MATHE 18:4 - Lacid Common Language Bible

⁴ He: zooshang: yhangti"- nya: nheigloem: nyhoem: khyo su: gi Mougkhung: Mungdain: moo je gyi: thang su: nghoid wa.

MATHE 18:4 ပူးပေါင်းရင်းမြစ်များ

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

MATHE 18:1

Houg: lang" cangzoo: yigi Aseing Yesu jang" moo ju" re" lho: «Mougkhung: Mungdain: moo je gyi: thang su: kha yug nghoid wa lha"» ga: wigi zheung: myid: boem.

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

MATHE 18:5

Nga" myeing yoomo hid yhang: te" da" zooshang: dayug yug ri lhoem: kham: yu su: gi ngoori lhoem: kham: yu su: nghoid bye.

MARKU 10:43

Nghoidloug we-nanu" gyoo: moo koem gi hougsu" age nghoid- nanu" mo je gyi: nougsu: hang" nghoid loug we' nyang: gi dangain" mo, deizoo: koid' ca"-

MARKU 9:34

Nghoid loug we' nyangnu" gi nyang: ri ayo" sho' kyo" boem khasu" wim gari nyangnu" gi khyoo: laid moo nyangnu" mo hang" jegyi: thang su: nghoid da" khyoo: ri nyang: cang" nyang: tid ngeug goo" yoomo nghoid.

LUKA 14:11

Houg: su" nghoid yoomo nyang: nya: gung ri coung" byid: mo, gi khyo, nyhoem: pyam byid: zi shau" wa. Nyang nya: gung ri khyo, nyhoem: su: gi phau" myang: tu: to' kaid zi shau" wa ga: tid.

LUKA 9:48

Nyang: nu" ri tid zigi nga" myeing mo, he: zooshang: yi ri kham: yu mo, hang" nghoid loug we' ngoori ri nhang: kaid' yug ri kham: yu su: nghoid bye khasu" wim gari nanu" mo nge thangsu: gi gyi: thang su: nghoid bye"- ga" tid.

YAKU 4:10

Nanu" gi nanu" nya: da" gung du: ri Aseung da" shid khoin" moo khyo, nyhoem: nyid ge'. houg: lang" nyang: gi nanu" ri coung" nghei tu: to' kaid wa zi nghoid nyid.

1PETERU 5:5

Houg: yo' dakhyoo" ti"- nanu" zoolu: zoomyi: yi we' ludaid' yi da" dang: ri tam" gyo: nyid ge'. nyang: cang" nyang: zoem" khau: da" khyoo: moo nanu" dangain" mo, gi khyo, nyhoem: ein: da" khin' ri void, ci: lho: dayoug da" dei zoo: dayug koid nyid ge'. Khasu" wim ga: ri jhoem: mungdang: moo Mangsoo gi nghoid boin: mo, ri doin: khyo' pyam lho: nheigloem: nyhoem: mo, ri jeju" byid: nyid ga: lhid" to".