MATHE 20:22 - Lacid Common Language Bible

²² Yesu gi «nanu" ce: noem mho' nyid zi nanu" nyang: asi nghoid ago". Ngoo shau" wa da" kyi" khyeug goem ri nanu" yo" shug wa go" la"» ga: wigi myid: nyangnu" gi «ngoonu" yo" shug wa» ga: phoug tu".

MATHE 20:22 ပူးပေါင်းရင်းမြစ်များ

COUNG" NGHEI 75:3

Mougmyid yoosoo" yo' hougmoo: nyid da" dei noem loeb noem dangain" nain" nyid nghoid loug we' hau: da" apoem: ayang: ri ngoo geung: teing nhang: wa nghoid.

DANG: ZHOEM 16:18

Nghoid boin: da" khyoo: gi byo, yoin" da" khyoo: khyoo: shu" lo" lho nghoid thui: gyo: da" khyoo: gi byo, yoin" lo" da" khyoo: nghoid.

ESAIA 51:17

Yerusalem we"- boin: to' loo we'. Nanya: gung ri nhoug" lho: too' we'. Nang ri shug wa byid: da" Aseing nya: nheig yo: da" Yooboo dam byid: khu ri nang shug abye:. Nang hau ziri shug khyo' kaid lho: apyi: akam" so" leung yen" nhang: bye:.

ESAIA 51:22

Nanu" Aseing Mangsoo gi nanu" ri goem loem byid: wigi «Ngoo nheig yo: wigi nanu" ri byid: to" da" khu ri ngoo yu pyam nyid bye:. Nanu" ri apyi: akam" bui" nhang: da" zabyid yhid: ri nanu" ashug ca" loo: wa.

YEREMIA 49:12

«Yooboo dam byid: zi ashau" eung: da" bang: lang" yooboo dam byid: da" koem: ri shug ca" ago". Yooboo dam ashau" lho: nanu" loid wa ein: jhoo: go" rhe". Anghoid- hau: koem: mo nanu" shug ca" da:.

MATHE 26:35

Petru gi «ngoo gi Aseing yo" dage" bo shid: ca" nghoid loug Aseing ri asi ein: ngoo tid zi anghoid» ga: tid. Gootu: cangzoo: yi we' houg: su" zheung: bo tid boem ago".

MATHE 26:39

Hau: thang: ri shed khyoo dajhi' jhen" yhe: lho: myidjang: moo goeb' mhoug to" wigi «O nga" pho Mangsoo we"- ge, bue" nghoid yoo: gi he: kyi" khyeug da" goem ri nga" jang" mo yo" led lo" rigi led' loo" nhang: we' nghoid loug we' ngoo vho: khyo" anghoid. Nang vho: khyo" nghoid baja"» ga: akyu" mho' nyid.

MATHE 26:42

Houg: mo Yesu gi da lheing: doem yhe: lho: «nga" phoo we" he: kyi" khyeug da" goem ri ngoo mo ayo" lhed: kaid lang" gi nang vho: khyo" za: nghoid baja"» ga: akyu" doem mho' nyid.

MATHE 26:56

Nghoidloug we' he: moo" dangain" bue" loo zigi jhoem: pug moo lapi: yi lhid" to" ziyo' dakhyoo ti" deing byeung" loo wa shid re" bue" lo zi nghoid» ga: tid. Hau: uri nyang: nya: cangzoo: yi dangain" mo, myeung: too" khare" lho: phang: sain" lo" byug boem bye.

MARKU 14:36

Nga"- phoo we"-nang gi dangain" ri yo" ze" bui" su: nghoid nyid-houg: yoomo hid: yaukhe" kyi" khyeug da" goem ri nga" jang" mo yu pyam byid we-nghoid loug we' ngoo vho: khyo" anghoid nang vho: khyo" za" nghoid baja"-ga: akyu" mho' nyid.

LUKA 12:50

Ngoo kham: yu wa Babtisma daloem: jo,- hau: moo" abain zei: zei: gi ngoo nheigloem: amyen.

LUKA 22:42

O"- nga" phoo we"- nang nau nghoid rigi he: da: shen" yhen kyi" khyeug da" goem ri nga" jang" mo ve, pyam byid: we'. Nghoidloug we' ngoo vho: khyo" anghoid nang myid: vho: khyo" za: bue" loo baja".

YOHAN 18:11

Aseing Yesu Petru ri tid zigi sham: ri sham: byang moo doem xang too" we'. Nga" Phoo gi ngoori shug nhang: da" kyi" khyeug goem ri ngoo ashug wa ein: nang soin: rhe"

Roma 8:26

Dalheing: dam nyang: young" gyeing" venyi gi yoem: neing: nyid da ngoonu" ri pang" thoug wa shid' re" gyoo" lo zi nghoid. ngoonu" gi akyu" khasu" mho' wa zi ase' boem yoomo nghoid: wigi ayo" tid kyo" da" kyiyang myeing: da" khyoo: ri venyi nya: gung du nyang: Ngoonu" da" shid' re" Mangso: jhang bo pang" mho' byid: nyid.

YAKU 4:3

Nanu" gi mho' nghoid loug we' ashau" yu nghoid ago- Khasu" wim gari nanu" da" myid soin: khyoo: agi nghoid ago- nanu" gi nyang: tu: nya: da" gung du: pyoo: wa da" khyoo: za: damho, nyid ago".