MATHE 23:12 - Lacid Common Language Bible

¹² Nyang: nya: gung ri tu: to' su: gi nyhoem: gyo" loo" wa. Nyang: nya: gung ri nyhoem: khyo' nyid su: gi tu: to' kaid zi shau" wa nghoid.

MATHE 23:12 ပူးပေါင်းရင်းမြစ်များ

YOBA 22:29

Mangsoo gi nghoid boin: bang: ri doin: khyo' pyam lho: Nheigloem: nyhoem: khyo' bang: ri khyoid yu wa.

COUNG" NGHEI 138:6

Aseing gi myhang: thang su: nghoid nyid. Nghoid loug we' nheigloem: nyhoem: khyo" mo, ri yu" goin coung: nyid. Nghoid boin: lho: phau: khaung nyid mo, rikoem gi vi: vi: mo nyang: se' too" byid: bye:.

DANG: ZHOEM 15:33

Aseing ri gyoug phau" khyoo: gi phajhi" nyang: nghoid bye:. Nang coung" nghei ngi: shab khyoo: yo" yu noug su: nghoid rigi nheigloem: khyo' nyhoem: lho: nyid we'.

DANG: ZHOEM 29:23

Nghoid boin: khyoo: gi nang byed byo" byug wa khyoo: nghoid. Nheigloem: khyo' lho: nyid su: koem gi sube" wigi phau" myang: khyoo: shoug" nyid wa zi nghoid.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

MATHE 18:4

He: zooshang: yhangti"- nya: nheigloem: nyhoem: khyo su: gi Mougkhung: Mungdain: moo je gyi: thang su: nghoid wa.

MATHE 5:3

«Venyi: moo asho" ajhen: nghoid nyid mo, gi ngilho' boem wa. Khasu" wim gari Mougkhung: da" mungdain: gi nyangnu" shau" seing: boem wa zi nghoid.

LUKA 14:11

Houg: su" nghoid yoomo nyang: nya: gung ri coung" byid: mo, gi khyo, nyhoem: pyam byid: zi shau" wa. Nyang nya: gung ri khyo, nyhoem: su: gi phau" myang: tu: to' kaid zi shau" wa ga: tid.

LUKA 18:14

Ngoo nanu" ri tid wa Yesu tid zigi kheing" khyu: zoo: su: gi Mangso da" shid' khoin" moo deung main" su: dayug khyo" yhoem: khyoo: doem yo" tau" lo. Pharishe phoo gi houg: su" anghoid. Khasu" wim gari hang" we' nyang: nya: da" gung ri coung" byid: mo, gi doin: khyo, pyam zi shau" lho: hang" we' nyang: nya: da" gung ri khyo nyhoem: mo, gi tu: to' kaid zi shau" wa nghoid.

YAKU 4:6

Nghoid loug we' ngoonu" gi Mangsoo byid: to" da" jeju" azeing ri je" wigi yoem: moo" bo nyid boem. Mangsoo gi nghoid boin: nyid mo, ri lang: khyo, pyam lho: nyhoem: khyo, nyid mo, ri jeju" byid: nyid ga: jhoem: mungdang: moo bo nyid ziyo' dakhyoo" ti" nghoid.

1PETERU 5:5

Houg: yo' dakhyoo" ti"- nanu" zoolu: zoomyi: yi we' ludaid' yi da" dang: ri tam" gyo: nyid ge'. nyang: cang" nyang: zoem" khau: da" khyoo: moo nanu" dangain" mo, gi khyo, nyhoem: ein: da" khin' ri void, ci: lho: dayoug da" dei zoo: dayug koid nyid ge'. Khasu" wim ga: ri jhoem: mungdang: moo Mangsoo gi nghoid boin: mo, ri doin: khyo' pyam lho: nheigloem: nyhoem: mo, ri jeju" byid: nyid ga: lhid" to".

1PETERU 5:6

Houg: su" nghoid yoomo phoo Mangsoo gi nya: ge, da" ayo, ju" lang" nanu" ri yo" tu: to' kaid' wa shid re" nya: yoem: moo" bo da" lo, yoem: bid shoem: khoug: moo khyo, nyhoem: lho: nyid ge'.