MATHE 20:14 - Lacid Common Language Bible

¹⁴ Nang yu eung: gu: dayu loo" we' moo" vang thang: gyoo" su: ri we' nang ri byid: ziyo' dakhyoo" ti" byid: wa zi ngoo vho: nyid.

MATHE 20:14 ပူးပေါင်းရင်းမြစ်များ

2 KHOKHAM 10:16

«Ngoo yo' dage" re" wigi ngoo Aseing ri khayhi' noku coung" su: nghoid ziri nang nyang: re" yu" we'» ga: tid da:. Houg: lho: nya: eig yug dage" Samari khyoo: yhe: lo" ago".

MATHE 20:13

Khyam: seing: gi nyangnu" mo dayug ri ‹bidnoem phoo we"- ngoo nang ri mhoug zo: zi anghoid. Nang yo' ngoo dakyab byid: wa ein: sham go" veing" too" bye anghoid la".

MATHE 20:15

Nga" ngei ri ngoo vho: khyo" age ci: yhung: rhe" Ngoo gi koid: ziri nang no" zo: da" nheigloem: bo rhe"»› ga: myid:.

MATHE 6:16

«Nanu" zoo: noem zeung: nyid nghoid rigi ayid void ci: da" byu yi yhangti"- nanu" myonhoo: ashoo: goo" sube" shid khoin" moo nyangnu" zoo: noem yo" zeung: zi myang baja" ga: nyangnu" gi nyang nya: da" myonhoo: ri mhau: shoem nhang: ago". Houg: yoomo yoo" eung: da" akyu" ri nyangnu" yo" yu boem bye.

MATHE 6:2

«Nang alu: kaid nghoid rigi Subi" coung" byid: zi yo" yu baja" ein:- tarha" jung joem mo:- khyoo: kang" nooyoo moo we' ayid void da" byu yi yhangti"- re" shid khoin" moo laboo" amoid nhang. Nanu" ri ngoo jhug jhug tid zi gi houg: su" koid: mo, gi nyang: nya: aphoug" ri yo" yu boem bye.

MATHE 6:6

Nang akyu" mho' nghoid rigi re" da" khoug: lhung yab khyoo vang lo" lho: khoem" ri we' myhed" pyam' wigi hang" we' amyang da" joyoo moo re" phoo ri mho' we' hang" we' amyang da" joyoo ri yo" myang da" re" phoo gi nang mho' ziri byid: wa zi nghoid.

LUKA 15:31

Nya: phoo doem tid zigi nga" zoo: we"- nang gi ngoo yo" khanham we' dage" da nyid nyid. Ngoo yo" zi dangain" gi re" zi kyeing" nghoid bye.

LUKA 16:25

Nghoidsho' loug- Abraham gi nga" zoo: we"- nang dei nyid shi" uri nyid di nyid ge shau" void shau" zo: da" khyoo: ri we' Lazaru gi sho" jhen: jamjau kham: kho" da" khyoo: ri we' myid boin: re. Akhid" koem nyang: gi myenjham" ngei pyoo: khyoo: shau" kham: zo: wigi nang koem gi kyi" khyeug shau" nyid bye.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

Roma 3:4

Gyeing" ga: rigi houg: su" ayo" tid. Byu yug khang" moo" mhoug nghoid loug we' - Mangsoo: gi deingmain" wa zi nghoid. Jhoem: mungdang: moo- nang tid to" dang: gi deing byeung" loo wa. Tarha" dang: phyed nyid" ri nang za: oung: loo" wa.- ga: lhid" to" ziyo' dakhyoo" ti" nghoid.