MATHE 21:5 - Lacid Common Language Bible

⁵ Hau: da" Lape: dang: gi «Zion voo zeing: ri tid kyoo" ge' Yu" ge' re" da" khokham" gi Nu" nham da" nheigloem: yo' loozei: zoo: dang: khung: moo zhoung: wigi Nghoidbye: loozei: nya: myhi' da" nya: zoo: dang: moo zhoung wigi Re" jhang juri" bye:» ga: tid to.

MATHE 21:5 ပူးပေါင်းရင်းမြစ်များ

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

2 SAMUELA 16:2

Khokham David gi nyang: ri «He: zi dangain" ziyo' nang cenoem yhe: koid wa lha"» ga: myid. Ziba gi «Loo zei: eig du: gi aseing: khokham da" ikoin deungkhu: byu yi zhung: wa shid re" nghoid- zooyho' yo' shi" gi byu yi zoo: wa shid re" nghoid wigi zabyid yhid: gi nyangnu" dain: pyoid moo myung: dau uri shug wa shid re" nghoid» ga: tid.

1 KHOKHAM 1:33

Nyang: gi nyangnu" ri «Nanu" yo' dage" nga" khokham vang" mo moo" voin bang: dangain" ri khe: shu" wigi nga" zoo: Sholumon riwe' nga" loo zei: moo zhung: nhang: lho: nyang: ri zhung: nhang: ziyo' Gihon gyid lang khyoo: yhi: we'.

1 KHOKHAM 10:26

Sholumon gi gyi myang: rheing" 1,400 yo' gyi myang: 12,000 bo da" gyidab daloem: ri koid to" da:. Hau: joem mo dayham" ri Yerusalem moo to" to" wigi deing da" gu: ri gootu: voomoo" joem cang nyhid: to" da:.

COUNG" NGHEI 9:14

Houg: lang" ngoo gi Yerusalem voo byu yi shidkhoin" moo yo" yab jo, lho: ngoo nang ri coung" nghei khyoo: dangain"- nyangnu" ri yo" tid kyoo" wa zi nghoid.

ESAIA 12:6

Ziun boem moo nyid da" byu yugkhang" moo" nyho: wigi jikhoin" khoin" we'. Israela da" gyeung" shang: da" Mangsoo gi gyi: sheung: da" su: nghoid da:. Houg: lho: nyang: gi nya: byumyu" yi agyoo: moo nyid da» ga: jikhoin" khoin" wa.

ESAIA 40:9

Yerusalem we"- myhang: da" boem tho' khyoo: do, lo" lho: lu dang: gi ri tid fu" we'. Ziun we"- thui: zeing yo' nyho: wigi Lu dang: gi ri tid fu" we'. Tid thu' we' agyug noo". Nyangnu" Mangsoo ju" re" nyid da" khyoo: ri Yuda voogung joem ri tid kyoo" we'.

ESAIA 62:11

Aseing gi mougmyid gyab goin" ri fu" byid: nyid. Hau: zigi «Nanu" ri khyoid yu wa shid re" Aseing ju" lo nyid bye:. Nyang: khyoid yu to" da" byu yiri nyang: yo' dage" shu" lo nyid da» ein: Yerusalem byu yiri tid kyoo" we'.

EZEKIEL 34:24

Ngoo Aseing gi nyangnu" da" Mangsoo nghoid wigi nga" da" dei zoo: David yo' du da" khokham dayug gi nyangnu" da" vhoebkhang" zoug: nghoid loo wa. Ngoo tid too" bye:.

EZEKIEL 37:24

Nga" da" dei zoo: David yhang: ti" da" khokham dayug gi nyangnu" da" khokham nghoid loo wa. Nyangnu" dangain" bang: gi vhoebkhang" zoug: dayug akhoug: moo zeing: foem: nyid lho: nga" da" tarha" joem ri jhug zug tung" tam" gyo: cang yhe: loo goo" wa.

HOSEA 1:7

Nghoid loug we' Yuda byumyu" yiri gi jheddab myid toin" shed byid: wa. Ngoo nyangnu" Aseing Mangsoo gi nyangnu" ri khyoid yu wa nghoid loug we' ngoo gi hau: ziri meing: zain: khyo" akoid wa. Shamcoin"- Lid:- myoo: khaid- myang: yo' myang: jui: bang: ri aci: wa» ga: tid da:.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

GYUNG: SOO" 24:19

Israela byumyu" yigi nyangnu" ri nang: pye" pyam wa. Houg: lho: nyid deing gyoo" bang: ri jhoid shoem" pyam wa» ga: pe.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

MATHE 2:2

«Khu: loo bye: da" Yuda khokham" gi kha: yoo: lha". Nya: da" kyi: ri bid thu' mung" moo ngoonu" shau" myang bye. Houg: yoomo nyang: ri noku wa ngoonu" ju" re" boem:» ga: re" tid ago".

MATHE 2:6

‹Yuda mung" mo nang Bedlehem we"- Yuda voogung yi tho' moo Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi nang mo thu' loo wa ga: wigi nyang: ri tid kyo" boem.›»

MATHE 21:6

cangzoo: eig yug gi thu' lo" lho: Aseing Yesu tid ziyo' dakhyoo" koid: ago".

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

2~KORINTHU 10:1

Nanu" da" shid khoin" moo sam" dab nu: nham wigi nheigloem: khyo' nyhoem: khyoo: toin" shid' wigi nanu" yo' we: gang: loo" lang" asho, agyug nheigloem: toin" shid" su: nghoid ga: juang" yi shau" su: ngoo Polu nyang:- nanu" ri mho' tid kaid.

TARHA" TID POIN" 17:16

Khokham phoo gi nya: da" gyidab shid re" myang: myoo: sho' du: age yoo" wa. Houg: lho: nya: mung" byu yiri myang: qei wa shid re" Egutu khyoo: ayo" nhang: kaid wa. Ciwim gari Aseing gi nya: byumyu" yiri hau: mung" khyoo: khanham we' age doem tau" yhi: ga: tid da:.

TARHA" AGYI 12:14

Nyang: gi loo zei: nyhed xi: du: ri zhung: boem da" nya: yuggi zoo: myid: xi: yo' nya: myid: zoo: yuggi zoo: soem" xi: yug yo" da:. Abdon gi Israela byumyu" yiri shed zain vhu" she: da:.

TARHA" AGYI 5:10

Loo zei: phyu: joem dang moo ju: mo, Doo: dang moo zhung: mo, Khyid: khyo" soo" ca" mo, nanu" we" hau: khyoo: ri tid ge'.