MATHE 2:4 - Lacid Common Language Bible

⁴ Hau: byumyu" da" khainjung moo" yi yo' Tarha" sara: yi dangain" ri khe: zheung" to" lho: «Khristu ri khayoo: khu: to" boem wa lha"» Ga: nyangnu" ri myid: yu" da.

MATHE 2:4 ပူးပေါင်းရင်းမြစ်များ

2 KHOKHAM MHOOMYID: 34:13

Levi gooyham" bang: gi yhoem: koid wa jonu" tho' de" da" moo" yo' moo" aja: ja: koid bang: ri yu" khyoo: shid wigi goo" yham" bang: gi lhid" xoem" koid- goem loem bang: khyo" koid wigi dei byid: da:.

2 KHOKHAM MHOOMYID: 34:15

Nyang: gi Shaphan ri «Ngoo gi he: Noku Yhoem: Moo" moo Aseing tarha" pug ri myang bye:» ga: tid da:. Nyang: gi hau: mougsoug" pug ri Shaphan ri byid: da:.

2 KHOKHAM MHOOMYID: 36:14

Hau: tho' agoo" Yuda vhujhung: yi khainjung yi mung" byu yigi nyangnu" lheing khoem mo byumyu" yi da" yooboo shoid da" avoid ri cang wigi yu phara" soolhoo: joem ri no' ago". Houg: lho: nyangnu" gi Aseing nyang: nyang: wigi nyang: gyeung" shang: sho' koid to" da" Noku Yhoem: Moo" ri ayung" alho' koid pyam boem.

EZRA 10:5

Hougsu" yoomo Ezra gi khainjung yi Levi yi yo' gootu: deung da" byumyu" yi da" vhujhung: yiri Shekhania da" phajhi" byid: dang: yhang: ti" koid wa shid re" dang: theing yu nhang: bye:.

EZRA 7:6

Ezra gi Israela byumyu" yi da" Aseing Mangsoo Moshe ri byid: da" joeb byeung" lasi laleug da" tarha" phajhi" seing: dayug nghoid nyid da:. Ciwim ga: ri Ezra gi Aseing Mangsoo da" mainkaid jeju" ri shoug" yu ziyo' nya: mho' gu: dangain" ziri khokham gi nyang: ri byid: da:. Artaxaxe khokham koid zi nyhed zain ein: zain ri Ezra gi Babelon mung" mo Yerusalem khyoo: Israela byumyu" daphung: we' khainjung yi we' Levi yi we' Noku Yhoem: Moo" mo music phung: we' Noku Yhoem: Moo" zung" mo, we' moo" zei: mo, we' shu" wigi thu loo bye: zi nghoid.

COUNG" NGHEI 2:2

Aseing ri nyangnu" da" khokham yi tu: lhoin" lo wigi mung" zoug: yi we' lhoem: thougtheung wa shid re" zheung: gau" sham: go" nyid boem lho: nyang: khyen: soin' to" da" khokham phoo ri we' thougtheung nyid boem.

YEREMIA 8:8

Nanu" gi phajhi" se' ein: ziyo' nga" da" tarha" ri se' ein: khasu" yo" tid goo" wa la". Yu" yu" ge'. tarha" ri adeingmain" da" jhoem: lhid" bang: wigi thid pyam ago".

MALAKHI 2:7

Khainjung yigi yoem: moo" bo da" Aseing Mangso da" lagyoo: yi nghoid yoomo mung" byu yiri Mangso deingmain" da" lasi phajhi" ri jhau" byid: cang bo nyid. Mung" byu yi we' ngoo vho: ngei khyoo: ri khainjung yi jang" mo yhe: jhoug" yu ca" nyid.

MATHE 13:52

Yesu gi «houg: su" nghoid yoomo Mougkhung: mungdain: da" cangzoo: agi yi bue" loo da" tarha" sara: hang" nghoid loug we' Aseig we axoug" ri we yu thu' shug da" yhoem: seing: yo" du nyid» ga: tid.

MATHE 2:3

Herod khokham" hau: da" dang: ri shau" gyoo: lang" gi nyang: yo' Yerusalem mo mo, dangain"- seing" gyo: kho" nyid boem wigi

MATHE 2:5

Nyangnu" nyang: tid da" zigi «Yuda mung" mo Bedlehem voogung moo khu: loo wa nghoid» ga: tid kyo" boem. Khasu" wim gari «lapi: yi da" lo, yo' hid: su" ga: lhid" to".

MATHE 21:15

Nghoidloug we' Khainjung moo" yi yo"- tarha" sara: yi gi Aseing koid: da" mau" pho" moo" ri zheung: myang ziyo' «David da" nya: zoo: ri coung" nghei byid: ge'» ga: zooshang mi" akyu" mho' yhoem: khoug: moo nyho: yoid nyid da" thui: ri shau" gyo: boem lang" gi nheig zheung: gyo: yo: ago".

MATHE 21:23

Aseing Yesu gi Kyu" mho' yhoem: moo" moo doem vang lo" lho: jhoug" byid: nyid da" uri Khainjung moo" yi yo' Yuda lu daid' yi gi Yesu da" nam, moo tain" re" boem lho: «Nang gi he: da" moo" ri hang" da" akhang" aya yo" koid: lha". he: akho: akhang" nang ri hang" byid: lha"» ga: re" zheung: myid: boem.

MATHE 26:3

Hau: ruri nyang: Khainjung moo" yi yo"- Yuda vhu" jhung: yi gi Kayapha ga: su: khainjung da" joyoo moo zheung: foem to.

MATHE 26:47

Houg: su" ga: Aseing dang: da tid nyid shi" uri nyang:- cangzoo: daxe: eig yug moo bo da" Yuda gi thung" keing:- sham: lham: ci: da" byu myoo" sho' mo yo" dage" ju" ri" bye. Houg: bang: gi khainjung moo" yi yo" phung nheig boo yi wigi nhang: kaid mo, nghoid.

MATHE 27:1

Nabsoin: no' re- khainjung agyi yi yo"- Yuda mung zoug: yi Yesu ri said pyam wa shid re" sham go" nyid.

MATHE 7:29

Khasu" wim gari nyangnu" nya: da" tarha" sara: yi yhangti" anghoid. Amyeing" a: na: yo" nyanu" nyang: ri jhoug" byid.

MARKU 8:31

Yesu nya: cangzoo: yi ri jhau byid: zigi byu nya: zoo: gi khyeug shu: da" khyoo: myoo" sho' ja: kham: zoo: ca" wa nghoid-zoug: ludaid, yi Khainjung zeing yi yo' tarha" sara yi wigi ngeug pyam zi shau" lho: said pyam zi shau" wa. Nghoid loug we' soem" nyid lang" doem dei to'' loo wa ga: jhoug" byid.

LUKA 20:19

Tarha" sara: yi yo" khainjung agyi moo": yi gi nyangnu" ri yeing lho: he: da" dangtu' tid ziri se' gyoo: yoomo Yesu ri myab myheig pyam wa shid' re" yoem: kaid nyid boem bye. Nghoidloug we' ayang nu" gi byu phung: yi ri gyoug nyid ashi" go.

LUKA 23:10

khainjung agyi moo": yi yo"- tarha" sara: yi gi shid' khyoo: re" lho: Yesu ri gyi" sho' da" yooboo re" foin: boem.

YOHAN 18:3

Roma gyizoo daphung: yo' khainjung agyi yi yo' pharishe nhang: kaid da" noku yhoem: moo" zung" da" gyi zoo yi ri shu" wigi Yuda gi hau khyam moo re" lho: nyangnu" gi myi bung we' myi doem we gyizi gyi kho joem ri ci boem.

YOHAN 3:10

Yesu doem phougtu" zigi nang gi Israela amyu" mo Sara: moo" dayug nghoid to" nyid lho: wigi he: da" khyoo: ri nang ase' lo nhung: lha".

YOHAN 7:32

Houg: su" Yesu da" khyoo: ri Meing: byu yi so' so' ga: doem go" nyid khyoo: ri Pharishe shau" gyo: boem. Houg: yoomo nyangnu" yo" khainjung agyi yi gi zung" lhug: nyid da" pyada: yi dayham" ri Yesu ri myheig wa shid' re" nhang: kaid boem.

YOHAN 8:3

Tarha" sara: yi yo"- Pharishe bi: gi myiyi: dayug ri Yesu jang" moo khe: shu" re. Hau: yug gi soem" lid shoo: go" nyid jang" mo shau" myheug da" myiyi: nghoid. Tarha" sara: yi yo"- Pharishe gi-hau: myiyi: ridangain" mo, da" shid' khoin" moo yab jo, nhang: lho:

ACTS 23:9

Nyho: nyid thui: je" gyi: lo nyid wigi Pharishe" shoid khyoo: zheung: bo da- Tarha" sara: yi dayham" bang: gi to' yab, re" boem lho: tid boem zigi ce: noem shoid khyoo: ri ngoonu" amyang - Venyi wigi nghoid la' - anghoid lang" Mauglagyo: wigi nghoid la' - nyang: ri tid nhang: bye" - ga: tid ago".

ACTS 4:5

Thang: nyid" ri Yuda vhu" jhung: yi-ludaid' yi yo' tarha" sara: yi gi Yerusalem voomoo" moo zeung" foem: boem bye.

ACTS 6:12

Hougsu" wigi nyangnu" gi mung" byu yi mo vhu" jhung: koid da" ludaid' yi yo' tarha" sara yi ri lu: to' loo nhang: ago". Nyang: nu" gi Stephain ri myheug yu lho: tarha" yab, do' khyoo: shu" yu to" ago".