MATHE 2:11 - Lacid Common Language Bible

¹¹ Hau: yhoem: moo ju" vang lo" boem ri zoonu" yo' nya: myhi' Mari ri myang boem wigi poid thug thoug lho: nyang: ri zheung: noku boem. Nyang: tu: nya: da" sadeig ri phang lho: nyang: ri sheing:- myi: nghe' nam pyo: xu:- myi: anghe' ja: mu" ra: jhung: shug ri thoid' yu boem lho: nyang: ri to' byid: boem.

MATHE 2:11 ပူးပေါင်းရင်းမြစ်များ

APOEM AYANG: 43:11

Nya: phoo nyangnu" ri «Hougsu" nghoid rigi he: moug: mo thu da" ge thang ja: agyid: dajhi'- byooyhid: dajhi'- nam pyo: seig xu: dajhi'- batain shi" yo' Lashab shi" joem ri nanu" da" too: moo tho' lho: mung" zoug: moo" ri yhe: jhungshug ge'.

1 KHOKHAM 10:10

Nyang: gi khokham Sholumon ri nyang: ci: lo da" jhungshug ri byid: bye:. Hau: joem gi sheing: wim tain: koo: yo' nam pyo: ja: yo' lug aja: ja: gye" myoo: sho' nghoid da:. Nyang: Sholumon ri byid: da" nam pyo: ja: gi gootu: khanham we' yo" yu tho' je" myo: nyid da:.

1 KHOKHAM 10:2

Nyang: gi nyang: shu" ci: da" byu phung: moo" yo' dage" nam pyo: ja: joem lug aja: ja: yo' sheing: myoo: sho' ri tho' da" gola-ug phung: ri shu" ci: da:. Nyang: yo' Sholumon shoug" goo" lang" nyang: shau" myid gu: dangain" Sholumon ri myid: bye:.

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

COUNG" NGHEI 45:8

Re" da" byimi joem gi mura bain: soug joem yo' nam pyo: nyid wigi music phung: bang: gi xang: zei yo' mhoin" to" da" khokham khoo" moo: nang ri shapyoo: byid: nyid boem da:.

COUNG" NGHEI 72:10

Spain mung" yo' gugyoo: kang: mo khokham yigi nyang: ri jhungshug jhung: lang: joem re" shug byid: lo boem wa.

COUNG" NGHEI 72:15

Khokham phoo kang: sheung: nyid baja" Sheba mung" mo da" sheing: ri we' yo" khoem yu baja" nya: shid mo noku nyid mo ayo, loem: khang" moo" moo: mho' nyid goo" baja" Mangso mainkaid jeju" joem gi nya: tho' moo: dajo, jo, baja" o".

COUNG" NGHEI 95:6

Ri" ge'- nyhang" nyang: ri poid thug thug lho: noku coung" nghei nyid boem shang. Yha" da" Aseing phain" so: soo: su da" shidkhoin" moo: poid thoug thug to" boem shang.

THU' LO" MOUGSOUG" 30:23

«Ge thang da" nam pyo: ja: mura yeung 3 joid: 13 rung jain"- nam pyo: da" khalamun 3 kyen" 6 rung jain"- nam pyo: da" gyoem: 3 kyen" 6 rung jain" yo'

THU' LO" MOUGSOUG" 30:34

Aseing gi Moshe ri «Vhoo: mo natab gyid:- Onikha- Galaban gyid: nam pyo: da" lobain- he: gu: ri dago" yi" leug yu we'.

SHOLUMON JIKHOIN" 3:6

Kid" ung" bang: oung" byid: da" nam pyo: Mura xu: myikhoug" pung yhang: ti" dain" pyoid yoo khyo" nam do, lo zigi cenoem nghoid lha".

ESAIA 60:6

Midian yo' Epha mo Gola-ug too: tho' da" phung: moo" zeing ju" lo boem goo" wa. Nyangnu" gi Sheba mo sheing: yo' shoem: nam pyo: xu: voin wigi ju" lo boem wa. Byumyu" yigi Aseing koid bye: da" khyoo: lu dang: gi ri tid loo goo" wa.

XOIN" NGEI" 6:15

Hau: thang: nyang: gi cen: moin" phei" dazhoeb yo' xu: ri yu wigi hau: atho' moo: nam pyo: ja: ke" lho: hau: ziri Aseing ri dangain" ngei" byid: bye: da" asoo" khyo" phoin: tho' moo nghe' ngei" wa zi nghoid. Hau: xoin" da" shoem: gi Aseing ri ngei bu: nhang: wa zi nghoid.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

MATHE 1:18

Akhid" Yesu Khristu khu: lo da" khyoo: gi hid: su" nghoid. Nya: myhi' Mari gi Yoseb dang: myed: too" bye: nghoid loug we' nya: eig yug gi dage" azoem" nyid shi" ri Mari gi gyeungshang: Venyi: khyo" zoonu" gung bue" loo bye.

MATHE 12:46

Yesu gi Byu phung: moo ri kho" kyo" nyid da" uri-nya: myhi' yo' nya: nhung" gi ju" re" boem. Nyang: yo" shau" doem goo" wa ga: nghe: shoid moo re" lang" nyid boem.

MATHE 14:33

Houg: lang" lhid' khoug: moo nyid da" cangzoo: yigi «Nang gi Mangso da" nya: zoo: gyeung" nyang nghoid bye:» ga: Nyang: ri noku boem ago".

MATHE 2:10

Hau: da" kyi: ri myang boem lang" gi nyangnu" gye" gau yi boem.

MATHE 2:2

«Khu: loo bye: da" Yuda khokham" gi kha: yoo: lha". Nya: da" kyi: ri bid thu' mung" moo ngoonu" shau" myang bye. Houg: yoomo nyang: ri noku wa ngoonu" ju" re" boem:» ga: re" tid ago".

LUKA 2:16

Nyangnu" gi Mari yo" Yoseb ri we' nu: zo: thung" lhang" moo lheing: to" da" zoonu" ri we' yhe: myang boem.

LUKA 2:38

Zoonu" ri ab nung" byid: da" ayo, moo hau: myiyi: gi ju" re" lho: Mangso da" jeju" ri coung" nghei. Hau: thang: ri Yerusalem voo ri khyoid yu wa ga: nheig byu nyid da" byu dangain" mo, ri zoonu" da" khyoo: ri tid pang kyo.

YOHAN 19:39

Shid' phyang" Aseing Yesu jang" moo myen gung ri re" shau" su:- Nikodi we' moora: yo" nam pyo: seig xu: lhu: lheig to" da" nam pyo: xu: soem" xi: juid" koo: ci: lho: Yoseb jang" moo bo cang yhe: lo.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.

Pang Shug 5:8

Houg: su" yu da" uri gougnyhoug myid: du: yo' ludaid eig xe: myid: youg bang: gi nyang: nya: da" teing joem ri we' Mangso byu yi akyu" myo, ein: da" nam, pyo: shoem: yo' byeung" jo, da" - sheing: goem joem ri ngab, sho' zheung: ci: lho: nyangnu" da" shid khoin" moo goeb khyo' ago".

1 SAMUELA 10:27

Nghoid loug we' byugang: yi dayham" gi «He: yug gi nyha" shid re" ge da" moo" zoo" ri khasu" yo" se' koid byid: wa lha"» ga: tid nyid boem ago". Nyangnu" gi Sholu ri aphoug" akhyoid koid boem wigi nya: shid re" jhungshug we' aci: yhi: nghoid ago".