MATHE 23:5 - Lacid Common Language Bible

⁵ Nyangnu" koid: da" moozoo" dangain" gi mung" byu shid khoin" moo za: te: koid: shug boem. Nyang: nya: da" ngeilang: yo" lo, pu, moo tab ci: da" jhoem: dang: dab, du da" shooyid yho' ri je gyi: sho' koid: lho: void ci: boem ago". Byi: sheing: bain: byug thang: we' sheing" sheing: coeb' void to" ago".

MATHE 23:5 ပူးပေါင်းရင်းမြစ်များ

2 KHOKHAM 10:16

«Ngoo yo' dage" re" wigi ngoo Aseing ri khayhi' noku coung" su: nghoid ziri nang nyang: re" yu" we'» ga: tid da:. Houg: lho: nya: eig yug dage" Samari khyoo: yhe: lo" ago".

THU' LO" MOUGSOUG" 13:9

He: thung" ri: gi nanu" lo, anghoid lang" ngilang: moo tei" tab to" da" ja: yhang: ti" poin" byid: da" khyoo: nghoid loo wa. Hau: zigi xo' lho: nhoid khyoo yoo" sho' nghab xoem" wa ziyo' Aseing tarha" ri jhau" yu wa shid re" nanu" ri poin" byid: loo wa. Ciwim gari Aseing gi nya: yoem: so' moo" khyo" wigi Egutu mung" mo shu" thu loo yoomo nghoid da:.

DANG: ZHOEM 3:3

Loem, ge" ziyo' jhug zoug da" nheigloem: ri khanham we' ashe: pyam. Hau: ziri re" da" leung zeung: moo" void ci: wigi re" da" nheigloem: khoug: moo: lhed" too" we'.

XOIN" NGEI" 13:32

Nyhed nyid" ju" lang" khainjung phoo gi dam joid ri doem yu" ri hau: zigi aje: loo- houg mo shoomoug" joem we' aboo" lo ziyo' hau: loem: lheing khab shooyid tho' je ano, vang gyoo" lo" nghoid rigi

MATHE 9:20

Houg: lang" yu" ge'. daxe: eig zain suid" shoin: no da" myi yi: dayug Aseing jang" moo jhen" re" lho: nya: byi: mo bain: byug thang: moo re" shau" tain".

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

LUKA 20:47

Cougmoo" myhi, yi da" yhoem: zi yoo khuid" joem ri we' atarha" khyo" lhoid yu lho: subi" gyo: loem" wa khyo" akyu" sheing: sheing: cang mho' yen" boem. Nyangnu" ri je no, thang da" yoobo dam byid: wam: bye: ga: tid.

YOHAN 12:43

Nyangnu" gi byu yi coung" byid: wa ziri Mangso coung" byid: wa tho' moo je vho: ngei nyid ago".

YOHAN 5:44

Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

YOHAN 7:18

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

TARHA" TID POIN" 11:18

«He: amyeing" dang: joem ri myid boin: wigi hau: ziri nheigloem: moo: kaid too" ge'. Tid poin" nyid da" jonu" khyo" hau: joem ri nanu" lo, pu' moo tei" tab ci: wigi nanu" ngilang: moo we' tei" tab ci: ge'.

TARHA" TID POIN" 22:12

Re" byimi myid: khyoug: goin" jang" moo bain: byoug khyoeb tab too" we'.

TARHA" TID POIN" 6:8

Hau: joem ri nanu" lo, joem moo tei" tab ci: ge'. Hau: joem ri boin: nhang: da" zi khyo" nanu" ngilang: moo tab ci: ge'.

PHILIPI 1:15

Gyeung" nyang: nyhang" mo dayham" gi no" zoo yoomo myeung" myoo: nau boem ziyo' kho" kyo" nyid ago". Nghoid loug we' gootu: bang: gi-young" gyeung" ge, lho, nheigloem: yo' kho" kyo" ago".

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

2 THESALONI 2:4

Nyang: gi; byu yi noku loem khau: nyid phara ein: ja: nyid moo nyid ri thoutheung shai" go" lho: nya: gung du: ri nyang: houg: dangain" da" atho' moo phung" yoeb, je boo su: nghoid ga: wigi tu: to' coung" nghei loo wa nyang: gi Mangso noku yhoem: khoug: moo lang" yhe: vang zhoung: jo, lho: wigi nya: gung ri nyang: Mangsoo: nghoid- ga: tid fu" nyid wa zi nghoid.