MATHE 18:22 - Lacid Common Language Bible

²² Aseing Yesu gi «nyhed lheing: za: anghoid. Nang nyhed, xi: xi: nyhed lheing: ju" sho' yooboo ri khyoid goo" ca"» ga: wigi tid.

MATHE 18:22 ပူးပေါင်းရင်းမြစ်များ

APOEM AYANG: 4:24

Ka-in ri said mo, yooboo dam nyhed lheing: shoug" nghoid rigi ngoo ri said su: rigi nyhed xe: nyhed lheing: shoug" wa zi nghoid» ga: tid.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

MIKHA 7:19

Nang gi ngoonu" ri dalheing: doem nheig khyeug yu shi" wa zi nghoid. Nang gi ngoonu" da" yooboo joem ri khyid: yang: moo nang nhe" pyam wigi panglai: thoem" kang khyoo: du" kaid pyam byid: wa nghoid.

MATHE 18:23

«Houg: su" nghoid yoomo Moungkhoung: Mungdain: gi hid: su" nghoid. shedphyang" ri khokham dayug gi nya: dei zoo: yi da" lhid" xoem"

MARKU 11:25

Nanu" akyu" mho' yab, jo, uri nanu" ri shoid too" mo, da" yooboo ri khyoid byid: ge' Houg: lang" za: moug: khung: tho' mo Phoo, Mangsoo: gi nanu" shoid vhang: da" yooboo joem ri we' khyoid pyam byid wa nghoid.

Roma 12:21

Age khyo" wi nang ri aoung: loo" nhang: - ge khyo" wigi - age da" khyoo ri oung: loo" nhang: ge'.

Ephesu 4:26

Nanu" nheig yo: ri hau: yoo: nau da" nheigloem: yo' yooboo akoid nhang: goo"- bidvang sho' we' nheig ayo: nyid goo".

Ephesu 4:31

Houg: yoomo nheigloem: moo no khyoo: nheig khoo" yo: khyoo: nyho: yoid phau: nheung" ziyo' aphoug" akhyoid koid zi anoug angei da" nheigloem: aja: ja: yo' houg: yo' du go" da" khyoo: joem dangain" ziri shoem" shoung: pyam ge'.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.

1 TIMOTHI 2:8

Phung: mo mo, da" akyu" mho' ayo, khang" moo" moo yug gi yi ri akyu" mho' nhang: nau- Mangso jhang khyoo: mho' ab, xoin" to' byid: da" yug gi yi gi nheig yoo: go" zi ngeung byo, go" zi aboo loo: za: gyeungshang: da" lo, ri tu: lho: akyu" mho' nyid goo" baja".