MATHE 2:5 - Lacid Common Language Bible

⁵ Nyangnu" nyang: tid da" zigi «Yuda mung" mo Bedlehem voogung moo khu: loo wa nghoid» ga: tid kyo" boem. Khasu" wim gari «lapi: yi da" lo, yo' hid: su" ga: lhid" to".

MATHE 2:5 ပူးပေါင်းရင်းမြစ်များ

APOEM AYANG: 35:19

Rakhela shid: byug lang" Nyang: ri akhid" Bedlehem ga: da" joyoo Ephrad khyoo: yhe: lo" da" khyoo: nam moo myhoeb pyam bye:.

MATHE 2:1

Akhid" Herod khokham" da" pyaid moo Yuda mung" mo Bedlehem voogung moo Yesu bain khu: lo thang: ri yu" ge' bid thu' mung" mo phajhi" bo da" byu yi gi Yerusalem voogung moo zheung: ju" re" boem wigi

MATHE 2:4

Hau: byumyu" da" khainjung moo" yi yo' Tarha" sara: yi dangain" ri khe: zheung" to" lho: «Khristu ri khayoo: khu: to" boem wa lha"» Ga: nyangnu" ri myid: yu" da.

YOHAN 7:42

Meshia gi David da" nya: myid nya: zoo: nghoid ca" ga: wigi we' David nyid khare" da" Bedlehem mo po" thu' loo wa ga: wigi we' Jhoem: dang: moo bo ga: wigi we' tid go" nyid boem da.

YOSHU 19:15

Hougmoo: Katad- Nahala- Shimron- Idala- yo' Bedlehem voomoo" joem nghoid. Hau: joem dangain" gi daxe: eig loem: nghoid wigi hau: aqei: ayam mo voogung joem we' bo da:.

TARHA" AGYI 17:7

Hau: ayo, moo Yuda mung" mo Bedlehem voogung moo Levi zoolu: dayug nyid da:.

RUTHA 1:1

Goonham' Israela mung" moo khokham ga: zi anyid shi" ri phang" khoug gyo" lo. Yuda mung" mo Bedlehem voobyu Ephrad byukung: moo bo da" Elimeleg gi nya: yhoem: seing: myhi' Naomi yo' nya: yug gi zoo: tang: Malon yo' Khilion ri shu" lho: wigi Moba mung" moo yhe: nyid wa shid re" zug byung: lo" ago". Nyangnu" gi houg: moo yhe: nyid nyid da" ayo, moo

RUTHA 1:19

Hougsu" nya: nid tang: gi Bedlehem moo ju" sho' lo" abye: go". Bedlehem voogung moo ju" vang lo" ri nya: nid tang: yoomo voogung goin" su" lu: fu: go" lo. «He: zigi Naomi nyang: deing" deing nghoid la"» ga: houg: mo myhi' zeing yi lhoem: tid lang" ago".

RUTHA 2:4

Houg: lang" Bua gi Bedlehem: voogung khyo" ju" re" wigi gug yham" bang: ri re" shau" da:. «Aseing gi nanu" yo' dage" danyid nyid baja" o"» ga: tid da:. Nyangnu" we' «Aseing gi nang ri mainkaid byid: baja" o"» ga: doem tid boem.

RUTHA 4:11

Hau: khoem" duang: moo bo zhung: jo, da" mung" byu yi yo' zoug: ludaid yi dangain" bang: we' «Ngoonu" gi sagse: nghoid boem bye:. Re" yhoem: moo thu lo da" re" yhoem: seing: myhi' gi Yaku ri zooshang: myoo" sho' khu: byid: da" myiyi: Rakhela yo' Lea yhang: ti" bue" jo, sho' Aseing wigi soin' byid: zi nghoid bye:. Nang we' he: da" Ephrad moo yoo" zo: yoo" shug lo wigi Bedlehem: moo myonhoo: ngilang: bugthu sheing" jhu" loo baja" o".

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.