MATHE 2:16 - Lacid Common Language Bible

¹⁶ Herod gi phajhi" boo mo, mhau' too" khare" zi si lang" nheig yo: lho: wigi phajhi" boo mo, nyang: ri toin" shid da" ayo, ri soin: yu" wigi Bedlehem voogung yo' hau: mung" goin" mo eig zain vhoo: mo yuggi zoo: yi jhoid' said pyam bye.

MATHE 2:16 ပူးပေါင်းရင်းမြစ်များ

APOEM AYANG: 39:14

nya: yhoem: mo dei zoo: khe: lho: «Hid: ri yu" ge' nga" yhoem: seing: phoo shu" nyhid: to" da" he: da" Hebre byu gi nyhang" ri aphoug" akhyoid koid nyid da:. Nyang: gi nga" yab khyoo: vang lo lho: ngoo ri rui" wa lo soin'- nghoid loug ngoo gi yoem: kaid nyho: kaid.

APOEM AYANG: 39:17

Hau: thang: nyang: gi nya: yhoem: seing: phoo ri bue" lo khyoo: tid zigi «Nang shu" nyhid: to" da" Hebre join phoo gi nga" yab khyoo: vang lo lho: ngoo ri aphoug" akhyoid lo koid.

APOEM AYANG: 49:7

Hau: zigi athoug" akhyoug: yoomo nya: tang: da" nheig yo: khyoo: moo nheing" khoin" zang" baja". Houg: lho: nheig khyeug shoo" myen: abo da" gang mo nya: tang: da" nheig joem: yo: khyoo: moo we' nheing" khoin" jo, bye:. Ngoo gi nyangnu" ri Israela moug: goin" khyoo: pyo: sain" loo" nhang: wa Ngoo gi nyangnu" ri nga" byumyu" khoug: mo kho' thu pyam wa.

2 KHOKHAM 8:12

Hazaela gi «Ludaid phoo we"- nang ciwim yoomo ngau nyid la"» ga: myid: da:. Houg: lang" Elisha gi «Israela byumyu" yi adang moo nang yu" gyoug sho' da" gyi koid ri" wa ziri ngoo si' yoomo nghoid. Nang gi nyangnu" gyidab joem ri myi: nghe'- bue" thang da" nyangnu" zooyam yiri said- nyangnu" da" zoonu" yiri du" said- zoonu" gung lid: da" myiyi: yiri voem: dau: thau" khyam" pyam ri" wa» ga: tid.

YOBA 12:4

Akhid" nga" byencang" yi lang" ngoo ri yi juang" pyam ago". Ngoo gi deungmain" ziyo' yooboo foin: khyoo: ci: ajo, nghoid loug we' nyangnu" ngoo ri yi juang" pyam da:. Nghoid loug we' nga" akyu" mho' thui: joem ri Mangsoo tu" byid: da" ayo, ju" da:.

DANG: ZHOEM 28:15

Myung shoo" mo, da" atho' moo athoug" akhyoug: vhoebkhang" nyid da" zoug: phoo gi myeung kyoug nyid da" khang khyi, yhang: ti"- anghoid lang" gi zoo: noem sho: yen" da" voem, yhang: ti" gyoug noem' nghoid nyid.

DANG: ZHOEM 28:17

Byu said da" yooboo yoo" su: gi nyang: nya: da" loeb duang: ri yo" myab, yhi mo, du: nyid su: nghoid. Nyang: ri ayhe: toem, pyam, go

ESAIA 26:21

Nyangnu" yooboo yoomo myidgung byu yiri yooboo dam byid: wa shid re" Aseing gi nyang: nyid da" joyoo- mougkhung: mungdain: mo re" nyid abye:. Myid gung tho mo zau" wigi gau" koid da" byu said mo, ri toin" shid byid: loo wa. Myid gung gi said pyam shoug" bye: bang: ri ashung: too" loo wa.

ESAIA 59:7

Nanu" gi khanham we' akhyeing" da" moo" daja: ja: ri koid wigi nanu" hau: ziri koid wa atheing: loo: lang" nyid ago". Nanu" gi khanham we' ce: yooboo abo da" bang: ri said wa hain: bang: nghoid. Nanu" yhe: da" joyoo khang" moo" moo byo, yoin" ziyo' phyo' soin' khyoo: za: teing too" kho' da:.

DANIELA 3:13

Houg: lho: khokham phoo nheig joem: jo, yo: re" lho: hau: byu soem" yug ri nya: shidkhoin" khyoo: shu" ri" nhang: da:.

HOSEA 10:14

Meing: zain: pui: gi re" byu yi jhang ju" re" lho: nanu" gyidab vang dangain" re" phyo' shoin' pyam zi shau" loo wa. Hau: zigi Shalman khokham wigi Bethebela voomoo" ri gyi khaid lho: phyo' shoin' pyam ziyo' myhi' zeing yiri yo' nyangnu" da" zooshang: yiri khyoeb moin' said pyam da" bidnyid yo' dayhang: ti" nghoid loo wa.

GYUNG: SOO" 22:29

Balam gi «Nang ngoo ri koopyoid yhang: ti" koid yoomo nghoid. Ngoo sham: ci: nghoid rigi nang ri said pyam zi nghoid wa bye:» ga: tid.

GYUNG: SOO" 24:10

Balag gi nheig yo: ziyo' lo, zhoeb zhoeb ci: lho: Balam ri «Ngoo gi nang ri nga" gyivoo ri nheing" khoin" kaid byid: wa shid re" khe: zi nghoid. Nghoid loug we' akhid" nang gi hau: gungthid nyangnu" ri soem" lheing: mainkaid byid: bye:.

MATHE 2:1

Akhid" Herod khokham" da" pyaid moo Yuda mung" mo Bedlehem voogung moo Yesu bain khu: lo thang: ri yu" ge' bid thu' mung" mo phajhi" bo da" byu yi gi Yerusalem voogung moo zheung: ju" re" boem wigi

MATHE 2:17

Lapi: Yeremi tid to" da" dang: gi joeb byeung" loo bye.

MATHE 2:7

Houg: lang" Herod gi phajhi" boo mo, ri gau" khe: yu lho: hau: kyi: zeing thu' lo da" khyoo: ri myed: yu lho: wigi

Pang Shug 12:4

Nyang: gimoug: laid' phyoo" mo kyi: joem- soem" boem mo daboem ri nya: da" myi: yhang yo' shoem" yu lho: myid' jang: tho' khyoo: du" khyo' kaid.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.

TARHA" AGYI 16:10

Delila gi Samson ri «Yu" we' nang gi ngoo ri mhoug yoomo jo da" khyoo: ngoo ri atid kyoo" nghoid da:. Jeju" khyo" dayug yug nang ri khasu" yo" tei" wa khyoo: ngoo ri tid kyoo" la» ga: tid da:.