MATHE 23:3 - Lacid Common Language Bible

³ Houg: yoomo houg: bang: jhoug" byid: ziyo' dakhyoo ti"- tam" gyo: cang zei: yhi: ge' nghoid loug we nyanu" nyang: gi nyang: nyang: jhoug" byid: ziyo' dakhyoo" ti"- acang boem yoomo nyangnu" koid: yhangti"- acang koid: goo.

MATHE 23:3 ပူးပေါင်းရင်းမြစ်များ

2 KHOKHAM MHOOMYID: 30:12

Mangsoo gi Yuda mung" moo we' moo" zei: wigi khokham yo' nya: gyizoug: yi da" amyeing" dang: ri cang wigi nya: myid vho: ziri cang wa shid re" nyangnu" myid phyed jang" moo mung" byu yiri myid shoin" nhang: da:.

THU' LO" MOUGSOUG" 18:23

Mangso da" amyeing" dang: yo' dakhyoo" ti" nang he: ziri koid nghoid rigi nang myung: wa zi anghoid. Hau: byumyu" yi dangain" we' nyangnu" moo" bain lho: yhoem: khyoo: yo" loo" wa zi nghoid» ga: tid da:.

MATHE 21:30

Nya: phoo gi zoo: thang jang" moo doem yhe: lho: ‹Nga" zoo: we" akhid" nyid" zabyid khyam: moo moo" yhe: zei: we'› ga: tid. Nya: zoo: thang gi ‹gi bye: nga" phoo we" ngoo yhi: wam: bye:› ga: tid.

MATHE 23:2

«Tarha" sara: yi yo"- Pharishe gi Moshe da" tarha" ri dangkang: phang shug wa shid re" amyeing" akhang" yo" jo, mo nghoid.

MATHE 23:4

Nyangnu" nyang: gi gye" led: lho: voin yau: da" yoovoin ri subi" ri soin' foin: boem. Nyangnu" nyang: gi hau: yoovoin ri bo voin wa shid re" lo, da nyhoug" yo, we' anau tu: yu" boem.

ACTS 5:29

Petru yo' lagyoo: yi gi ngoonu" gi byu yi da" jhoug" myeung" tho' moo Mangso jhoug" myeing" ri je" tam" gyoo: ca" ga: phoug tu" ago".

Roma 13:1

Byu dangain" mo Asuya zoug: yi da" amyeing" ri tam" gyoo: ca". Khasu" wim ga ri - kha: asuya' nghoid loug Mangso: akhang" mo za: anghoid ri hang" zoug: ayo" koid'. Amyeing" yo" da: zoug: yi gi Mangsoo: wigi nyheig too" shau" mo nghoid.

TARHA" TID POIN" 4:5

«Nga" Aseing Mangsoo ngoo ri koid wa tid to" ziyo' dakhyo" ngoo gi tarha" dangain" nanu" ri jhau" byid: bye:. Nanu" jhen" vang yhe: wigi yhe: nyid loo: wa za: danghoid lo: da" mung" moo: hau: joem ri tam" gyo: cang yhe: nyid ge'.

TARHA" TID POIN" 5:27

Moshe we"- doem tau" yhe: wigi ngoonu" Aseing Mangsoo tid da" ja: khang" moo" ri yhe: tam" gyoo: we'. Hau: thang: doem tau" lo wigi nyang: nang ri citid ein: ziri ngoonu" ri lo doem tid kyoo" we'. Ngoonu" gi tam" gyo: wigi cang yhi: wa› ga: tid ago".

2 TIMOTHI 3:5

Nyang: nu" gi yha" da" noku thung ri ri atho' dapyam: za: bo cang mhau' boem lho: wigi hau: noku thung" mo, phung" yoeb, rigi ngeug pyam mo, nghoid nyid boem ago". Houg: yhang: te" byu yi ri we' jang" pyam' nyid we'.

TITU 1:16

Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.