MATHE 2:13 - Lacid Common Language Bible

¹³ Akhid" phajhi" boo mo, lo" byug thang: ri «Yu" ge' hau: Aseing da" moug: lagyoo: dayug gi Yoseb ri yhoeb' mo, moo thu' shug wigi too' we' hau: zoonu" yo' nya: myhi' ri shu" lho: Egutu mung" khyoo: phang: we'. Ngoo nang ri doem khe: da" bidnyid ju" sho' houg: moo dalo" nyid nyid we'. Khasu" wim gari hau: zoonu" ri said pyam wa ga: Herod sho: nyid bye:» ga: tid.

MATHE 2:13 ပူးပေါင်းရင်းမြစ်များ

1 KHOKHAM 11:17

Egutu khyoo: phang: yhi: mo, nghoid da" Hadada yo' nya: phoo dei zoo: yi Edom byu dayham" za: dadeing da:. (Hau: ayo, ri Hadada gi zooshang: zoo: danghoid shi").

1 KHOKHAM 3:5

Hau: myen ri Aseing gi nya: yhoebmo, moo thu re" lho: «Ngoo nang ri ce: noem byid: wa ziri nang vho: lha"» ga: myid: bye:.

YOBA 33:15

Myen" ri byu yi yhoeb jo, uri Mangsoo gi yhoebmo, joem yo' yoeb myang joem khyo" dang: tid nyid.

YOBA 33:17

Mangsoo gi nyangnu" ri yooboo koid zi theing: pyam goo" wa shid re" tid da:. Houg: lho: nghoid boin: lo jang" mo khyoid yu wa shid re" tid da:.

THU' LO" MOUGSOUG" 1:22

Lo" thang moo khokham phoo gi nya: mung" byu dangain" mo, ri «Hebre zoonu" yuggi zoo: yugkhang" moo" ri shu" yu lho: Nila gyid lang khoug: khyoo: yhe: she: pyam zei kaid we'. Nghoid loug we' myiyi: nu" dangain" rigi dei nyid nhang: too" ge'» ga: amyeing" daloem: khyo' kaid da:.

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

MATHE 10:23

Davoo moo nanu" ri pyi: sho: loo lang" gi goo" voo khyoo phang: loo" ge'. Israela amyu" yi da" voogung joem moo nanu" moo" abain zei: shi" ri hau: byu da" nya: zoo: gi ju" gyoo" loo wam: bye.

MATHE 2:12

Herod jhang khyo" adoem tau" loo" wa shid re" yhoeb' mo, moo nyangnu" ri mau lagyoo: re" tid poin" yoomo khyoo: goo" khaid khyo" nyang: nya: moug: khyoo: doem lo" byug boem bye.

MATHE 2:14

Houg: lang" Yoseb to wigi zoonu" mitang: ri myen" gam gung ri shu" thu' lho: Egutu mung" khyoo: phang: loo" bye. Herod so' she: thang da" bidnyid ju" sho' hau: mung" moo danyid nyid.

MATHE 2:16

Herod gi phajhi" boo mo, mhau' too" khare" zi si lang" nheig yo: lho: wigi phajhi" boo mo, nyang: ri toin" shid da" ayo, ri soin: yu" wigi Bedlehem voogung yo' hau: mung" goin" mo eig zain vhoo: mo yuggi zoo: yi jhoid' said pyam bye.

MATHE 2:22

Nghoidloug we' Akela-u gi nya: phoo Herod da" gung thid' Yuda mung" moo khokham" doem koid nyid zi Yoseb shau" gyoo: lang" nyang: myid gyoug nyid. Hau: tho' moo yhoeb' mo, khyo" nyang ri doem toin" shid yoomo Galile mung" khyoo: nyang: lo" wigi Nazared ga: da" voogung moo danyid nyid.

ACTS 10:22

Nyang: ri" tid zigi ngoonu" ri gyizoug: phoo koneli wigi nhang: kaid' zi nghoid, nyang: gi byugi dayug nghoid lho: wigi Mangsoo ri coung" nghei nyid su: dayug we' nghoid ziyo' - Yuda byu yi dangain" mo, coem phau" myang: nyid su: nghoid. Re" da" mungdang: ri nyang: shau" tam" gyo: yu wa shid re-mau: lagyoo: dayug gi nang ri nya: yhoem: khyoo: khe: yu wa shid re" nyang: re" tid bye.

ACTS 10:7

Hau: moug: lagyoo: lo" byug thang: ri koneli gi nya: yhoem: mo dei zoo: eig yug yo' Mangso khyoo: ri kang: lung bu nyid da- Nya: gung jung" gyizoo: dayug ri khe: yu lho:

ACTS 12:11

Hau: thang: ri Petru gi Nyang: moo bue" lo da" khyoo: ri boin: lo wigi Mangsoo gi nya: moug: lagyoo: ri nhang: kaid' lho-Herod da" lo, mo we' - Yuda byumyu" yi myed, lang" nyid ja- dangain" jang" mo we' ngoori khyoid yu bye: khyoo: ri akhid" ngoo nyang: si' bye- ga: tid.

ACTS 12:7

Mangso da" moug: lagyoo: dayug gi nyid' dain' tung" Petru da" nam, moo re" yab, kaid' lho: thung: yhoem: goin" jang" moo bang jo. Hau: moug: lagyoo: gi Petru ri lo, sain: moo zei: ci: lho: phyed' phyed' too we' ga: nhau". Houg: lang" Petru da" lo, mo jangcoo" doem' gi beug sain" gyo" pyam' bye.

ACTS 16:36

Hougsu" wi hau: thung: agyi, phoo gi Polu yo' Sila eig yug ri Zoug: yi gi nang yo' Sila ri nhang: kaid' wa da" amyeing" khyo' kaid abye: go" - Houg: yoomo re" eig yug ngei pyoo: tung" za: loo" loo: ge" ga: tid kaid' da.

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

ACTS 7:19

Hau: da" khokham" phoo gi ngoonu" da" phoug" phyid" yi ri phajhi" khyau" lho: wigi nyangnu" ri shen" yhen nyid. Nyang: nu" da" zoonu" yi ri shid: loo" wa shid mo yhoem: tung: goung shoid khyoo: ayoid ayu" yhe: she: pyam' too" nhang.

YOSHU 3:13

Mougmyid dangain" da" Aseing Dang: Theing Kuid: ri vu da" khainjung yi nyangnu" khyid: ri gyid lang moo yhe: nang: uri Yodan gyid lang gi yau jang" mo theing: lo" wigi gyid gi dajoyoo mo za theing: jo, wa zi nghoid» ga: tid.

YOSHU 3:17

Byumyu" yi myid kyug jang: khyo" so" lid: lo" nyid uri khainjung yigi Yodan gyid lang agung myid kyug jang: moo: byumyu" yi dangain" mo, bain so" lid: sho' yab jo, boem ago".

YOSHU 4:10

Khainjung yigi byumyu" yi koid wa shid re" Aseing wigi Yoshu ri amyeing" byid: da" gu: ja: khang" moo" bain koid sho' Yodan gyid lang gung moo: yab jo, ago". He: zigi Moshe byid: da" amyeing" dang: nghoid. Byumyu" yigi gyid lang ri hain: hain: gu: dab ago".

YOSHU 4:18

Houg: lho: khainjung yi gyid yam khyoo: ju" loo" lang" gyid lang gi doem yau lo" lho: gyid yam byeung" sho' do, re" da:.

Pang Shug 12:14

Hau: myi: yi myhi, gi main jung ni, zeung da" gyi mo loid byoin, loo" sho' soem" zain dakhyam" zung" lhug coung: goem zi shau" wa da" dain" pyoid yoo mo wigi Nya: joyoo khyoo: yo" dang: loo" wa shid re" zoin, bung: zeung da" dung eig khyab, nyang: ri byid: to" zi shau".

Pang Shug 12:4

Nyang: gimoug: laid' phyoo" mo kyi: joem- soem" boem mo daboem ri nya: da" myi: yhang yo' shoem" yu lho: myid' jang: tho' khyoo: du" khyo' kaid.

Pang Shug 12:6

Myi: yi: myhi, gi nya: shid re" Mangso wigi nyheung too" byid: da" dain" pyoid yoo khyoo: phang: yhe: lo" lho: hau: joyoo moo bidnyid 1260 nyid" ju" sho' nyang: ri coung" goem, zho' jhoug zi shau" nyid.