MATHE 19:7 - Lacid Common Language Bible

⁷ Pharishe gi houg: su" nghoid rigi ci: wim wigi nya: myi: ri kang" pyam' mougsoug" lhid" byid: lho: yo" kang" pyam ga: Moshe gi cikoid: lhid" to" lha"» ga: doem myid: boem.

MATHE 19:7 ပူးပေါင်းရင်းမြစ်များ

ESAIA 50:1

Aseing tid zigi «Nya: yhoem: seing: myhi' ri kang" pyam da" yuggi yhang: ti" ngoo gi nga" byumyu" yiri nhang: kaid wa zi nghoid ein: nanu" jhoo: go" la". Kang" pyam da" mougsoug" khyab gi khayoo: la". Join khyo" nya: zooshang: yiri oung” zo: pyam da" byu dayug yo' dakhyoo" ti" ngoo gi nang ri thung: byu khyo" oung" zo: pyam ein: jho: rhe". Anghoid- nang thung: byu khyo" cang lo" zigi nanya: yooboo yoomo nghoid da:. Re" yhid kang" pyam shau" zigi re" youg: moo" zoo" yoomo nghoid da:.

YEREMIA 3:8

Nyang: gi hougsu" ngoo mo phug lo" wigi shava myhi' bue" byug da" gang mo Israela ri ngoo kang" pyam wigi phang: nhang: pyam bye: ziri we' Yuda shau" myang da:. Nghoid loug we' Israela da" jhug azug da" bi: nhung" Yuda gi agyug nghoid da:. Nyang: we' shava myhi' bue" re" wigi

MALAKHI 2:16

Israela byu yi nanu" ri Aseing Mangsoo gi hid: su" ga: tid nyid da «Myi: yo' lang gang: khyoo: ri ngoo ngheing" nyid nanu" mo dayug yug nya: yhoem: seing: myhi' tho' moo houg: yhang: ti" nheig khyeug shoo" myen: ase' da" moo" zei: nyid su: ri ngoo ngheing" nyid. Re" yhoem: seing: myhi' ri byid: to" da" dangsoo" zung" lho: aphyo' pyam wa shid re" zid" lhid nyid ge'»

MATHE 1:19

Nya: yhoem: seing: phoo Yoseb koem gi deung main" su: nghoid yoo mo nya: yhoem: seing: myhi' ri sho' athu' nhang: noug yoo mo nyang: ri gau" nhang: kaid wa ga: soin: nyid.

MATHE 19:6

Houg: su" nghoid yoomo nya: eig yug gi eig yug anghoid- dayug za: date: nghoid. Houg: yoomo Mangsoo shoem: too" bye: da" vhu" shang rigi byu hang" we' age phoid: pyam loo.»

MATHE 19:8

Yesu gi «Nanu" gi nheigloem: thain: mo, nghoid yoomo Moshe gi nanu" ri myi: kang" pyam wa da" akhang" byid: da" zi nghoid. Xangshid" moo hid: su" kang" pyam wa da" amyeing" ajo,

MATHE 5:31

«Houg: za: we' anghoid- re" yhoem: seing: myhi' ri kang" pyam' nau ri nyang: ri kang" kaid' da" mougsoug" byid: we' ga: dang: jo, bye.

MARKU 10:4

Nyangnu" gi Moshe gi kang" pyam moug soug" byid: lho: nya: yoem: seing: myhi, ri kang" pyam wa akhang" byid: to"- ga" phoug tu" ago".