MATHE 19:9 - Lacid Common Language Bible

⁹ Nanu" ri ngoo tid zigi nanu" da" yhoem: seing: myhi' ri Yuggi goo" yug yo" shoid vhang: goo" yoomo za: anghoid ri ce: ja: yooboo mo nghoid nghoid- myi: kang" pyam lho: gootu: myiyi: dayug yug yo"- deung khu: doem qei" su: gi myi: lhoid da" yooboo yoo" su: nghoid» ga: doem tid.

MATHE 19:9 ပူးပေါင်းရင်းမြစ်များ

APOEM AYANG: 20:3

Damyen rigi Mangsoo Abimeleg jhang yhoebmo, moo re" wigi «Nang gi he: myiyi: myhi' ri shu" yu yoomo nang shid: wa bye:. Nyang: gi yhoem: yoo" bye: su: danghoid» ga: re" tid.

2 KHOKHAM MHOOMYID: 21:11

Nyang: gi Yuda boem moug: cang tungbau yu phara" ri no' da" joyoo joem rilang" koid lho: Yuda yo' Yerusalem byu yiri Aseing ri thougtheung yooboo shoid wa vhu" shu" she: ashi" da:.

YEREMIA 3:1

Aseing tid zigi «Yuggi dayug gi nya: da" yhoem: seing: myhi' ri kang" pyam wigi hau: myiyi: gi gootu: yuggi dayug da" yhoem: seing: myhi' bue" lo" nghoid ri nyang: we' adoem ge yu loo wa. He: moo" zoo" gi mougmyid ri bain sho' ayung" alho' bui" nhang: loo wa. Nghoid loug Israela we"- nang gi zooyam phoo myoo" sho' yug yo" lid: lo abye:. Houg: lho: akhid" nang gi nga" jhang doem tau" phang: loo nau da:.

YEREMIA 3:8

Nyang: gi hougsu" ngoo mo phug lo" wigi shava myhi' bue" byug da" gang mo Israela ri ngoo kang" pyam wigi phang: nhang: pyam bye: ziri we' Yuda shau" myang da:. Nghoid loug we' Israela da" jhug azug da" bi: nhung" Yuda gi agyug nghoid da:. Nyang: we' shava myhi' bue" re" wigi

EZEKIEL 16:15

Nghoid loug we' nang gi re" da" yung" ziri yo' myeing gyi: ziri akho: akhang" yu wigi ju" re" da" yugkhang" moo" yo' yhoeb da:.

EZEKIEL 16:29

Nang gi phaga: ga: da" mungdain: Babelon byu yi da" shava myhi' we' nghoid da:. Nghoid loug we' nyangnu" we' nang ri nheig atho' deug nghoid ago".

EZEKIEL 16:8

«Ngoo doem so" lid: lo" uri nang gi se' jheddab da" ayo, ju" bye: ziri shau" myang. Ngoo gi re" gung cen: doem: ri nga" byisheing: yo' foid to" lho: nang ri jheddab wa dangsoo" byid: bye:. Nghoid- Ngoo gi nang yo' lo, xo' wa dang: theing to" lho: nang gi nga" byu bue" lo da». He: zigi yoem: moo" bo Aseing tid zi nghoid.

MATHE 19:10

Nya: cangzoo: yi gi «myhi' zeing phoo zeing zoem" nyid da" khyoo: gi hid: su" danghoid rigi deung khu: aqei" loo: nyid ri je ge» ga: tid boem.

MATHE 19:8

Yesu gi «Nanu" gi nheigloem: thain: mo, nghoid yoomo Moshe gi nanu" ri myi: kang" pyam wa da" akhang" byid: da" zi nghoid. Xangshid" moo hid: su" kang" pyam wa da" amyeing" ajo,

MATHE 5:32

Nghoidloug ngoo nanu" ri tid da" zigi lang lhoid yoomo za: anghoid rigi nya: myi: ri kang" pyam' su: gi nyang: ri lang lhoid nhang: kaid zi nghoid. Houg: kang" pyam' da" myiyi: ri loxo' yu su: we' sube" myi: lhoid' da" yooboo yoo" bye.

LUKA 16:18

Nyang: nya: yhoem: seing: myhi' ri kang" pyam lho: gootu: myiyi: yo" deungkhu: doem qei" su: gi myi: lhoid su: nghoid. Kang" too" kho" da" myiyi: myhi, yo" loxo' su: hang" we' sube" myi: lhoid zi nghoid.

1Korinthians 5:1

Akhid" nyid" Khristain byu yi anghoid tungbau byu yi lang" akoid yu" da- myiyi: yuggi aved, avhu: koid da" khyoo:- nanu" moo: bo nyid zi- subi" khyag nyang: tid fu" go" nyid ziri: ngoo shoug" gyo. Byu dayug gi nya: myhi' thang yo' shoid' go" nyid khyoo: ri ngoo shoug" gyo.

1Korinthians 7:39

Lo, bain' xo' yu bye: da" myiyi: myhi' gi nya: yhoem: seing: phoo, dadei nyid nyid gi nyang: yo' xo' zoem" khau: nyid ca. Nghoid loug we' yhoem: seing: phoo, shid: byug bye: nghoid rigi- nyang: vho: da" yuggi hang" yo' nghoid loug we' lo, doem yo" xo'- nghoid loug we' hau: su" lo, doem xo' yu su: gi Khristain phung byu nghoid ca.

1Korinthians 7:4

Yhoem: seing: myhi' gi nya: gung doem: ri ayo" seung: ci- yhoem: seing: phoo, ze daseung: ci- houg: yo' dakhyoo" yhoem: seing: phoo, we' nya: gung doem: ri ayo" seung: ci- yhoem: seing: myhi' ze daseung: ci.