MATHE 22:3 - Lacid Common Language Bible

³ Hau: khokham" phoo gi shid re khe: too" bye: mo, jhang khyoo: nya: dei zoo: yi ri doem khi: nhang: kaid. Nghoidloug we' nyangnu" gi nau re" boem nghoid ago".

MATHE 22:3 ပူးပေါင်းရင်းမြစ်များ

COUNG" NGHEI 68:11

Aseing gi mungdang: tarha" ri byid: kaid ziyo' myi yi: yi myoo" sho' bang- hau: lu dang: ri voin, so" yen".

ESAIA 30:15

Israela da" gyi: sheung: gyeung" shang: da" Aseing Mangsoo gi nya: byumyu" yiri «Tau" lo wigi sam: za: ngoo ri khau: nghe: goola. Houg: lang" nanu" gi yoem: bo wigi goem loem khyoo: yo" yu goo" wa» ga: tid da:. Nghoid loug we' hau: ziri koid wa nanu" ngeug he: pyam ago".

YEREMIA 25:4

Aseing gi nya: da" dei zoo: Lapi: yiri xo' wigi nanu" jhang nhang: kaid byid: sho' nghoid loug we' nanu" gi anau tam" gyoo: nyeing" atam" gyoo: nghoid ago".

YEREMIA 35:15

Nga" dei zoo: lapi: yi dangain" ri nanu" jhang xo' wigi nhang: kaid bye:. Nyangnu" gi nanu" ri nanu" da" akhyeing" da" moo" joem ri to" pyam wa yo' jo ziri koid wa shid re" nanu" ri tid abye: go". Ngoo wigi nanu" ri yo' nanu" da" phoug" phyid" yiri byid: to" da" mungdain: moo nanu" xo' wigi yo" nyid goo" wa shid re" gooji yu phara" joem ri anoku wa yo' adei byid: goo" wa shid re" nanu" ri tid poin" byid: abye: go". Nghoid loug we' nanu" gi nga" dang: ri ashoug" gyoo:- nga" dang: ri goolhoo' atam" gyoo: nghoid ago".

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 11:7

Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

ZEPHANI 1:7

Aseing dang: phyed wa da" bidnyid gi ju" lo nyid bye:- houg: yoomo nya: shidkhoin" moo sam: zoo: nyid we'. Xoin" said ngei" yhang: ti" Aseing gi nya: byumyu" yiri said ngei" byid: wa zi soin' nyid wigi Yuda mung" ri zain: loo wa da" gyivoo joem ri khe: zheung" too" bye:.

MATHE 21:34

zabyidd" shi" myheing: yo' jhang loo lang" nya: dei, zoo: yi ri zabyid khyam: koid: mo, jhang khyoo: khyam: phoug" zabyidd" shi" ri mho' nhang: kaid.

MATHE 23:37

«O" Yerusalem we" Yerusalem voogung we"- nang gi Lapi: yi re" jhang khyoo Mangsoo nhang: kaid da" lagyoo: yi ri luggo, yo" du" said gyo, vhoeb' zheung gi gyo, nu" yi ri nya: dung soo" khoug: moo khe: zheung" kaid to" yhangti"- ngoo gi re" meing: byu yi dangain" ri khayhi' khe: zheung" too" noug loug we' nang nu" nyang: agyoo: nghoid ago:.

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

MATHE 9:15

Yesu gi «phoo seig gi loxo' yab, yo' sen: da" pui" re" byu yi yo" dage" danyid shi" uri nyanu" nyang: koug" shu: zi shau" goo" wa la". nghoid loug we' phoo seig ri kang" kaid wa da" bidnyid ju" loo wa. Houg: lang" nyangnu" gi zoo: noem zeung: zi nghoid.

LUKA 13:34

Yerusalem we"- Yerusalem we"- Lapi: yi ri said pyam pyam koid: nyid da" voogung we"- Mangsoo nhang: kaid da" lagyoo: yi ri luggo' du" said said koid: da" voo we"- Gyo, zeing gi gyo, nu" joem ri nya: dung vhoo: khoug: moo zheing" kaid to" yhangti"- ngoo gi re" zoo: re" myid: yi ri nga" lo, yoem: khoug: moo zheing" kaid too" nau zi myoo" sho' lheing: nghoid bye. Nghoidloug we' nang koem: gi ngoori houg: su" akoid: nhang noug nghoid da.

LUKA 15:28

Mang: moo" gi nheig gye" gyo: yo: lho: yhoem: khoug: khyoo: avang loo. Houg: yoomo nya: phoo gi thu' re" lho: nyang: ri yhoem: khoug: khyoo: vang loo we' ga: re" jhu.

LUKA 19:27

Hau: tho' moo gootu: ngoo vhoeb khang" khyoo: ri anau kham: mo, nga" gyivoo joem ri hid: moo shu" lo lho: nga shid' mo said khyo pyam ge" ga: tid.

YOHAN 5:40

Nghoidloug we' nanu" gi apyaid' ato: kangso' yoo" sho' ga: nga" jhang khyoo: anau re" boem.

ACTS 13:45

Yuda byumyu" yi gi hau: mung" byu yi ri re" zheung: myang lang- nyangnu" gi myid yu" nau: boem yoomo-Polu kho" kyo" da" mungdang: ri ngeug pyam' boem lho: wigi nyang: ri aphoug" akhyoid ga: rue" da" dang: ri tid ago".

Roma 10:21

Nghoidloug we' - Israela byumyu" yi da khyoo: gi -Ngoo ri pyi: sho: gyi koid' lho: - nga" dang: ri atam" gyo: da" byumyu" ri - ngoo gi danyid" goin" lo fe: khye: nyid - ga: Mangsoo: tid da" khyoo: Esaia xo' tid to".

HEBRE 12:25

Nanu" gi hau: mungdang: tid kaid su: ri gi atam" gyoo: loo: za: ngeug pyam' khyoo: abui" baja" zed" nyid ge'. He: mougmyid tho' moo tid poin" tid kyeing" su: da" dang: ri shug gyo: lho: ngeug pyam nyid bang: gi yoobo dam mo yo" loid lo" boem wa zi anghoid- houg: yoomo ngoonu" gi moug: khung: khyo" tid kaid' su: ri nung thang phoug pyam boem nghoid rigi youg: noo yooboo mo ngoonu" loid loo" wa da" khyoo: gi aje boo loo.

HEBRE 9:15

Khyoo: he: khaid khyo" Mangso khe: yu zi shau" bang: gi Mangsoo nyang: dang: soo" khoin" byid: too" bye: da" apyaid' atoo: mo mainkaid jeju"- shau" kham: yu boem baja" ga: Khristu gi dang: thang" cab, aseig rinyheing byid: bye. Hougsu" kham: yu wa da" amyeing" akhang" ri yo" yu da" khyoo: gi xang: shed" mo da" dang: theing khoin" akhoug: moo nyid uri shoid vhang: lo" da" youg: noo yooboo mo khyoid lhoid kaid' wa shid re" shid: kham, khyoo: dakhaid bue" thu loo yoomo nghoid bye.

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.