MATHE 20:26 - Lacid Common Language Bible

²⁶ Nyangnu" nyang: cang" da" gyoo: mo gi houg: su" anghoid. Nanu" moo gyi: thang su: bui" nau rigi nanu" da" dei zoo: bui" ca.

MATHE 20:26 ပူးပေါင်းရင်းမြစ်များ

EZEKIEL 24:13

Yerusalem we"- re" akhyeing" ashoeb lo, moo" gi nang ri ayung" alho' bui" nhang: bye:. Ngoo gi nang gyeung" shang: sho' yoem: kaid nghoid loug we' nang gi ayung" alho' za: bue" jo, da:. Nang gi nga" da" nheig yo: yoem: so' ri gyi: sho' ashau" loem zoo: rigi nang doem yo" gyeung" shang: wa zi anghoid.

MATHE 20:27

Nanu" moo vhu" jhung: bui" noug su: gi nanu" da deizoo:, bui" ca.

MATHE 25:44

Houg: lang" houg: bang: gi ‹Aseing we"- Aseing zooyoid nyid zi gyid shid yen" ziri being" voo bue" yen" ziyo'- byimi avoid loo: nyid yen" ziri no, nyid da" ziyo'- thung: loung" jo, da" khyoo: ri ngoonu" khanham myang lho: wigi Aseing ri acoung: agoin loo: nyid boem lha"› ga: wigi phougtu" boem.

MATHE 27:55

Hau: joyoo mo vi" vi: moo yab jo, lho: yu" nyid da" myiyi: yi myoo" sho' mo, gi Galile mung" moo Yesu thang: cang lho: pang" thoug yu" da" myiyi: yi nghoid boem.

MARKU 10:43

Nghoidloug we-nanu" gyoo: moo koem gi hougsu" age nghoid- nanu" mo je gyi: nougsu: hang" nghoid loug we' nyang: gi dangain" mo, deizoo: koid' ca"-

MARKU 10:45

Khasu" wim ga: ri byu nya: zoo: lang" ri subi" ri join, zoo: wa shid' mo ju" re" zi anghoid- subi" ri bo pang zei: wa ziyo' byu myoo" sho' khyoid' yu wa shid re" nya: kang: so' ri byid: pyam wa ga: ju" re" zi nghoid- ga: tid.

MARKU 9:35

Houg: lang" Yesu gi zhoung: jo, lho: cangzoo: daxe: eig yug ri khe: yu wigi nyangnu" ri tid zi gi shid' moo nyid noug su: gi dangain" mo, thang: moo nyid da" hau" lho: dangain" mo, da" dei zoo: ca"- ga: tid.

LUKA 18:14

Ngoo nanu" ri tid wa Yesu tid zigi kheing" khyu: zoo: su: gi Mangso da" shid' khoin" moo deung main" su: dayug khyo" yhoem: khyoo: doem yo" tau" lo. Pharishe phoo gi houg: su" anghoid. Khasu" wim gari hang" we' nyang: nya: da" gung ri coung" byid: mo, gi doin: khyo, pyam zi shau" lho: hang" we' nyang: nya: da" gung ri khyo nyhoem: mo, gi tu: to' kaid zi shau" wa nghoid.

LUKA 22:26

Nghoid loug we' nanu" nyang: cang" nyang: moo koem gi houg: su" abui" nhang: goo. Nanu" mo gyi: thang su: gi je nge thang su: yhangti" bui" ca. Vhu" jhung: bui: noug mo, gi dei: zoo: lo, nyab, yhang: ti" koid bui" ca.

YOHAN 18:36

Aseing Yesu tid zigi Nga" mungdain: gi he: mougmyid yo" asen: nghoid rigi ngoo gi Yuda byumyu" da" lo, moo avang loo" sho' nga" da" cangzoo: yi gi Meing: zain wa zi nghoid. Nga" da" mungdain gyeing" gi he: mougmyid yo" asen: ga: wigi tid.

ACTS 13:5

Nya: eig yug gi Salami voo moo ju" loo" lang" tarha" jung moo Mangso mungdang: ri kho" kyo" ago". Nya: eig yug ri bo pang" thoug wa shid mo Yohan Marku ri we' bo, shu" yhe: ago".

2~KORINTHU 1:24

Nanu" ce" ja: ri loem" jeung" boem ca" ein: wigi ngoonu" amyeung" byid: to" zi anghoid. Nanu" geung: geung: teung teung hau: loem" jeung" khyoo: moo yab jo, boem bye: ziri ngoonu" se' boem bye. Ngoonu" gi nanu" da" ngei pyo: gau yi da" khyoo: joem ri she, -nanu" yo' dage" moozo" ri coem voin vu, nyid zi nghoid nyid.

2 TIMOTHI 1:18

Aseing: gi nyang: ri hau: tarha" dang: phyed' da" bidnyid moo nheig khyeug khyoo: byid: baja"- Ephesu voogung moo nyang: gi ngoori khayhi' pang" thoug bye: khyoo: ri nanyang: goo" lhoo: si' bye.

PHILIMON 1:13

hau: ngeibu: ludang: yoomo thung: loung" jang" moo nyang: gi re" da" shid re" ngoori pang" thoug dei byid: wa shid re" nyang: ri he: jang" moo ngoo shu" nyid nau.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

1PETERU 4:11

Kho" kyo" nyid su: hang" we' Mangso da" mungdang: ri kho" kyo" nyid ca"- sube" dei zoo: koid nyid su: gi Mangsoo byid: to" da" yoem: so' yo' dakhyoo" ti"- deizoo: koid nyid ge'- houg: su" nghoid lang" she' zei: so' da" moo" zoo' dangain" jang" moo Aseing Yesu Khristu khyo" wigi phoo Mangsoo ge' wi coung" nghei tu: to' kaid' zi shau" wa nghoid. Yesu Khristu moo myonhoo: phung yoeb, bug thu' sheing" jhu" khyoo: gi pyaid didu moo dabo jo, baja" o" - Amen.

1PETERU 5:3

Nanu" ri ab, byid: to" da" phung: ri seing: zoo: nau myid' khyo" akoid goo"- hau: yang phung: yi da" shid' khoin" moo yu" yu ge, da" khoo" shid: ri toin" shid' nyid ge'.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.