MATHE 20:34 - Lacid Common Language Bible

³⁴ Aseing Yesu gi nyangnu" ri nheig yu khyeig yoomo nyangnu" da" myojid" moo lo, wigi zheung: tain" byid: lang" dalheing: dam nya: eig yug myo, doem myang lo lho: Yesu thang: moo jha" cang lo" ago".

MATHE 20:34 ပူးပေါင်းရင်းမြစ်များ

COUNG" NGHEI 119:67

Nang ngoo ri ashen" yhen shi" rilang"- ngoo gi khyo: vhang: loo" loo" da wim, nyid nghoid loug we' akhid" koem gi re" dang: ri ngoo tam" gyo: nyid.

COUNG" NGHEI 119:71

Ngoo thoung" shoug" zo: ca" shen" yhen khyoo: gi nga" shid re" gye" ge zi nghoid. Khasu" wim gari hau: zigi: ngoo ri re" amyeing" tarha" dang: joem ri jhau" yu nhang: nyid.

COUNG" NGHEI 145:8

Aseing gi jheddab ziyo' nheig se' khyeug su: nghoid yoomo nyang: gi nheig khoo" yo: khyoo: ri yo" kham: zeung: ziyo' athang agoin jheddab myid yo' byeung" jo.

MATHE 14:14

Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.

MATHE 15:32

Hau: uri Yesu gi nya: cangzoo: yi ri khe: yu lho: «He: da" mung" byu yi gi ngoo yo" soem" nyid" nyang: nyid bye. Nyang: nu" zoonoem ayoo" loo: yoomo nyangnu" ri ngoo nheig khyeig. Khyoo: moo zooyoid so" shang" loo" zi ci' yoomo zoo: noem azhoo" loo: anau nhang: kaid.»

MATHE 20:33

Nya: eig yug gi «Aseing we"- ngoonu" ri myo, myang nhang: we' o"» ga: mho' ago".

MATHE 21:1

Aseing yo" cangzoo: yi gi Yerusalem voo moo jhang lo boem ri Zhainlun boem mo Bedphage voo moo ju" lo" boem.

MATHE 8:15

Nya: da" lo, moo tain" byid: lang" nuyoem" bei: ge lo" wigi nyang: gi Aseing ri zoonoem to' moo" zho.

MATHE 9:29

Houg: su" wigi nya: eig youg da" myojid" moo tain" byid: lho: «re" eig yug loem" jeung" nyid ziyo' dakhyoo" ti"- bue" loo" baja"» ga: tid.

MATHE 9:36

Hau: da" mung" byu phung: moo" ri nyang: myang lang" nyang: houg: bang: ri nheig yu" myen:- Khasu" wim gari nyangnu" gi yang zung" su: aboo wigi byug yoin" byo, lan lo" da" yang phung: yhangti"- myid myoo: ung: loug nyid boem ziri nyang: myang.

MARKU 7:33

Houg: lang" Yesu gi mo, phung: mo nyang: ri za: gootu: dajhoin: khyoo: shu" thu lo" wigi hau: youg nukhyung: khyoug: moo nya: lo, nyhoug: thau" kaid byid: lho: nya: yhoo: moo lo, nyoug" moo shikaim" teug wigi thoug" byid:.

LUKA 18:43

Houg: jang: nyang: myo, myang lo lho: Mangso da" jeju" ri coung" zoore" Yesu da" thang: moo cang lo. Hau: da" khyoo: ri myang da" byu phung: yi: gi Mangso da" jeju" ri dangain" mo, coung" nghei nyid boem.

LUKA 22:51

Houg: lang" nga: gi gi" bye: ga: tid. Yesu da" lo, wigi hau: byu da" nukhyab doem koid: tab byid: ri houg: jang: doem ge lo.

LUKA 7:13

Aseing: gi hau: myiyi: myhi, ri myang lang" nheig yu" khyeig yoomo angoug ga: nyang: ri tid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

HEBRE 2:17

Hougsu" nghoid yoomo nyang: gi byu yi da" yooboo ri yo" khyoid pyam byid: wa shid re" nheig se' khyeug deung byeung" da" khainjung moo" bue" lo khyo" Mangsoo moozoo" ri yo" voin, vu, baja"- khyoo: khaid zoo: khang" moo" moo Nya: mang: nya: nhung" yi thoung" shau" zo: nyid da" khyoo: ri nyangnu" yo' dage" bo shau" kham zoo: bye.

1PETERU 3:8

Lo" thang moo tid shed' nau da" khyoo: gi nanu" gi e" myed, nheigloem: daloem: za: dabo nyid ge'- dayug yo' dayug nheig khyeig shoo" myen: go" nyid ge'. dayug yo' dayug gi mang: kang nhung" kang yi yhang: ti" jheddab go" nyid ge'. nheig se' khyeug da" nheigloem: bo nyid ge'. khyo, nyhoem: ziyo' zoem" khau: nyid ge'.