MATHE 25:32 - Lacid Common Language Bible

³² Houg: lang" mungdain: khang" moo" mo byumyu" bain sho mo gi-nya: shid khoin" moo zheung too" wa. yang phung: yo" coid phung: ri gootu: tu: kho' to" yhangti"- nyangnu" ri eig phung: kho' pyam wa zi nghoid.

MATHE 25:32 ပူးပေါင်းရင်းမြစ်များ

COUNG" NGHEI 1:5

Yooboo dab, mo, gi Mangso tarha" dang: phyed khyoo: ri shoug" wa ziyo' Mangso byumyu" yi jang" mo kho' thu pyam zi shau" boem wa nghoid.

COUNG" NGHEI 78:52

Hau: thang: ri nyang: gi nya: da" byumyu" yiri yang zung" su: yhang: ti" shu" lo wigi nyangnu" ri dain" pyoid yoo khyo" shu" vhu" lid loo bye:.

COUNG" NGHEI 96:13

Nyang: gi mougmyid tho' mo byumyu" yiri nyeung veung" tarha" yo' gam mi gam shoo" yi vhoebkhang" nyid wa zi nghoid.

COUNG" NGHEI 98:9

Khasu" wim ga: ri nyang: gi byumyu" dangain" bang: ri nyeung veung" ziyo' gam mi gam shoo" yi vhoebkhang" nyid wa zi nghoid.

EZEKIEL 20:38

Ngoo gi nanu" da" phung: moo thougtheung gyi koid bang: yo' yooboo shoid bang: ri yu pyam wa. Ngoo gi nyangnu" ri akhid" nyangnu" nyid da" mougmyid mo yu pyam wa. Nghoid loug we' nyangnu" ri Israela mung" khyoo: adoem tau" loo" nhang: wa. Houg: lang" ngoo Aseing nghoid khyoo: ri nanu" se' loo goo" wa».

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

MATHE 13:49

Houg: yo' dakhyoo" ti"- he: mougmyid lo" thang da" bidnyid ri we' bue" loo wa nghoid. Mouglagyoo: yi gi thu' lo lho: deung main" mo, da" agung mo akhyeing: ashoeb bang: ri khyen: gam thu' to" lho: dab jo da" fang myikhyoem moo du" zei kaid pyam wa.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

MATHE 3:12

Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa» ga: tid.

YOHAN 10:14

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

YOHAN 10:27

Nga" da" yang joem gi nga" da" dang: thui: ri tam" gyo: boem. Ngoo we' nyangnu" ri se' lho: nyangnu" we' nga" thang: moo cang ago".

Roma 2:12

Moshe da tarha" ri dajhi' we' ase' da" Yuda byumyu" anghoid tungbau byumyu" tarha" shoid' lo" nghoid rigi - nyanu" gi tarha" ri asi' mo nghoid. Moshe tarha" ri se' da" Yuda byumyu" yi tarha" shoid' lo" ri nyanu" gi - lhid" to" tarha" moo tid to" zi yo" dakhyoo" ti" yooboo dam shau" kham wa zi nghoid.'

Roma 2:16

Houg: yoomo - ngoo phyed" kyo" da" ngeibu lu dang: seig yo" dakhyoo" ti" - tarha" dang: phyed' da bidnyid moo Mangsoo: gi - Yesu Khristu khyo" wigi - byu dangain" mo, - zau" nyhoem" to" da" myid soin: khyoo: yi ri - tarha" dang: phyed' loo wa nghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

1 SAMUELA 2:10

Aseing da" gyivoo yigi lhu: phyo' pyam zi thung" shoug" goo" wa zi nghoid. Nyangnu" ri thougtheung wa shid re" nyang: gi mougkhung: mo moug: goem: ri goem: nhang: wa zi nghoid. Aseing gi mougmyid gyab goin" ri tarha" dang: phyed byid: wa zi nghoid. Nya: khokham ri yoem: so' byid: wa zi nghoid. Nyang: khyen: to" da" khokham ri oung: doid loo" nhang: wa zi nghoid.