MATHE 24:5 - Lacid Common Language Bible

⁵ Byu myoo" sho' mo, ‹Ngoo gi Meshia nghoid› ga: nga" myeing voin lho: khyoo shu" vhang: lo boem wa.

MATHE 24:5 ပူးပေါင်းရင်းမြစ်များ

YEREMIA 14:14

Nghoid loug we' Aseing doem tid zigi «Lapi: yigi nga" da" myeing khyo" mhau' tid nyid boem ago". Nyangnu" ri ngoo anhang: kaid. Nyangnu" ri ngoo amyeing" daja: we' abyid:. Nyangnu" ri dang: dakhoin" lang" aji. Nyangnu" tid da" yoeb myang gi nga" jang" mo re" zi anghoid. Nyangnu" bue" loo wa ziri tag tid khyoo: joem gi ci: aphoug" adab da" nyangnu" se' ziza: danghoid da:.

YEREMIA 23:21

Aseing tid zigi «Ngoo gi he: lapi: yiri anhang: kaid nghoid loug we' nyangnu" thu yhe: lo" ago". Ngoo gi nyangnu" ri ce: mungdang: we' abyid:. Nghoid loug we' nyangnu" gi nga" myeing mo dang: ji nyid boem ashi".

YEREMIA 23:25

Nga" da" myeing mo mhoug dang: tid lho: nga" mungdang: ri nyangnu" yhoebmo, moo ngo wigi nyangnu" ri byid: da: ga: tid boem da" hau: Lapi: yi dang: ri ngoo se' da:.

YEREMIA 37:9

Nanya: gung ri Babelon byu yigi adoem ju" ri" wa ga: myid jho: yu wigi mhoug zo: zi ashoug" wa shid re" ngoo Aseing tid poin" byid: bye:. Ciwim gari nyangnu" ju" re" boem wa zi nghoid.

MATHE 24:11

Hau: tho' moo gootu: mhau da" lapi: we' myoo" sho' thu' lo wigi byu myoo" sho' ri khyoo: shu" vhang: lo" boem wa.

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

YOHAN 5:43

Ngoo gi Phoo Mangso da" zoug: myeing" zoug: thui: yo" juri" nghoid loug Nanu" gi ngoori alhoem: kham: yu boem. Gootu: dayug yug khyoo: nyang: nya: da" myid khyo" jure" nghoid rigi nanu" lhoem: kham: yu boem wa.

YOHAN 8:24

Houg: yoomo nanu" gi nanu" da" yooboo moo shid: lo" boem wa ein: wigi ngoo tid bye. Ngoo gi ngoo nghoid nyid ziyo' dakhyoo" ti"-- ngoo nghoid ziri nanu" aloem" boem rigi Nanu" gi nanu" nya: yooboo moo shid: lo" boem wam bye. ga: tid.

YOHAN 8:28

Houg: yoomo Yesu gi byu nya: zoo: ri myidjang: moo tu: zhug lhang" too" lang" she- ngoo gi hang" nghoid nyid ziri nanu" yo" si' zi nghoid. Ngoo gi ngoo ngoonya: amyeing" akhang" khyo" ce: moo" we azei:- Nga" phoo nhang: kaid ziyo' dakhyoo" ti"- za: ngoo dazei: ziri we' nanu" se' loo wa.

1YOHAN 2:18

Nga" zoo: yi we"- lo" thang bidnyid jhang loo, bye. Nanu" ritid kyoo" bye: ziyo' dakhyoo" ti"- Khristu da" gyivoo phoo ein: su: gi ju" nyid bye: nghoid yoomo akhid" lang" gi Khristu da" gyivoo myoo" sho' thu' loo: bye: zi nghoid wigi lo" thang bidnyid jhang bye: ziri ngoonu" se' nyid boem bye.

1YOHAN 2:22

Yesu gi Meshia anghoid ga: wigi ngeug pyam' su: za: anghoid rigi mhoug su: ga: zigi hang" nghoid wa lha". Hau: nya: phoo yo' nya: zoo: ringeug pyam su: nyang:- Khristu da" gyivoo nghoid nyid.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.