MATHE 21:31 - Lacid Common Language Bible

³¹ Nghoidloug we' ayhi: loo: za: nyid nyid zooshang: eig yug mo khayug gi nya: phoo vho: da" khyoo: ri koid: lha"» ga: myid: yu" nyangnu" gi «Mang: mo" yug nghoid» ga: phoid: boem. Yesu gi «nanu" ri ngoo tid ba"- kheing" khyu: zoo: mo, yo" shava myiyi: yi gi nanu" da" shid moo Mangso mungdain: khyoo vang lo" nyid boem bye.

MATHE 21:31 ပူးပေါင်းရင်းမြစ်များ

YOBA 15:6

Ngo wigi nang ri yooboo zhug aca" nghoid da:. Nanyang: tid da" dang khoin" khang" moo" wigi nanyang: dang: phyed yu abye:.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

MATHE 12:50

Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

MATHE 20:16

Houg: yoomo thang: moo nyid su: gi «xang: shid" moo nyid su: bui" wa. Xang: shid" moo nyid su: gi gam, thang: gyoo" su: nghoid wa» ga: wigi Yesu tid.

MATHE 21:30

Nya: phoo gi zoo: thang jang" moo doem yhe: lho: ‹Nga" zoo: we" akhid" nyid" zabyid khyam: moo moo" yhe: zei: we'› ga: tid. Nya: zoo: thang gi ‹gi bye: nga" phoo we" ngoo yhi: wam: bye:› ga: tid.

MATHE 5:18

Nanu" ri ngoo deung" deung tid ba- Mougkhung: yo' myidjang: abyo, loo" shi" ri hau: zi abui" bui" gi hau: toung: to" da" Tarha" mo dang: myhi' dakhoin" yo' dang: khyoo: dakhoin" we' yo" led loo" wa zi anghoid.

MATHE 5:46

Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la".

MATHE 6:5

«Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.

MATHE 7:21

«Ngoo ri ‹Aseing we"- Aseing we"› ga: mho' mo, dangain"- Mougkhung: mungdain: moo yo" vang loo" wa zi anghoid. Mougkhung: tho' moo nyid da" nga" pho, nheigloem: yo" cang su: za: dayo" vang loo" wa.

MATHE 9:9

Yesu gi hau: joyoo mo doem so" lo" ri kheing" khyu: yhoem: moo zhoung: jo, da" Mathe ga: su: ri nyang: shau" myang lang" «nga" thang: cang loo we'» ga: nyang: ri tid. Houg: lang" nyang: to' wigi nya: thang: moo cang lo.

LUKA 15:10

Houg: yo' dakhyoo" ti"- ngoo tid da" zigi yooboo yoo" su: dayug yug- nheigloem: thid lo ri Mangso da" moug: lagyoo: yi gi gye gau yi nyid.

LUKA 19:22

Nyang: gi nyang: ri tid zigi-akhyeing" da" join gang:- nanya: nhoid mo thu' dang: yo" nang ri dang: phyed wa. Ngoo gi gye thain: su: nghoid yoomo aseing: ziri shoem" yu se' zi we' asho" jang" mo lhoung shab yu ziri we' nang se.

LUKA 7:29

Kheing" khyu: zoo: mo, yo" dage" byu phung: moo" yi gi Yesu da" mungdang: ri shaug" gyoo: lang" Mangso da" deingmain" khyoo: ri coung" nghei byid: boem ago". Khasu" wim gari nyangnu" gi Yohan jang" mo Babtisma ri kham: yu mo, nghoid yoomo nghoid bye.

YOHAN 3:3

Yesu gi ‹‹Ngoo nang ri deing" deing tid ba- eig lheing: khu: ziri akham: yu su: hang" we' Mangso Mungdain: shau" myang wa zi anghoid » ga: tid.

YOHAN 3:5

Yesu phougtu" zigi ‹‹ngoo nang ri deing" deing tid kyoo" ba- gyid yo" Venyi: khyo" akhu: loo su: hang" nghoid loug we' Mangso da" Mungdain: moo ayo" vang.

ACTS 17:30

Mangsoo gi xangsu: byu yi nyang: ri asi loo: nyid lid: lo da" ayo, akhyeing: ri yu" lhai: kaid' bye- nghoid loug we' akhid" gi khyi khang" moo" mo xangsu: byu dangain" ri nyangnu" da" akhyeing" ashoeb, da" moozoo" dangain" jang" mo nheigloem: thed' lheung: loo wa shid re" amyeing" byid: kaid' bye.

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

Roma 5:20

Shoid' vhang: moozoo" je myo: loo wa shid' re" Moshe tarha" gi ju" vang loo bye. Nghoidloug we' yooboo myo: lo joyoo mo Mangso: jeju" gi je myo: loo bye.

2PETRU 3:9

Byu dayham: bang: myed ziyo' dakhyoo" ti"- Mangsoo gi nyang: dang: soo" khoin" byid: too": bye: ziri cang" zei: pyeung wa shid re" ayo' ri lang" lho: nhe" nyid zi anghoid. Nghoid sho' loug we' byu xangsu: dangain" mo, youg: noo yooboo mo lheung: lo wigi hang" we' byo, yoin" lo" zi ashaoug" baja" ga: nyang: vho: nyid yoomo nyang: nanu" tho' moo gyi: sheung: da" nheug loem: toin: shed; nyid.