MATHE 24:14 - Lacid Common Language Bible

¹⁴ He: mungdain: da" ngei bu: lu dang: ri byu bain sho' shid moo sagsi: bui" wa shid re" Mougmyid gyab' goin" kho" kyo" loo" wa zi nghoid. Hau: thang: ri mougmyid thang da" ayo, ju" loo wa zi nghoid.

MATHE 24:14 ပူးပေါင်းရင်းမြစ်များ

EZEKIEL 7:10

Yau: khi" kyi" khyeug da" bidnyid gi ju" lo nyid bye:. Athoug" akhyoug: moo" gi myo: je: lo nyid. Nghoid boin: zigi myhang: thang moo jo, jo, abye:.

MATHE 10:7

Nangnu" yhe: lho: ‹mougkhoung: mungdain: tam: too" wa zi jhang loo bye:› ein: da" lu dang: ri kho" kyoo" ge'.

MATHE 18:19

«Hau: tho' moo gootu: Ngoo nanu" ri gyeing" gyeing" tid da" zi gi Mougmyid tho' moo byu eig yug soem" yug veing" go" wigi Akyu" mho' nghoid rigi Mougkhung: tho' mo nga" phoo gi nanu" mho' da" zi dangain" ri byid: wam: bye.

MATHE 24:3

Yesu gi zhainlun boem tho' moo zhoung: jo, da" uri cangzoo: yi gi nya: jang" moo nyangnu" kyeing" re" lho: nyangnu" myid: da" zigi «Hau: khyoo: gi kha: yo, kha u" moo bue" loo wa lha". Aseing doem gyoo" loo wa da" bidnyid yo' he: da" thang lo" da" jang" moo ce: ja: alhoo: again myang thu' loo wa lha". ngoonu" ri tid kyoo" we'» ga: zheung: myid: boem.

MATHE 24:6

Nanu" gi vi: mo jang" mo, Gyipui" lu dang: ri shau" gyo: lo boem wa. Nghoidloug we' agyug adain goo. He: da" khyoo: gi bui" nyang bue" loo wa zi nghoid. Nghoidloug we' mougmyid thang lo" da" ayo, gi anghoid shi.

MATHE 4:23

Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MATHE 9:35

Hau: thang: ri Yesu gi voogung khang" moo" moo cang koem" yen" wigi nyangnu" nya: da" tarha" jung joem moo cang jhoug" byid: zoore"- ana: yoga: aja: ja: yo"- noophyoo" aja: ja: ri cang ze: gi byid.

MARKU 13:10

Nghoid loug we' lo" thang ayo' aju" shi ri ngeibu: ludang: ri byumyu" bain sho' mo, ri kho" kyoo" ca" wa zi nghoid.

LUKA 2:1

Hau: ayo, moo Roma da" mung" goin" jang" mo- Mung" byu yi myeing kaid wa da" shid' re" khokham Agustu gi amyeing" khyo' kaid bye.

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

LUKA 4:5

Hau: uri yu satan gi Yesu ri boem tho' khyoo doem shu" do, lo" lho: Mougmyid Mungdain: jo, moo jo, ri dalheing: dam toin" shid lho: wigi

ACTS 1:2

Yesu gi moug: khung: khyoo: to' yu zi ashug" shi" uri nya: lagyoo: yi ga: nyang: khyen: yu too" mo, ri-Nyang: gi gyeungshang: da" Venyi khyo" wigi pyein: dang: joem ri byid: too" khari" bye.

ACTS 11:28

Nyang: nu" mo Agabu ga: su: gi to' yab, lho: gyeungshang: da" Venyi yoem: so' khyo" wigi moug: myed gyab, goin" moo phang" khoug gyo" loo wa zi nghoid- ga: wigi lapi: pe da. (Hau: da" phang" khoug moo" zeing gi Roma khosen: kolodi da" apyaid' moo gyeing" nyang: bue" loo bye.)

ACTS 17:31

Khasu" wim gari nyang: khyen: yu too" su: da" lo, khyo" wigi nyang: gi mougmyid gyab, goin" ziri dain: nyeung khyo" tarha" dang: phyed' wa da" bidnyid' ri mhe, phyed' to" abye:. He: Khyoo: yo' sen: lho: yug khang" moo" ri sag si: toin" shid' wa shid re" hau: yug ri shid: jang" mo doem, dei to' loo nhang: bye.

ACTS 17:6

Nyang: nu" gi azheung: shau" sho: myang lang" nyangnu" gi Yasun yo' loem" jeing" bang: dayham" ri hau: voogung mo amyeing" ci: mo, shid' moo she: khyoid re" lho:" Hid: bang: gi joyoo khyi, khang" moo" moo yau: khe" da" khyoo: ri ze" bue byid: loo mo, nghoid ago'- akhid" ngoonu" da" voogung moo we' ju" lo boem abye: go"-,, Yasun we' nya: yhoem: moo he: eig yug ri lhoem: kham: yu to" da" - ga: zheung: tid kyo".

ACTS 19:27

Houg: yoomo hid: ngoonu" da" moozoo" ri myeing ze" shoin' pyam wa zi gyoug ca". Houg: za: we' anghoid shi" - gyi: sheung: da" phara" yhoem: gi ci" we' anghoid khari" loo: wa. Houg: lang" Asia mung" bang: dangain" yo' mougmyid goin" mo, coem goeb, pid' nyid da" phara" myhi, da" phung" yoeb, ri phue: lo" byug nhang: wa zi nghoid- ga: tid.

ACTS 20:25

Ngoo gi Mangso mungdain da" khyoo: nanu" jang" moo cang kho" kyo yen" bye. Akhid" gi nanu" mo hang" we' ngoori khanham we' doem, shau" myang loo: goo" zi anghoid khyoo: ri ngoo se.

Roma 10:18

Hougsu" nghoid loug byu yi gi - hau da" mungdang: shaug" gyoo: wa akhang" ajo la" ein: ngoo myid nau. Byu yi gi shaug" gyoo: wa da" akhang" gyeing" gyeing" yo" boem. Jhoem: mungdang: moo Mungdang: tarha" ri kho" khyoo" su: da" thui: gi - mougmyid, dagyab goin" moo fu" nheing" loo" bye. Nyanu" da" tarha" dang: yi gi moug myid ayam loem: kheing goem: sho' ngam' loo" bye.- ga: tid zi yo" dakhyoo" nyang: nghoid bye.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

KOLOSE 1:6

Nanu" gi Mangso jeju" khyo" xang: shed" shau" gyo: yu da" bidnyid mo wigi hau: jeju" gi gyeing" nyang: se' gyo: kham' zoo: bye: ziyo' dakhyoo" ti"- hau: ngei bu: lu dang: gi nanu" jang" moo ju" loo bye- houg: yo' dakhyoo" ti"- hau" ngei bu: lu dang: gi ashi" myoo" sho' zei lo lho: mougmyid gyab, goin" jang" moo byo sain" loo" bye.

HEBRE 1:6

Nghoid loug we' Mangsoo gi Nya: zoo: mang: moo" ri moug: myid tho' khyoo: nhang: kaid' wa ga:-soin' uri nyang: tid zigi "Mangso da" moug: lagyoo: yi dangain"- nyang: ri noku coung" nghei boem wa" ga: wigi tid to" abye:.

HEBRE 2:5

mangsoo gi akhid" nyhang" tid nyid da" ju" loo wa da" mougmyid seig ti: we' moug: lagyoo: yi vhoeb khang" da" akhoug: moo too" byid: wa zi anghoid.

Pang Shug 14:6

Hau: thang: rimoug: myid mungdain loem: khang" moo" moo nyid da" myeing" acang: joeb, bang:- byumyu" acang: joeb da" bang: ri tid fu" kyoo" wa shid re" apyaid' atoo: mo ngei bu: lu dang: gi ri ci: lho: moug: laid' moo dang: lheung: nyid da" moug: lagyoo: gootu: ri ngoo myang.

Pang Shug 16:14

Nyangnu" gi main: yu joem da" soo" byoo, joem nghoid wigi alhoo: again joem ri yo" koid shug. Hau" venyi soem" du: gi yoem: moo" bo Mangso meing: zain: da" bidnyid' zeing mo, gyipui" khyoo:- mougmyid gyab, goin" moo nyid da" - Khokham" yi ri dage" khe: zheing" wa shid re" thu' lo" boem.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.