MATHE 22:16 - Lacid Common Language Bible

¹⁶ Houg: yoomo nyangnu" gi nyangnu" da" cangzoo: dayham" yo' Herod da" phung: mo mo' dayham" yo" dage" Yesu jhang khyoo zheung: nhang: kaid. Hau: lagyoo: yi gi «Sara: we"- nang gi deung main" su: nghoid wigi Mangso da" khyoo: ri deung: main" khyo" jhoug" byid: nyid ziyo' byu gootu: yi ciga: wa ziri nang gung ayou loo: za: byu myonhoo: ri we' akhyen: su: nghoid ziri ngoonu" se.

MATHE 22:16 ပူးပေါင်းရင်းမြစ်များ

1 KHOKHAM 22:14

Nghoid loug we' Mikhaia gi «Nyang: ngoo ri tid kyo" khyo" tid wa shid re" kangso' Aseing moo ngoo dangsoo" to" too" bye:» ga: tid.

COUNG" NGHEI 12:2

Byu dangain" mo, gi nyang: cang" myeung" khyo" mhoug go" nyid ago". Nyangnu" gi dayug yo' dayug- coung" myeung" khyo" mhoug go" nyid.

COUNG" NGHEI 5:9

Nga" gyivoo joem tid da" dang: ce: ja: ri we' khanham we' age loem". Nyangnu" gi lhu: phyo' pyam wa shid re" za: davho: ngei nyid boem ago". Nyangnu" tid sang: da" dang: thui: joem gi cau: main, ziyo' mhoid" coung" nyid boem nghoid loug we' hau: zigi gyoug ca" da" mhau' dang: khoin" joem yo' byeung" jo.

COUNG" NGHEI 55:21

Nya: da" nhoid khoin" thui: joem gi tho" baid tho moo: je jhoid nyid nghoid loug we' nya: nheigloem: ung: khoug: moo: gi ngheung" nyid. Nya: dang: gi shooxu: yhang: ti" yhui nyid loug we' tho' da" lhab' sham: yhang: ti" yham" phyed lo.

DANG: ZHOEM 29:5

Re" da" bidnoem yiri agoin: mhau, coung" byid: khyoo: gi nanya: shid re" nanyang: gyoin: du: nyid zi nghoid.

MALAKHI 2:6

Nyangnu" gi anghoid ziri atid loo: za: deingmain" khyoo: ri jhau" byid: bye:. Myenjham" ziyo' dain: da" nheigloem: khyoo" ngoo yo' dage" so" lho: age da" byu myoo" sho' ri nheigloem: phoug loo nhang: boem bye:.

MALAKHI 2:9

Houg: yoomo nanu" gi nga" da" khyoo: ri acang ziyo' tarha" dang: phyed uri myonhoo: khyen: boem yoomo byumyu" yi dangain" bang: da" shidkhoin" moo ngoo gi nanu" ri aphoug" akhyoid koid lho: phung youg nhang: pyam wa.

MATHE 22:24

Nyangnu" gi «sara: we"- Yuggi dayug gi zoo: aboo shi" ri shid: lo" ri nya: mang: da" cougmoo" myhi, ri nya: nhung" yug lo, doem xo' yu lho: yo" da" zooshang: gi nya: mang: yhoemkhung: xo' void zi nghoid ga: Moshe tid to.

MATHE 22:26

Nya: nhung" yi dayug bain dayug- nyhed yug ju" sho'- coug" koem: thang: ri zoo: abo zi te: shid: lo" boem.

MATHE 26:18

Yesu gi «voo khoug: khyoo vang lo" lho: byu dayug jang" moo yhe: wigi sara: tid kaid- nga" ayo, jhang loo bye: re" da" yhoem: moo led lo" pui" ri nga" cangzoo: yi yo" dage" zoo: wa ein: lo" tid ge'»› ga: tid kaid.

MATHE 26:49

Yuda gi kho" ga: Yesu jang" moo dain" yhe: lho: Yesu ri boobug boug lho: tid zigi «Sara: we" ngei pyo: nyid baja"» ga: tid.

MARKU 10:17

Yesu gi gyung: khyoo: moo doem so" lo" nyid uri byu dayug gi gei, re" lho: nya shid khoin" moo poid thug thoug wigi nyang ri ge da" sara we"- apyaid ato: kang: so' yo" yu wa shid' mo ngoo khasu" koid wa lha"» ga: myid:.

MARKU 12:13

Hau: thang: ri nyangnu" gi Yesu nya: khoin" thui: yoomo nyang: ri myheig wa shid re" Pharishe dayham" yo' Herod byu dayham" bang: ri Yesu jang" moo nhang: kaid ago".

MARKU 12:14

Nyangnu" gi re" lho: Sara we"- nang gi deungmain" ziyo' hang" ri we' myonhoo: akhyen: da" khyoo: ri ngoonu" se- khasu" wim ga: ri nang gi byu ri gei ayu" loo:- Mangso da" khyoo: ri deing" deing za: dajhoug" byid: nyid. Roma kho': sen" ri khang" dug ge kaid la". age kaid la". ngoo nu" ri tid kyoo" we'.

MARKU 3:6

Houg: lang" Pharishe" gitarha: jung mo thu' lho:-Yesu ruL yo" said pyam wa zi Herod da byu yi dayham" yo' houg: jang: nyang: byen, phyoo" lo" zain: go" nyid boem.

MARKU 8:15

Houg: lang" Yesu gi nyangnu" ri «Pharishe" bang: da" doo cid" yo' Herod doocid" ri lhed, lho: jang" pyam ge» ga: tid poin".

LUKA 20:21

Hau: da" jooyu" mo, gi Sara: we" nang kho" kyo" da" mungdang: joem gi deung main" nyid ziri ngoonu" se' Aseing: gi myonhoo: vhu" zung akhyen- nghoid da" main" da" ziyo' dakhyoo" ti"-byu xangsu: shid re" Mangsoo da" deungmain" khyoo: ri jhoug" byid ga: Yesu ri tid.

LUKA 7:40

Hau: uri Yesu gi hau yug ri «Simun we"- nang ri ngoo tid wa zi daja: bo» ga: tid. Simun gi «sara: we" tid we'» ga: tid.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 18:37

Pilaid khokham" gi houg: su" nghoid rigi ‹‹Nang gi khokham" nghoid la".» ga: myid. Aseing Yesu gi Ngoo gi nang tid ziyo' dakhyoo" ti"- khokham" nghoid. Ngoo gi deung main" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deungmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo.

YOHAN 7:18

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

2~KORINTHU 2:17

Nyhang" gi byu gootu: myoo" sho' bang: yhang: ti"- Mangso da" mungdang: ri ce: phoug" adab da" phaga" zi yhang: ti"- oung" khyoo: qei khyoo: ngoonu" akoid boem. Nghoid loug we' ngoonu" gi Mangsoo nhang: kaid mo, nghoid wigi Khristu da" deizoo: yi khyo" wigi Mangso da" shidkhoin" moo hau: mungdang: ri deungmain" gyeung: shang: da" nheigloem: yo' kho" kyo" boem zi nghoid.

2~KORINTHU 4:2

Nyhang" gi yhoem" too" zau" to"- nghoeb to" da" moozoo" asho, ashed" moo" dangain" ri ngoonu" jhoid she: pyam boem bye. Ngoonu: gi mhau' fain" khyo" akoid loo: za: Mangso da" mungdang: ri we' mhau' fain" vo- aphug alhoin" atid boem ngoonu" gi Mangso da" shid khoin" moo hau: deung main" da" khyo" bidbang moo kangso' yeug co: phyu: da" nheugloem: bo loo sho' zei: so' so" yen" boem.

2~KORINTHU 5:16

Hougsu" nghoid yoomo ngoonu" gi akhid" mo wigi hang" ri we' byu da" aklhyoo" laki khyo" cang lho: tarha" dang: phyed khyoo: akoid boem loo. Xang: shid" ayo, moo Khristu ri byu da" akhyoo" alai khyo" cang lho -soin: dang: phyed da" khyoo: koid lailo lboem bye. Nghoid loug we' akhid" hougsu" akoid lo: boem.

GALATI 1:10

Khasu" wim gari ngoo hid: su" tid nyid zigi byu yi wigi coung" byid: nghei byid: zi yo" yu wa shid re" koid nyid zi nhghoid la". Houg: su" we' anghoid o". Ngoo vho: ngei nyid da" khyoo: gi Mangso myid veung" vho: ngei da" khyoo: yo" yu wa shid re nghoid. Ngoo gi byu shid khoin" moo myeing fu" nheing" sho' ein: yoem: kaid la". ngoo houg: su" dakoid nyid nghoid rigi Khristu da" dei zoo ngoo nghoid wa zi anghoid..

GALATI 2:6

Myo, nhoo: yo" da" vhu" jhung: yi,, ein: soin: too" shau" bang: gi nyangnu" hang" nghoid boem zigi nga" shid' re" gi ce" yhaug: gyen: we' anghoid- Khasu" wim gari Mangsoo gi nghe: shoid' khyo myang lhoo za: dang: aphyed' ngoori phajhi" byid: da" khyoo: aseig ci" we' abyid: boem nghoid da.

TARHA" TID POIN" 33:9

Nyangnu" gi nang ri myhi' phoo yi mang: nhung" yi yo' zoo: yi tho' je wigi dang: zung" khyoo: ri ci: shug byid: ago". Nyangnu" gi re" amyeing" dang: joem ri tam" gyo: ago" Houg: lho: re" dang: theing ri jhug zug nyid ago".

1THESALONI 2:4

Hougsu" koid wa gung khoo:- ngoonu" gi Mangsoo tid nhang": ziyo' dakhyoo" ti"- khanham we' da tid nyid boem-khasu" wim gari Mangsoo gi-nanu" gi moin: yi" mo, nghoid bye: ziri soeb, myang bye: mo, nghoid yoomo hau" ngei bu: lu dang: kho" kyoo" wa shid mo loem, too" bye- ngoonu" gi byu yi vho: ngei boem wa khyo" yoem: kaid' nyid mo, anghoid- nanu" myid soin: da" khyoo: joem ri phoid: sho: pe: yu" se' da" Mangsoo ri vho: ngei nhang: wa shid re" yoem: dakaid' nyid boem.

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.