MATHE 20:8 - Lacid Common Language Bible

⁸ «Myenthang: ju" lang" hau: khyam: seing: gi moo" shu" vhu" shi: su: ri ‹moo" zei: mo, ri khe: zheung" lho: moo vang thang mo, mo wigi vang shid" bang: moo ju" sho' vhoo" kung: phoug" thug byid: we'› ga: tid.

MATHE 20:8 ပူးပေါင်းရင်းမြစ်များ

APOEM AYANG: 15:2

Nghoid loug we' Abram gi «Yoem: so' bo da" Aseing khayhi' gyeing" ge da" jhungshug ngoo ri byid: loug akhid" ju" sho' ngoo zooshang: ayoo" shi"- nga" mid gi Damasku mo Eliaza ga: su: danghoid nyid.

APOEM AYANG: 43:19

Houg: yoomo yhoem: khoem" duang: moo ju" lang" nyangnu" gi dei zoo: phoo ri

XOIN" NGEI" 19:13

Dayug yug ri afain" zoo: goo". Anghoid lang" nya: jonu" ri alhoid yu goo". Nang vhoo" kung: lhung: to" yug da" vhoo" kung: phoug" ri azei zeing ci:. Damyen koo: we' azei zeing ci:.

MATHE 20:7

Houg: bang: gi ‹ngoonu" ri hang" we alhung: yoomo nghoid› ga: tid boem. Houg: lang" khyam: seing: gi ‹nanu" we' nga" zabyid khyam: moo moo" yhe: zei: ge'› ga: tid kaid.

MATHE 20:9

Houg: lang" vhu" shi: su: gi myenthang: wim: nayi: ri vang zei: mo, gi ngei phyu: dakyab kyab yo" yu boem bye.

MATHE 25:19

«Akhyeing: ayo, shang" yhen" zoo: myang" lo" thang: ri hau: deizoo: yi da" yhoem: seing: gi doem ju" lo wigi nyangnu" yo" zhayen" sho' go" boem.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

LUKA 10:7

Nanu" gi hau: yhoem: moo nyid lho: yhoem: seing: mi" doo" zho" gu: ri zo: shug ge'. Khasu" wim ga: ri dei zoo: gi nya: vhu" kung: phoug" kham: zo: moin: yoomo nghoid. Yhoem: dayhoem: mo gootu: dayhoem: khyoo: athoid yhi: goo.

LUKA 12:42

Yesu gi dang: zung" lho: phajhi" se' da" dei zoo: gi hang" nghoid la". Yhoem: seing: gi dei zoo: yi ri vhoeb khang" wa shid' re" yo"- ayo, ju" lang" vhu" kung: phoug" thug byid: wa shid' re" vhu" jhung: dayug nyeing to" ein: shang.

LUKA 8:3

Herod khokham" da" yhoem: vhoeb khang" da" zoug: moo"- Kutha da" yhoem: seing: myhi'- Yohana- Susanna yo" myiyi: gootu: myoo" sho' mo, gi nyang: nya: joyoo jang: moo Aseing Yesu yo' nya: cangzoo: yi ri ca" moo ca" bo pang" thoug ago".

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

TARHA" TID POIN" 24:15

Nyid" khang" nyid" bid avang shi" ri nyang: ri hau: nyid" shid re" vhoo" kung: phoug" shang" we'. Nyang: gi ngei ca" wigi hau: ziri shoug" yu wa myid nyid gu nghoid. Nang nyang: ri abyid: nghoid rigi nyang: gi Aseing jang" khyoo: nang ri thougtheung khyo" nyho: wigi nang gi yooboo yoo" wa nghoid.

TITU 1:7

Khasu" wim ga: ri phung vhoeb phoo gi Mangso moozoo" ri yoovoin yu lho: wigi voinvu, nyid su: nghoid yoomo yooboo aboo su: dage koid. Nyang: gi nheigloem: myhang: su:- nheig yo: phoin: su:- yhid" shug noug su:- myeing" myoo: yhoo: shi: su:- dang: nug nu: su: age nghoid ngi ri myo, no, vhoo: boo su: we' age koid.

HEBRE 9:28

Houg: yo' dakhyoo" ti"- Khristu we' byu yi myoo" sho' mo, da" youg: noo yooboo joem ri pyaid didu shid' re" dalheing: dam, bain sho' nya: gung du: ri xoin" du: koid lho: to' ngei' byid: pyam bye. Yooboo ri bo voin, pyam byid: wa khyoo: yo' asen: loo: za: nyang: ri dalang" nyid mo, ri khyoid yu wa shid re" eig lheing: ein: lheing: moo doem, thu' myang loo wa zi nghoid nyid.

1PETERU 4:10

Dangain" bang: gi venyi jhung: shug dayug daja: yo" kham: yu bang: za: nghoid nyid. Nanu" gi Mangso da" mainkaid jhung: shug aja: ja: ri zoem: ci: se' da" zi jung su: yhang: ti"- nyang: nya: shau' kham: yu bye: da"{ jeju" ri byu gooje akyu shid' re" we' bo ci: yhoung nyid ge'.

RUTHA 2:6

Lagung" phoo gi «Moba mung" mo Naomi jang" moo bo cang lo da" tungbau myiyi: zoo: nghoid» ga: tid kyo".