nghoid ri - nyang: yo" dage" nya: myo nhoo: phung" yoeb bo shau" vang kham: zoo: wa nghoid.

1Korinthians 15:50

Mang: nhung" yi we"- ngoo nanu" ri tid kyoo" nau da" dang: gi suid" shoo" yo' phain" so: to" da" gung doem: gi Mangso mungdain ri- agyid asoo: khyo" ayo" kham: yu ziyo'- se' shid: byug da" gung doem: gi ase' shid: byug da" gung doem: ri ayo" seing: yu.

1Korinthians 2:9

Nghoid loug jhoem: mungdang: moo- hang" we' amyang yu" ashoug" gyo: yu" da" khyoo: bue" loo wa zi nghoid ga: wigi- Hang" amyid, ju" da" khyoo: ri- Mangsoo gi nyang: ri jheddab bang: shid re"- nyheung too" bye ga: lhid" to".

1Korinthians 6:9

Akhyeing" ashoeb bang: gi Mangso mungdain ayo" vang seing: wa ziri: nanu" nyang: deing" deing se' nyid bye. Khyoo: avhang: goo"- youg: shoo: goo" mo, phara" soolhoo: no mo, sube" myi: lhoid mo, yug gi nyang: cang aved avhu: koid goo" mo

GALATI 5:21

Aloem" athoo: koid khyoo:- yhid: shug yhed khyoo: zoo: pyoo: shug bu zoo" re" youg: sho: avoid avhu: koid khyoo: yo' houg: yo" du go" da" khyoo: nghoid nyid Hidsu" koid nyid bang: gi Mangso mungdain da" agyid asoo: ri yo" kham: yu wa zi anghoid- ein: shid' phyang" tid kyoo" bye: ziyo' dakhyoo" ti"- akhid" we' nanu" ri ngoo tid nyid.

Ephesu 5:5

aco' ajhoid da" nheigloem: boo su- sho' ase' ziyo' phoug" shoid, yen" su- vhoo: boo: loug gyi: su- hang" nghoid loug we' Khristu yo' Mangso da" mungdain mo agyid aso: gam, boem" ri khanham we' yo" kham: yu boem wa anghoid ziri nanu" se' too" ge'- Khasu" wim gari vhoo: boo myo, no' loug gyi: da" khyoo: gi soolhoo: no" da" khyoo: daja: nghoid.

1THESALONI 2:12

Ngoonu" gi nanu" ri yoem: byid: khyoo: yo' nheig teing byid: khyoo: koid lid lo yu" boem bye- nya: da" mungdain moo yo" bo vang zoo: wa ziyo' myonhoo: phung yoeb, yo" bo kham: yu goo" baja" ga- nanu' ri khe: yu da" Mangsoo ri vho: ngei nhang: da" kangso' dei khyoo: moo daso" lo" nyid wa shid re" ngoonu" gi xo loo: xo' jhoug" byid: nyid boem bye.

2 TIMOTHI 2:12

Ngoonu" xo' lho: wigi kham' zeung nyid boem nghoid rigi ngoonu' nyang: yo' dage" mung" ri shau" vhoeb nyid boem wa zi nghoid.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

HEBRE 11:16

Akhid" koem gi hau: tho' mo je" pyo: da" moug: khung: moug di mo voogung mungdain ri nheig nge nyid boem- houg: su" nghoid yoomo Mangsoo gi nyangnu" da" Mangsoo ein: wa ziri sho: nyid zi anghoid. Khasu" wim gari Mangsoo gi nyangnu" nyid wa da" joyoo daloem: ri nyheung too" byid bye.

HEBRE 4:3

Loem" jeung" nyid mo, ngoonu" koem gi Mangsoo dang: theung to" da" ngei bu doug no: khyoo: ri shau" kham: yu boem bye. Hougsu" nghoid yoomo Ngoo nyangnu" ri nheig yoo: yoomo nyangnu" ri ngoo byid: wa ein: da" ngei bu myen, jham" da" mung" khyoo:- khanham we' ayo" vang loo" goo" baja"- ein: wigi ngoo dang: theung ziyo' nheung" too" bye ga: wigi nyang: tid nyid ziyo' dakhyoo" ti"- nghoid nyid. Moug: myid ri Aseing: nyang: phain" to" jang" mo wigi nyang: zei: ca" da" moo" ri dangain" zei: pyam bye. Nghoid loug we' nyang: dang: da tid nyid shi".

HEBRE 9:26

Houg: su" xoin" myo" sho' lheing: dato' nyid ca" shi" nghoid rigi mougmyid' ri phain" shed" jang" mo nyang- myo" sho' lheing: doem: shid: kham: kham: koid nyid wam: bye. Akhid" koem' gi mougmyid pyaid thang wa zi jhang lo nyid uri pyaid didu shid mo dalheing: dam, bain sho' nya: gung du: ri xoin" to' pyam' bye: ziyo' youg: noo yooboo ri shoem" shoung: pyam byid: bye.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

1PETERU 1:9

Khasu" wim ga: ri nanu" gi Aseing Yesu ri loem, khau: loem" jeing" bye: yoomo nanu" da" kangso' ri khyoid yu zi shau" boem bye.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".

Pang Shug 21:7

Oung: doid loo" su: hang" nghoid loug we' nga" jang" mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid.

Pang Shug 5:10

Nang gi nyangnu" ri ngoonu" da" Mangso mungdain: moozoo" ri zei: wa da" shid re" Khainjung aya ri ab, byid: bye- Hau: lho: wigi nyangnu" gi he: da" mougsoug" ri yo" vhoeb, khang" boem wa zi nghoid- ga: wigi khoin" nyid boem.