MATHE 22:29 - Lacid Common Language Bible

²⁹ Yesu nyangnu" ri «nanu" gi jhoem: dang: yo" Mangso yoem: so' ri ase' gyo: boem. houg: su" nghoid yoomo myid shoid nyid abye: go.

MATHE 22:29 ပူးပေါင်းရင်းမြစ်များ

APOEM AYANG: 18:14

Aseing moo age bue" zi ci: jo, lha"- ngoo deing" deing tid zigi akhid" mo lhammoo" goug: khyab lang" ngoo doem tau" ri" wa. Sara gi yuggi zoo: dayug ri yoo" wa nghoid» ga: tid.

COUNG" NGHEI 17:15

Nghoid loug we' ngoo koem gi ce" yooboo we' ashoid yoomo nang ri shau" myang wa zi nghoid. Ngoo yhoeb so" re" uri nang nyid lang" wigi ngoo ri: gau yi khyoo: yo' byeung" loo nhang: wa zi nghoid.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

ESAIA 26:19

Ngoonu" byumyu" mo shid: bye: mo, gi doem dei loo wa. Nyangnu" manggung joem gi kangso doem bo loo wa. Nyangnu" loeb boug joem moo yhoeb jo, bang: dangain" gi boin: gyeing: to' re" wigi gau yi jikhoin" khoin" loo goo" wa. Nghain: joem gi myidgung ri jhu' nhang: ziyo' dayhang: ti" Aseing gi goonham' mo shid: jo, bang: ri doem dei loo nhang: wa.

YEREMIA 32:17

«Yoem: moo" bo Aseing we"- re" gyi: sheung: da" yoem: so' yo' yoem: moo" wigi mougkhung: yo' myidjang ri phain" so: to" da:. Re" shid re" ce: ja: we' gye yau: zi ajo, nghoid da:.

HOSEA 13:14

Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.

MATHE 22:28

Houg: ri shid: jang" mo doem dei lo da" bidnyid rigi hau: myiyi: gi khayoug yhoem: seing: myhi' nghoid wa lha". Khasu" wim gari he: da" myiyi: gi yug gi nyhed yug yo" zoem" yu" bye: su: nghoid» ga: myid: boem.

MARKU 12:24

Houg: lang" Yesu gi nyangnu" ri nanu" gi jhoem: mougsoug" yo' Mangso yoem: so' ri asi yoomo shoid vhang: nyid boem anghoid goo" rhe" ga: myed:.

LUKA 1:37

Mangsoo ayo" koid: da" moo" daja: we' aboo" ga: re" tid kyo.

YOHAN 20:9

(Yesu gi shid: jang" mo doem dei to'' loo" wa ga: da" jhoem: mungdang: ri houg: bang: akhid" ju" sho ase' gyo: boem shi.)

ACTS 26:8

Mangso wigi byu yi shid' re" dei to' loo nhang: ziri age loem" ga: he: khyi, moo nyid to" da" nanu" gi khasu" ein: jho: nyid go" la".

Roma 15:4

Jhoem: mungdang: moo lhid" to" da" khyoo dangain" gi - kham' zeing: yoem: vhoo" yo' nheugloem: geing: teing khyo" nyang: nya: nheig byu loem" jeung" khyoo: ri yo" yu wa shid' re" - ngoonu" ri jhau" mho' tid kyeing" to" da" mungdang: nghoid.

1Korinthians 15:34

Nheig boo ung: gyeung: da" khyoo: moo- doem boin: gyeung: loo loo: ge'. Nanu" koid nyid da" yooboo khyoo: ri she: pyam khoo, loo: ge'. Nanu" mo byu dayham" bang: gi Mangsoo ri asi' nghoid ago". Ngoo hidsu" ein: tid da" khyoo: gi nanu" ri sho' thu' nhang: wa shid re" nghoid.

PHILIPI 3:21

Nyang: gi jo, moo jo, ri nya: vhoo: moo yo" kaid' pyam da" phung" yoeb, yoem: moo" bo nyid ziyo' dakhyoo" ti"- ngoonu" da" shid: loo" se' gung du: joem ri thed' pyam' lho: nya: da" myonhoo: phung" yoeb bo gung du: yo' du goo" sho' aseig thid' byid: loo wa zi nghoid.